JEREMÍAS 7:24 - Biblia Guarani Tumpa Iñee

²⁴ Ërei ngatu mbaetɨ oendu reta, jare mbaetɨ oyapo reta che jae vae, jaeño oyembopɨa täta yae reve yogüɨreko ipɨa jemimbota rupiño. Oyerova vaerägüe chekotɨ, ikupeño omee reta cheve.

JEREMÍAS 7:24 ပူးပေါင်းရင်းမြစ်များ

NEHEMÍAS 9:29

Remboeta chupe reta oyerova ye vaerä ndeporookuai kotɨ; ërei jae reta oyembopɨapochɨ, mbaetɨ oendu jare iyoa reta ndeporookuai kotɨ, kuimbae oyapo ndeporookuai reta jeigüe yave oikove; oñemopüa reta ndekotɨ, oyembopɨa täta reta, jare mbaetɨ oyeapɨsaka reta.

SALMOS 81:13

¡Tëta chembae vae oyapo yave mona che jae vae! ¡Israel, oguata yave mona cheremimbota rupi,

JEREMÍAS 13:10

Kuae tëta jeko kavimbae vae, ñäteɨ cheporookuai oyapo vae, ipɨa jemimbotaño ombotenonde vae. Omboete jare oyeokuai tumpa ambuae reta pe. Jae ko, jókuae kuakuaa mbaetɨ etei ma ikavi rami.

JEREMÍAS 13:11

Kia omoata ikuakuaa iyé vae rami, opaete vae Israel pegua jare Judá pegua amboatɨ tëi cheyé, yogüɨreko vaerä chembaerä, jërakua vaerä cheree jare cheyemboetea. Ërei mbaetɨ oyapo reta che jae vae. Che ndeYa jae kuae.

JEREMÍAS 15:6

Nde chereeya, reyerova chegüi. Jáeramo che, mbaetɨ ma aropɨa, aitɨta chepo aiporarauka vaerä ndeve jare romboai vaerä.

JEREMÍAS 16:12

Jare pe reta oasa ete ye peyapo ikavimbae jókuae peñemuñagüe reta güi, echa metei ñavo peyapo pepɨa jemimbotaño, mbaetɨ peyeapɨsaka cheré.

JEREMÍAS 17:23

Ërei jae reta mbaetɨ oendu, ñäteɨ oyapo reta jaegüe, jaeño oyembopɨapochɨ reta agüɨye vaerä oendu, ñenupa rupi ave mbaetɨ oipota oendu reta.’

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

JEREMÍAS 18:10

Ërei jókuae tëtaguasu reta oyapo ikavimbae jare mbaetɨ oendu reta jaegüe yave, ngaraa ma ambou chupe reta mbae ikavi vae amokätɨro ambou vaerä chupe reta vae.

JEREMÍAS 18:12

Ërei jae reta jeita ndeve: ‘¡Joko peño mo, nemiariiño ma! Romboete ñotai ko oretumpa-raanga reta; roikota orepɨa jemimbota rupiño.’ ”

JEREMÍAS 2:27

echa metei ɨvɨra pe ave jei reta: ‘Nde ko cheru’, jare metei ita pe: ‘Nde ko chesɨ.’ Javoi cheve ikupe omee reta, mbaetɨ jova. Ërei ngatu, mbaesusere ou chupe reta yave, jei reta cheve: ‘¡Eyu orereepɨ!’

JEREMÍAS 22:21

Chemiari tëi ndeve ikavi reiko yave, ërei mbaetɨ reipota reyeapɨsaka cheré. Jökorai reiko ndetaɨrusu güive. ¡Mbaetɨ reipota reyeapɨsaka cheñee re!

JEREMÍAS 23:17

Cheñee güɨröɨro vae reta pe jei reta: ‘YandeYa jei opaete mbae oë kavita ko peve.’ Jare opaete ipɨa jeigüe reño yogüɨreko vae reta pe jei reta: ‘Ngaraa mbae ikavimbae ou peve.’ ”

JEREMÍAS 3:13

Jaeño emombeu teko renoi vae, echa neäteɨ reyapo ndeYa Tumpa iporookuai, reeka reyemboaguasa vaerä ketɨgua reta ndive, opaete ɨvɨra iküaraɨa kavi vae igüɨ rupi, jare mbaetɨ reyapo cheporookuai. Che ndeYa jae kuae ndeve.’ ”

JEREMÍAS 3:17

Jayave, Jerusalén oyembojeeta kuri yandeYa Iporookuaía; opaete tëtaguasu reta oyemboatɨta joko pe chemboete vaerä, ngaraa ma ipɨapochɨ rupi yogüɨreko ye.

JEREMÍAS 32:23

Ërei ngatu, jae reta oike ma oñemoëta pɨpe yave, mbaetɨ oendu ndeporookuai reta ani oipota oyapo reta nde reyókuai oyapo vaerä vae. Jáeramo rembou chupe reta opaete kuae susere yavaetegüe.

JEREMÍAS 32:33

Ikupeño omee reta cheve, mbaetɨ jova. Yepe tëi mbaetɨ aeya kërai yepe amboembae, jeseve mbaetɨ oyapo reta che jae vae, jare mbaetɨ vi oipota oikuaa reta mbae jeko pegua ko oñenupa vae.

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 6:16

YandeYa jei imbae vae reta pe: “Peyemboɨ tape reta rupi jare pemae, peparandu tape reta ñɨma yae vae re, kia nunga tape ra jae ikavi vae; peguata jupi jare peväeta mbutuu peyeupe.” Ërei jae reta jei: “Mbaetɨ, ngaraa roguata jupi.”

JEREMÍAS 7:26

Ërei ngatu pe mbaetɨ peyapo che jae peve vae, jaeño peyembopɨa täta oasa ete ye peñemuñagüe reta güi.

JEREMÍAS 8:5

Jayave Israel, ¿maera pa mbaetɨ chemboete? Jerusalén, ¿maera pa reyembopɨapochɨ jekuae avei, jare mbaetɨ reipota reyerova ye chekotɨ?

JEREMÍAS 9:14

Oyapo reta ipɨa jemimbotaño jare omboete reta tumpa-raanga Baal reta, tu reta omboe jese rami.

EZEQUIEL 20:13

Ërei Israel iñemuña reta oyembopɨapochɨ chekotɨ ñuu pe; jare mbaetɨ yogüɨreko reta cheporookuai reta rupi, güɨröɨro reta, kia oendu jare oyapo yave oikoveta vae; omboeteä reta cheara reta mbutuu pegua. Jáeramo ayemongeta aitɨ vaerä chearasɨ jese reta ñuu pe, opa vaerä amokañɨtei reta.

EZEQUIEL 20:16

echa güɨröɨro reta cheporookuai reta, mbaetɨ yogüɨreko reta cheporookuai reta rupi, jare omboeteä reta cheara mbutuu pegua, echa ipɨa reta itumpa-raanga reta reteiño.

EZEQUIEL 20:21

Ërei taɨ reta oyembopɨapochɨ reta chekotɨ, mbaetɨ yogüɨreko reta cheporookuai rupi, mbaetɨ oñovatu reta jare mbaetɨ oyapo reta, jare omboeteä reta cheara mbutuu pegua. Jáeramo ayemongeta aitɨ vaerä chearasɨ jese reta ñuu pe, chepɨakatu vaerä apɨta chearasɨ güi.

EZEQUIEL 20:8

Ërei oyembopɨapochɨ reta chekotɨ, jare ñäteɨ oyeapɨsaka reta cheré, mbaetɨ oeya itumpa-raanga reta, mbaetɨ oeya Egiptoɨgua reta itumpa-raanga. Jare jae aitɨ vaerä chearasɨ jese reta jókuae ɨvɨ Egipto pe; chepɨakatu vaerä apɨta chearasɨ güi.

DANIEL 9:6

Mbaetɨ roendu nderembiokuai ñeemombeúa reta, nderee re imiari oreruvicha guasu reta pe vae, oreruvicha reta pe jare oreñemuñagüe reta pe vae, jare opaete Israel pegua reta pe vae.

OSEAS 10:6

Jókuae toro taɨrusu vae iä ave oyererajaukata Asiria pe, omee reta vaerä mburuvicha guasu pe. Jökorai Efraín pegua reta oñemomaraiukata, jare Israel oñemomaraita itumpa-raanga reta ndive.

OSEAS 4:16

Echa Israel pegua reta oyembopɨapochɨ metei guaka taɨrusu vae imasombae rami; ¿oyangarekota ra yandeYa jese metei vecha re rami jembíu katúa pe?

MIQUEAS 6:16

Echa peñovatu peyeupe Omri iporookuai reta, jare opaete Acab iñemuña reta jembiapo peyapo; jókuae reta iporomboarakuaa rupi peiko, opa vaerä che pomboai poñono jare peikota ñemomarai rupi. Jáeramo peñemotareɨukata peiko ïru tëta guasu pegua reta pe.”

ZACARÍAS 7:11

Ërei mbaetɨ oipota reta oendu, jaeño omee ikupe, jare iyapɨsa oyapete reta agüɨye vaerä oendu.”

DEUTERONOMIO 29:19

Ërei kia nunga vae oendu kuae mborookuai jei vae reve jei yave iyeupe: ‘Che anoita mbɨakatu, yepe tëi ayapo che jaegüe; asavaɨpo rupi amboasata ɨuve.’