JEREMÍAS 7:34 - Biblia Guarani Tumpa Iñee

³⁴ Amokañɨta Judá pegua tëta guasu reta güi jare kaye reta Jerusalén pegua güi, tairari yerovia katu arete pegua reta, jare tairari menda pegua reta; opaete kuae ɨvɨ oyemboaita opɨta.”

JEREMÍAS 7:34 ပူးပေါင်းရင်းမြစ်များ

JOB 3:7

¡Ani jókuae pɨ̈tu topɨta mbaetɨ mbae oyeapo pɨpe vae, jare amogüe agüɨye toyerovia jókuae pɨ̈tu!

SALMOS 78:63

Itaɨrusu reta opa omano tata pe, jare ikuñatai reta pe mbaetɨ ma tairari menda pegua.

ISAÍAS 1:7

Peɨvɨ reta opa opɨta ipombae, perëta guasu reta opa oyeapɨ, ketɨgua reta perovakei opa jou peremitɨ, tovaicho reta opa omboai oeya rami oï perëta.

ISAÍAS 3:26

Tëta pegua reta oyaeota, jare omondeta temimonde mbɨatɨtɨ pegua, jare ipombae opɨtata.

ISAÍAS 6:11

Jare che jae chupe: “¿Kërai yave regua pa cheYa?” Jare jae jei cheve: “Tëta guasu reta opa oyemboai regua, ipombae opɨta regua; o reta ipombae opɨta regua, jare ɨvɨ ipombae opɨta regua,

JEREMÍAS 16:9

Echa che ndeYa Imbaepuere yae ete vae, Israel iTumpa, amombeu: Kuae ɨvɨ pe ayasɨata perovake, peikove peiko ramboeve opaete tairari reta, jare yerovia katu reta, jare tairari reta menda pegua.

JEREMÍAS 22:6

Echa yandeYa jei mburuvicha guasu Judá pegua jo kotɨ: “Nde ko chevegua nepöra yae ɨvɨtɨ Galaad rami, ɨvɨtɨ Líbano iyapɨte rami, ërei ngatu ropoepɨta ñuurä, ɨvɨ ipombae vaerä.

JEREMÍAS 25:10

Amokañɨta chugüi reta tairari reta vɨakatu pegua jare yerovia pegua, jare tairari mendaa pegua, ombaeso vae ave ngaraa ma oyeendu ani mechero ave ngaraa ma jendɨ oyekuaa.

JEREMÍAS 27:17

¡Agüɨye peyapo jeigüe! Peñemee mburuvicha guasu Babilonia pegua ipo pe jare peikoveta. ¿Maera pa kuae tëta guasu opɨtata tëtagüerä?

JEREMÍAS 33:10

YandeYa jei: “Pe reta pere, kuae ɨvɨ ipombae ko oï vae jare mbaetɨ pɨpe kuimbae ani mɨmba yepe; Jerusalén ikaye ipombae jare tëta guasu reta Judá pegua; mbaetɨ kuimbae ani mɨmba yepe pɨpe pere chupe vae pe,

JEREMÍAS 33:11

oyeendu yeta tairari arete pegua jare yerovia pegua, jare tairari menda pegua jare oyeenduta jei vae: ‘Pemee yasoropai yandeYa Imbaepuere yae ete vae pe, echa jae ipɨakavi jare iporoaɨu opambae ko.’ Jare güeru reta yeta mbota yasoropai pegua tupao pe, echa aru yeta tembipɨɨ güi, yogüɨreko ye vaerä tenonde yave rupi rami. Che ndeYa ko jae kuae.”

JEREMÍAS 4:26

Amae, jare aecha ɨvɨ kavi ipombae oï, jare opaete tëta guasu reta oyemboai. YandeYa iyarasɨ yavaetegüe opa omboai kuae reta.

JEREMÍAS 4:27

YandeYa jei: “Opaete ɨvɨ oyemboaita, ërei ngaraa opaetei amokañɨtei.

JEREMÍAS 44:6

Jáeramo, chearasɨ oyepota metei tata rami tëta guasu reta Judá pegua re jare Jerusalén pegua kaye reta re. Jare opa oyemboai opɨta añave regua.

LAMENTACIONES 5:14

Tenondegua reta mbaetɨ yé ma oyekuaa tëta guasu jöke rupi; taɨrusu vae reta itairari mbaetɨ ma oyeendu.

EZEQUIEL 26:13

Jökorai amokïriita ndetairari reta, ngaraa ye ma oyeendu ndearpa ipu.

EZEQUIEL 7:11

Tekorai oyekuaa, joko güi oë ikavimbae. Ërei jae reta ngaraa oasayepe, chugüi reta jare imbaeyekou reta ave ngaraa oasayepe; mbaetɨta kia ave oäpiro vaerä.

OSEAS 2:11

Amboapɨta iyerovia katu, iarete reta, yasɨ pɨau pegua arete reta, ara mbutuu pegua reta jare opaete apirai iara reta.

OSEAS 2:13

Aiporaraukata chupe ara reta oasagüe re oapɨ ikäti kavi vae incienso baal reta pe vae re, oñemopöra yave moäka-vera pe jare mboɨ pe, ojo iyaguasa reta jupíe jare ñakañɨ chegüi. Jei yandeYa.

LEVÍTICO 26:33

Jare opata pomoai kerupi ïru tëtaguasu reta rupi, ñeraro rupi opata pomoai, peɨvɨ oikota ipombae jare perëta guasu reta tëtagüerä.

MIQUEAS 7:13

Ɨvɨ opɨtata ñuurä, pɨpegua reta jeko pegua; teko pɨ̈chɨi oyapo reta jeko pegua.

Apocalipsis 18:23

Jaeramiño vi ngaraa ye ma jendɨ ndepɨpe mechero, ani kia omenda vae iarete. Echa omaemee yepi joko pe vae reta tuichagüe reta yepi, echa ndepaye reta rupi rembotavɨ opaete tëtaguasu reta.”