JEREMÍAS 7:32 - Biblia Guarani Tumpa Iñee

³² Jáeramo che peYa amombeu peve, oväeta kuri ara mbaetɨ vaerä ma oñeenɨi Tofet ani ɨvɨtɨ päu ipe kavi vae Ben-hinom, jaeño oñeenɨita Ɨvɨtɨ päu ipe kavi vae Yeyuka Renda. Jare Tofet pe oñeotɨta omanogüe, mbaetɨ ma jendarä jeko pegua.

JEREMÍAS 7:32 ပူးပေါင်းရင်းမြစ်များ

2 REYES 23:10

Josías güɨröɨro güi omboai vi mbaemboete renda reta Tofet pegua, ɨvɨtɨ päu Hinom pe oï vae pegua, agüɨye vaerä ma metei ave oapɨ taɨ ani tayɨ, Moloc pe.

JEREMÍAS 19:11

jare ere chupe reta: ‘YandeYa Imbaepuere yae ete vae jei körai: Kia oyoka ɨrɨru ñaeu pegua yave opa oyembojaɨ jare mbaetɨ ma ikavi oyeapo kavi ye vaerä, jökoraita ayapo kuae ɨvɨ Judá jare tëta guasu Jerusalén. Omanogüe reta oñotɨ retata Tofet pe, mbaetɨ ketɨ oñeotɨ vaerä jeko pegua.

JEREMÍAS 19:13

O reta Jerusalén pegua jare mburuvicha guasu reta Judá pegua jo reta, jare o reta iárambo ikäti kavi vae incienso oapɨ reta yasɨtata reta pea pe, jare omee reta mbota vino oyepɨyere vae tumpa ambuae pe vae, ikɨata opɨta cheróvai Tofet rami.’ ”

JEREMÍAS 19:2

Javoi pekua ɨvɨtɨ päu ipe kavi vae Ben-hinom pe, kuaraɨ oëa kotɨ öke oï vae re katu oï vae pe, jare joko pe emoërakua ñee reta, che amombeuta ndeve vae.

JEREMÍAS 19:6

Jáeramo oväeta ara kuae ɨvɨ mbaetɨ vaerä ma oñeenɨi Tofet, ani ɨvɨtɨ päu ipe kavi Ben-hinom pe ave, jaeño oñeenɨita Ɨvɨtɨ päu ipe kavi vae Yeyuka Renda.

JEREMÍAS 31:40

Opaete ɨvɨtɨ päu ipe kavi vae omanogüe oñeotɨ pɨpe vae jare tanimbu oyemomboa, jare opaete ɨvɨtɨ päu ipe kavi vae oï ɨ̈aka Cedrón iárambo vae güive Kavayu Röke jee vae iekina pe, kuaraɨ oëa kotɨ, oñeñono tee chevegüarä. Jare kuae tëta guasu ngaraa ye ma oyemboai.”

JEREMÍAS 7:31

Jare ɨvɨtɨ päu ipe kavía Ben-hinom jee vae pe omopüa reta mbota reta oyeapɨ jese vae Tofet, jese oapɨ reta vaerä taɨ reta ani tayɨ reta, che mbaetɨ etei ayókuai jese reta vae, mbaetɨ vi kërai ave yepe ayemongeta jese vae.

EZEQUIEL 6:4

Opata amboai mɨmba oyeyuka oyeapɨ jese vae, kuaraɨ iä penoi vae opata ayoka, jare kuimbae reta ayukaukata itumpa-raanga reta jóvai.

LEVÍTICO 26:30

Amboaita pembaemboete renda ɨvɨtɨ re ñogüɨnoi vae, jare ambosururuta petumpa-raanga reta, jare añonota perëogüegüe petumpa-raanga reta oyekagüe iárambo rupi, echa pɨ̈chɨi yae ko cheve;