JEREMÍAS 8:13 - Biblia Guarani Tumpa Iñee

¹³ YandeYa jei: “Tëta chembae vae ayasɨata trigo opa oyeasɨa rami. Ngaraa opɨta uva ave uva jäka re, ɨva ave mbaetɨta ɨva jäka re. Jaeño opɨtata joo ipirugüe.”

JEREMÍAS 8:13 ပူးပေါင်းရင်းမြစ်များ

ISAÍAS 5:10

Treinta tarea uva oñeotɨ vae güi, omeeta veintidó litroño vino, jare payandepo urupuku temitɨ jäi oñeotɨ vae, omeeta metei urupukuño.

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

JEREMÍAS 14:15

Jáeramo che peYa jae, jókuae ñeemombeúa reta cheree re omoërakua mbaetɨ tëi ambou reta vae regua, echa omoërakua reta mbaetɨta ñeraro ani karuai kuae ɨvɨ pe vae; jae reta omanota ñeraro jare karuai rupi.

JEREMÍAS 17:8

Echa ɨ jembeɨ pe ɨvɨra oï vae ramita ko, japo reta oupitɨta ɨ oguataa, jare ngaraa oyandu kuaraɨasɨ, jokɨ katu aveita, ara-tini pe mbaetɨta ipiru, jare ia aveita.

JEREMÍAS 5:17

Neremitɨ jare nderembíu jou retata, nemichia reta ave jou retata ndegüi. Ndevecha jare ndeguaka reta, ndeuva jare ndeɨva reta. Jembiporu ñeraro pegua pe omboaita tëta guasu oñekëse kavi vae, reyerovia jese vae.”

JEREMÍAS 7:20

Jáeramo che peYa, aitɨta chearasɨ kuae tupao re, jare opaete tëta ipo reta re, jökoraiño vi mɨmba reta re, opaete ɨvɨra reta re, jare opaete temitɨ reta re. Mbae ókai vae mbaetɨ kia ipuere ombogüe vae ramita.”

EZEQUIEL 22:31

Jáeramo aitɨ chearasɨ jese reta, chearasɨ yae reve amboai reta, aiporarauka vaerä chupe reta jeko. Che peYa Tumpa jae kuae.”

OSEAS 2:12

Amboaita iuvarupa jare iɨvarupa, echa kuae re jei: ‘Cheparavɨkɨ jepɨ ko, cheaguasa reta omee cheve vae ko.’ Aipoepɨta ñana tëɨ vae pe, jare mɨmba ñana rupigua jouta.

JOEL 1:7

Opa omboai yandeuvarupa reta, jare yandeiva reta opa güírokomegua; opaetei oitio oeya; jäka opaetei oikäo oeya.

LEVÍTICO 26:20

Pepɨ̈rata reta opaiñota peiporu, echa peɨvɨ pe mbaetɨta mbaagüɨye, jare ɨvɨra reta mbaetɨta ia.

HABACUC 3:17

Amboeteta, yepe tëi mbaetɨ ipotɨ ɨva, ani mbaetɨ uvarupa pe ia uva jare ɨvɨra olivo; yepe tëi ko pe mbaetɨ mbaagüɨye; yepe tëi mɨmbarókai pe opa vecha reta jare guaka mbaetɨ jókai pe. Jeseve ayerovia yaeta, cheYa chereroasayepe vae re.

HAGEO 1:11

Jare aru ara-tini ɨvɨ re, ko reta re jare trigo re, uvarupa re, ɨvɨra olivorupa re, mɨmba reta re jare opaete kuimbae reta ipo pe oyeapo vae re.”

HAGEO 2:17

Che ko opa amboai ɨvɨtuakuvo pe, taso oya ramogüe pe, amandau pe opaete peparavɨkɨ reta; ërei jeseve mbaetɨ peyerova chekotɨ, jei yandeYa.

MALAQUÍAS 3:11

“Jare temitɨ güɨrokomegua vae reta opata ambosɨrɨ pegüi, jare ngaraa ma güɨrokomegua pegüi peremitɨ ia, jare mbaetɨta ma peuva iambae.” Jei yandeYa Imbaepuere yae ete vae.

San Mateo 21:19

Jare oecha yave metei ɨva köiño tape güi ojo omae jese, ërei mbaetɨ oväe ia jese, joo katuaiño. Jare jei ɨva pe: —¡Ngaraa ye ma ndeía! Jare ɨva jupivei voi opa yɨpi.

Santiago 1:11

Kuaraɨ oë jare jakuvo yae yave, ñana ipiru, ipotɨ opa osururu jare ipöra okañɨtei. Jökorai ko oikokatu vae okañɨtei imbaembae ipɨte pe.