JEREMÍAS 7:30 - Biblia Guarani Tumpa Iñee

³⁰ YandeYa jei: “Judá pegua reta oyapo ikavimbae cheróvai; oñono reta itumpa-raanga aröɨro yae vae chero pe, jökorai chero omongɨa reta.

JEREMÍAS 7:30 ပူးပေါင်းရင်းမြစ်များ

2 REYES 21:3

Echa omopüa pɨau ye mbaemboete renda ɨvɨtɨ rupigua reta tu Ezequías opa omboaigüe, jare omopüa mɨmba oyeyuka oyeapɨ jese vae reta Baal pe jare oyapo metei Asera iä, Acab, mburuvicha guasu Israel pegua oyapo rami, jare omboete opaete ara ipo reta,

2 REYES 21:4

omopüa vi mɨmba oyeyuka oyeapɨ jese vae yandeYa jo pe, kuae re yandeYa jei: “Che añonota cheree Jerusalén pe.”

2 REYES 21:7

Jare oñono metei Asera iä jae oyapogüe yandeYa jo pe; kuae o re yepe yandeYa jei David pe jare taɨ Salomón pe: “Che añonota cheree jekuae avei pegua kuae o pe, Jerusalén pe, kuae aiparavo Israel iñemuña reta güi vae.

2 REYES 23:12

Omboai vi mɨmba oyeyuka oyeapɨ jese vae reta, mburuvicha guasu reta Judá pegua oyapo Acaz jo iárambo vae, jare mɨmba oyeyuka oyeapɨ jese vae reta Manasés omopüa yandeYa jo joka pe vae; opa oyoka jare ikuigüe opa omoai ɨ̈aka raɨ Cedrón pe.

2 CRÓNICAS 33:15

Güɨnoe vi yandeYa jo güi tumpa ambuae reta jare tumpa-raanga jare opaete mɨmba oyeyuka oyeapɨ jese vae omopüa ɨvɨtɨ yandeYa jo oï jese vae re vae jare Jerusalén pe vae, opa güɨnoe omombo tëta guasu güi ikatu pe.

2 CRÓNICAS 33:3

Echa jae omopüa pɨau ye mbaemboete renda ɨvɨtɨ rupigua reta tu Ezequías opa omboaigüe, jare omopüa mɨmba oyeyuka oyeapɨ jese vae Baal pe, jare oyapo Asera iä reta, jare omboete opaete ara ipo reta,

2 CRÓNICAS 33:7

Oñono vi mbae iä jae oyapogüe Tumpa jo pe, kuae re ko yandeYa jei David pe jare taɨ Salomón pe: “Kuae o pe, Jerusalén pe, aiparavo opaete Israel iñemuña reta güi vae pe añonota cheree jekuae avei pegua.

ISAÍAS 66:4

Jayave, che aiparavota vi tembiporara chupe reta, aruta chupe reta, jae reta okɨɨye yae chugüi vae. Echa aporoenɨi tëi yave mbaetɨ kia omboyevɨ cheve, cheñee amoë tëi yave, mbaetɨ kia oendu cheve; ikavimbae oyapo reta cheróvai, oiparavo reta iyeupe, mbaetɨ etei ipöra cheve vae.”

JEREMÍAS 16:18

Tenonde aiporaraukata täta chupe reta jeko kavimbae jare imbaeyoa reta re, echa omongɨa reta cheɨvɨ itumpa-raanga reta jekovembae pe, jare opaete ɨvɨ chembae rupi oyapo reta mbaembae che aröɨro vae.”

JEREMÍAS 23:11

YandeYa jei: “Ñeemombeúa reta jare sacerdote reta ave iyoa; chetupao pe ave aväe ikavimbae oyapo reta vae.

JEREMÍAS 32:34

Jare chetupao oñeñono tee cheveguarä vae pe oñono reta itumpa-raanga pɨ̈chɨi yae vae reta; jökorai omongɨa reta chetupao.

JEREMÍAS 32:35

Omopüa reta vi mbaemboete renda reta Baal peguarä, ɨvɨtɨ päu ipe kavi vae Ben-hinom pe, imichia reta oapɨ vaerä jese Moloc pe, jökorai oitɨ reta mbaeyoa pe Judá; mbae ikavimbae yae ko, che mbaetɨ ayókuai jese reta vae jare mbaetɨ vi kërai ave yepe ayemongeta jese vae.

EZEQUIEL 7:20

Oyembotuicha reta, mbaembae jepɨ ipöra vae güɨnoi reta vae rupi; jókuae mbaembae jepɨ ipöra vae pe oyapo reta itumpa-raangarä ikavimbae yae vae. Jáeramo che aipoepɨta ɨtɨrä jókuae reta.

EZEQUIEL 8:3

Jare jókuae kuimbaeecha vae ombou ipo jare chepɨɨ chea pe. Jare Tumpa imbaepuere chereraja ɨvate ɨvɨ güi, Tumpa oechauka cheve vae rupi chereraja Jerusalén pe, jare cheñono öke japɨpe pegua pe, ɨvɨtuguasu kotɨ omae vae pe, joko pe oï tumpa-raanga yandeYa omboarasɨuka vae iä.

DANIEL 11:31

Isundaro reta mbaetɨ eteita omboete o mbaemboetea jare ikësea, oyopia reta agüɨye vaerä ma oñemee mɨmba oyeyuka oñemee ara ñavo vae jare oyapo retata joko pe ikavimbae yae vae.

DANIEL 9:27

Metei semana vae re jae oyapota metei morogüɨrökuavee päve jeta vae ndive; ërei semana mbɨte rupi oyopiata agüɨye vaerä ma oyeapo mɨmba oyeyukagüe jare mbota reta oñemee vae. Ikavimbae yae vae oyeapota tupao pe, ou regua oväe kañɨtei ikavimbae yae vae iyapoa re.’ ”