JEREMÍAS 7:26 - Biblia Guarani Tumpa Iñee

²⁶ Ërei ngatu pe mbaetɨ peyapo che jae peve vae, jaeño peyembopɨa täta oasa ete ye peñemuñagüe reta güi.

JEREMÍAS 7:26 ပူးပေါင်းရင်းမြစ်များ

1 REYES 14:22

Jare Judá oyapo ikavimbae vae yandeYa jesa róvai, jare omboarasɨuka yae opaete iñemuñagüe reta mbaeyoa oyapogüe güi,

1 REYES 14:9

Ërei ngatu reyapo ikavimbae vae, opaete tenonde yogüɨreko ndegüi vae reta güi, chemboarasɨ vaerä nde reo jare reyapo tumpa ambuae reta, jare jiero tɨkuigüe pe reyapo mbae iägüe, jare chemombo ndeyeugüi;

2 REYES 17:14

Ërei Israel iñemuña reta mbaetɨ oendu, ipɨatäta yae reta iñemuñagüe reta ipɨatäta yae rami, echa jae reta mbaetɨ güɨrovia iYa Tumpa;

2 REYES 17:15

güɨröɨro reta iporookuai jare morogüɨrökuavee päve oyapo iñemuñagüe reta ndive vae, mborookuai reta omee chupe reta vae, jare omboete reta tumpa-raanga reta, tëtaguasu reta iyɨ́vɨri ñogüɨnoi vae rami, yandeYa oyókuai tëi agüɨye vaerä oyapo jókuae tëtaguasu reta jeko vae.

2 CRÓNICAS 30:8

Añave, agüɨye peyembopɨa täta peñemuñagüe reta rami; peñeñono yandeYa ipo pe jare peyu o mbaemboetea pe, jae oñono tee jekuae avei pegua vae pe. Peyeokuai yandeYa Tumpa pe, jökorai agüɨye vaerä ma iyarasɨ pekotɨ.

2 CRÓNICAS 33:10

YandeYa ombou ñee Manasés pe jare imbae vae pe; ërei jae reta mbaetɨ oyeapɨsaka jese.

2 CRÓNICAS 33:23

Ërei mbaetɨi oñemomichi yandeYa jóvai, tu Manasés oñemomichi rami, echa jae jeieteño omoïru mbaeyoa.

NEHEMÍAS 9:29

Remboeta chupe reta oyerova ye vaerä ndeporookuai kotɨ; ërei jae reta oyembopɨapochɨ, mbaetɨ oendu jare iyoa reta ndeporookuai kotɨ, kuimbae oyapo ndeporookuai reta jeigüe yave oikove; oñemopüa reta ndekotɨ, oyembopɨa täta reta, jare mbaetɨ oyeapɨsaka reta.

PROVERBIOS 29:1

Oyemboeta chupe vae oyembopɨa täta yave, güɨramoiño okañɨteita, mbaetɨta kia oepɨ vae.

ISAÍAS 48:4

Rokuaa ndepɨa täta yae ko, jiero täta rami, jare jiero iyu vae rami vae,

ISAÍAS 5:4

¿Mbae ye ra ayapota tëi cheuvarupa pe? ¿Oime ra mbae oata ayapo vaerä chupe? Che aäro tëi ia jëe vaerä, ërei, ¿maera ra jayasɨ yae?

JEREMÍAS 11:8

Ërei mbaetɨ oyeapɨsaka ani oyapo reta che jaegüe, oyapo reta ipɨa jemimbotaño. Mbaetɨ oipota oyapo reta che jae vae ramo, ambou chupe reta tembiporara reta kuae morogüɨrökuavee päve pe oyekuatía oï vae.’ ”

JEREMÍAS 16:12

Jare pe reta oasa ete ye peyapo ikavimbae jókuae peñemuñagüe reta güi, echa metei ñavo peyapo pepɨa jemimbotaño, mbaetɨ peyeapɨsaka cheré.

JEREMÍAS 17:23

Ërei jae reta mbaetɨ oendu, ñäteɨ oyapo reta jaegüe, jaeño oyembopɨapochɨ reta agüɨye vaerä oendu, ñenupa rupi ave mbaetɨ oipota oendu reta.’

JEREMÍAS 19:15

“YandeYa Imbaepuere yae ete vae Israel iTumpa jei: ‘Ambouta kuae tëta guasu re jare opaete tëta iyɨvɨrigua reta re tembiporara amoërakua chupe reta vae, echa oyembopɨa täta yae reta mbaetɨ vaerä oendu reta cheñee reta.’ ”

JEREMÍAS 22:21

Chemiari tëi ndeve ikavi reiko yave, ërei mbaetɨ reipota reyeapɨsaka cheré. Jökorai reiko ndetaɨrusu güive. ¡Mbaetɨ reipota reyeapɨsaka cheñee re!

JEREMÍAS 25:3

“Josías, Amón taɨ trece año ma oiko mburuvicha guasurä Judá pe yave güive añave regua, yandeYa imiari cheve, jae ko veintitré año ma, jare che chemiari voi peve cheapɨmbae reve, ërei mbaetɨ peendu cheve.

JEREMÍAS 25:7

Ërei yandeYa jei añave: ‘Pe reta mbaetɨ peipota peyapo che jae vae; chemboarasɨuka pemboete tumpa reta pe aeño peyapo peyeupe vae rupi; kuae ikavimbae peyapo vae peyeupeguarä aeño ko.’

JEREMÍAS 26:5

ani mbaetɨ peipota peyeapɨsaka vaerä cherembiokuai reta ñeemombeúa re, che ambou peve iyɨpɨ güive osondombae reve vae reta, jare kuae reta re mbaetɨ peyeapɨsaka yave,

JEREMÍAS 29:19

Echa mbaetɨ peyapo amombeu peve iyɨpɨ güive voi cherembiokuai ñeemombeúa reta rupi vae, amondo yave peve, mbaetɨ peyeapɨsaka jese reta. Che peYa ko jae kuae.

JEREMÍAS 3:13

Jaeño emombeu teko renoi vae, echa neäteɨ reyapo ndeYa Tumpa iporookuai, reeka reyemboaguasa vaerä ketɨgua reta ndive, opaete ɨvɨra iküaraɨa kavi vae igüɨ rupi, jare mbaetɨ reyapo cheporookuai. Che ndeYa jae kuae ndeve.’ ”

JEREMÍAS 32:23

Ërei ngatu, jae reta oike ma oñemoëta pɨpe yave, mbaetɨ oendu ndeporookuai reta ani oipota oyapo reta nde reyókuai oyapo vaerä vae. Jáeramo rembou chupe reta opaete kuae susere yavaetegüe.

JEREMÍAS 34:14

chiu año oväe ñavo oyora reta vaerä oipotagüe jëtara hebreo oñemee jembiokuairä vae, jare oyeokuai chupe ova año vae. Ërei ngatu peñemuñagüe reta mbaetɨ oendu jare mbaetɨ oyapo reta che jae vae.

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 35:17

Jáeramo che, peYa Imbaepuere yae ete vae Israel iTumpa, jae: Aruta Judá re jare Jerusalén pegua reta re, susere yavaetegüe amoërakua chupe reta vae; echa pe reta mbaetɨ peyapo che jae vae: ‘Poenɨi tëi, jare mbaetɨ pemboyevɨ cheve ñee.’ ”

JEREMÍAS 44:16

—Ngaraa royapo jókuae ñee reru oreve yandeYa güi vae.

JEREMÍAS 5:3

CheYa Tumpa, nde reeka vae ko jupigüe oyapo vae, reinupa reta tëi, ërei jeseve mbaetɨ oyandu reta; reiporarauka tëi chupe reta, ërei mbaetɨ oipota reta oikuaa. Oyembopɨa täta reta, oasa ete ye ita güi, mbaetɨ oipota reta oyerova ye ndekotɨ.

JEREMÍAS 6:10

Che jae: “¿Kia pa oenduta cheñee, amoërakua yave kuae re? Oyeapete ko oï iyapɨsa reta, cheYa, mbaetɨ ipuere oendu reta, oyóyai yoyaiño ko neñee reta, mbaetɨ oaɨu reta iyeupe.

JEREMÍAS 6:17

YandeYa oñono sundaro reta ɨvate güi omae vae rami vae, jae reta jei vaerä imbae vae reta pe: “Peyeapɨsaka peï mimbɨguasu iñee re.” Ërei chembae vae reta jei: “Ngaraa royeapɨsaka jese.”

JEREMÍAS 7:24

Ërei ngatu mbaetɨ oendu reta, jare mbaetɨ oyapo reta che jae vae, jaeño oyembopɨa täta yae reve yogüɨreko ipɨa jemimbota rupiño. Oyerova vaerägüe chekotɨ, ikupeño omee reta cheve.

JEREMÍAS 9:13

YandeYa jei: “Opaete kuaekuae oasa, echa oeya reta cheporookuai reta amee chupe reta vae; mbaetɨ oendu jare mbaetɨ oyapo reta.

EZEQUIEL 12:2

“Nde kuimbae, reiko ipɨapochɨ vae reta ipɨte pe. Oime tëi jesa reta omae reta vaerä, ërei mbaetɨ oecha reta; oime tëi iyapɨsa reta, oendu reta vaerä, ërei mbaetɨ oendu reta, echa ipɨapochɨ vae reta ko.

EZEQUIEL 12:3

Jáeramo nde kuimbae, eyupavo reo vaerä ïru ɨvɨ kotɨ vae rami, ara pe etei eë ndero güi jae reta jovakei, ekua reïa güi ïkotɨa; güɨramoi jayave oikuaa reta, jae reta yepe metei tëta ipɨapochɨ vae.

EZEQUIEL 20:30

Ere Israel iñemuña reta pe: ‘YandeYa Tumpa jei körai: ¿Maera pa peyemongɨa peñemuñagüe reta rami? ¿Maera pa pemboete jókuae tumpa-raanga reta ikavimbae yae vae?

DANIEL 9:6

Mbaetɨ roendu nderembiokuai ñeemombeúa reta, nderee re imiari oreruvicha guasu reta pe vae, oreruvicha reta pe jare oreñemuñagüe reta pe vae, jare opaete Israel pegua reta pe vae.

OSEAS 11:7

Chembae vae reta jekuaeño oyembopɨapochɨ chekotɨ. Yepe tëi chereenɨi reta Tuichagüe yae ete vae pe; ërei mbaetɨ etei metei ave chembotuicha.

ZACARÍAS 7:11

Ërei mbaetɨ oipota reta oendu, jaeño omee ikupe, jare iyapɨsa oyapete reta agüɨye vaerä oendu.”

MALAQUÍAS 3:7

Peñemuñagüe reta rami opa pesɨrɨ cheporookuai güi, jare mbaetɨ peñovatu. ¡Peyerova ye chekotɨ jare che ayerova yeta pekotɨ!” Jei yandeYa Imbaepuere yae ete vae. Ërei pere: “¿Mbae rupi pa royerova yeta?”

San Mateo 21:38

Ërei ko iporúa reta oecha yave uvarupa iya taɨ, jei reta oyoupe: Kuae ko jae ko iyarä vae. Peyu yayuka, ñapɨ̈ro chugüi iko.

San Mateo 23:32

Pe reta ikavi ko peyapo voi mo peñemuñagüe oyapo rami.

Hechos 7:51

Pe reta ko pepɨa täta vae, pepɨa jare peapɨsa oyembocircuncidambae. Peyovaicho avei Espíritu Santo kotɨ. Peñemuñagüe reta rami etei vi pe reta.

Romanos 2:5

Ërei ndepɨatäta jare mbaetɨ reeya ikavimbae vae ndepɨa pe oï vae rupi, remboatɨ ndeyeupe aeño Tumpa iyarasɨ, jae iporojäa jupi rupi vae iara oyekuaa yave.

DEUTERONOMIO 8:20

Perovake yandeYa Tumpa opata omokañɨ tëtaguasu reta rami, pe opata pekañɨtei, mbaetɨ yave yandeYa Tumpa iñee jei vae peyapo.