JEREMÍAS 7:28 - Biblia Guarani Tumpa Iñee

²⁸ Ere körai: ‘Jae ko kuae tëtaguasu mbaetɨi oyapo iYa Tumpa jeigüe vae, mbaetɨ vi oipota oyeapo kavi. Jupi rupi yogüɨrekose vae opa okañɨ chugüi.’ ”

JEREMÍAS 7:28 ပူးပေါင်းရင်းမြစ်များ

SALMOS 12:2

Iyapu päve oyoupe reta; omboyukɨ imiari reta oyoupe, iyemongeta ambuaeyee reve.

SALMOS 50:17

Echa mbaetɨ reipota rombosɨmbi jare mbaetɨ reendu cheñee reta.

PROVERBIOS 1:7

Arakuaa katu jae ko yandeYa güi yaipoɨu vae; iyarakuaambae reta güɨröɨro arakuaa katu jare mboromboe.

ISAÍAS 30:9

Echa kuae tëta pegua reta ko ipɨapochɨ vae jare yapu yae vae, mbaetɨ oipota reta oendu yandeYa iporookuai vae.

JEREMÍAS 11:10

Iyoa reta iñemuñagüe reta iyoa rami, echa jae reta mbaetɨ oipota oyeapɨsaka cheñee reta re, omboete reta tumpa-raanga reta. Judá jare Israel mbaetɨ omboete morogüɨrökuavee päve ayapo iñemuñagüe reta ndive vae.

JEREMÍAS 17:23

Ërei jae reta mbaetɨ oendu, ñäteɨ oyapo reta jaegüe, jaeño oyembopɨapochɨ reta agüɨye vaerä oendu, ñenupa rupi ave mbaetɨ oipota oendu reta.’

JEREMÍAS 2:30

Ainupaiño ma peraɨ reta, mbaetɨ etei oipota reta oikuaa maera ko oñenupa vae. Yaguapope pochɨ yae vae rami, peyuka ñeemombeúa reta kɨsepuku pe.

JEREMÍAS 32:33

Ikupeño omee reta cheve, mbaetɨ jova. Yepe tëi mbaetɨ aeya kërai yepe amboembae, jeseve mbaetɨ oyapo reta che jae vae, jare mbaetɨ vi oipota oikuaa reta mbae jeko pegua ko oñenupa vae.

JEREMÍAS 5:1

YandeYa jei: “Peguata Jerusalén pegua kaye reta rupi, pemae kavi, peeka joka guasu rupi, yaecha ra peväe kia jupi vae oyapo vae, jare añetegüe rupi oiko vae. Peväe yave cheɨ̈rota Jerusalén pe.

JEREMÍAS 5:3

CheYa Tumpa, nde reeka vae ko jupigüe oyapo vae, reinupa reta tëi, ërei jeseve mbaetɨ oyandu reta; reiporarauka tëi chupe reta, ërei mbaetɨ oipota reta oikuaa. Oyembopɨa täta reta, oasa ete ye ita güi, mbaetɨ oipota reta oyerova ye ndekotɨ.

JEREMÍAS 6:17

YandeYa oñono sundaro reta ɨvate güi omae vae rami vae, jae reta jei vaerä imbae vae reta pe: “Peyeapɨsaka peï mimbɨguasu iñee re.” Ërei chembae vae reta jei: “Ngaraa royeapɨsaka jese.”

JEREMÍAS 6:28

Opaete jae reta ipɨapochɨ vae reta ko, iñee ndaye reta, opaete oikomegua vae reta ko, jiero jare jiero iyu vae reta rami ko.

JEREMÍAS 6:8

Jerusalén, eyapo kavi ndereko, echa mbaetɨ yave, asɨrɨta ndegüi, jare ñuurä repɨtata, ɨvɨ ipombae vaerä.”

OSEAS 4:1

Israel iñemuña reta, peyeapɨsaka yandeYa iñee re, echa jae oyoaka kuae ɨvɨ pe yogüɨreko vae ndive, echa kuae ɨvɨ pe mbaetɨ ma añete vae, oyoparareko vae, ani Tumpa oikuaa vae.

SOFONÍAS 3:2

Mbaetɨ oyeapɨsaka yandeYa iñee re, mbaetɨ oipota oendu omboeta chupe vae, mbaetɨ oyeko yandeYa re, mbaetɨ ou Tumpa kotɨ.

SOFONÍAS 3:7

Jae cheyeupe: ‘Körai Jerusalén oipoɨuta chegüi, jare oyeapɨsakata cheré; jayave ngaraa ñakañɨ opaete jókuae mbaembae re aiporarauka chupe vae güi.’ Ërei jae reta jeieteño jarembae pegua oyapo reta jeta ikavimbae.