JEREMÍAS 7:23 - Biblia Guarani Tumpa Iñee

²³ Jaeño ayókuai reta oendu katu vaerä cheñee; echa jökorai yave che aikota iTumparä jare jae reta yogüɨrekota chembae retarä. Ayókuai vi yogüɨreko vaerä che ayókuai rami, ikavi yogüɨreko vaerä.

JEREMÍAS 7:23 ပူးပေါင်းရင်းမြစ်များ

JOB 36:11

Oendu reta yave jare omboete reta yave, yogüɨreko kavi retata omano regua.

SALMOS 119:3

echa mbaetɨ ko oyapo ikavimbae, jae jemimbota rupi yogüɨreko vae reta.

SALMOS 40:6

Mɨmba oyeyukagüe jare mbota mbaetɨ ndembopɨakatu; mɨmba oyeyukagüe opaetei oyeapɨ vae jare ñɨ̈ro pegua mbaetɨ reeka oreve, ërei reipea cheapɨsa.

SALMOS 81:13

¡Tëta chembae vae oyapo yave mona che jae vae! ¡Israel, oguata yave mona cheremimbota rupi,

ÉXODO 15:26

jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”

ÉXODO 16:32

Jare Moisés jei: —Körai yandeYa jei: “Pemonoo mókoi kilo rupi, jare peñovatu peñemuña reta peguarä, oecha reta vaerä mbɨyape che amee peu ñuu rupi vae, ɨvɨ Egipto güi che pogüɨnoe yave.”

ISAÍAS 3:10

Ere jupi vae pe, ojo kavita ko, echa oyekouta jembiapo re.

JEREMÍAS 11:4

Jae ko jókuae morogüɨrökuavee päve ayapo peñemuñagüe reta ndive vae, anoe reta yave Egipto güi, jókuae horno jiero oyemondɨkui pɨpe rami chupe reta vae güi. Jae chupe reta: Peendu cheñee reta, jare peyapo cheporookuai. Jayave peikota chembaerä jare che aikota peTumparä.

JEREMÍAS 11:7

Peñemuñagüe reta anoe Egipto güi rupive, amombeu kavi voi chupe reta oendu katu vaerä che jae vae; jayave güive añave regua, jekuae avei amombeu chupe reta oendu vaerä che jae vae.

JEREMÍAS 13:11

Kia omoata ikuakuaa iyé vae rami, opaete vae Israel pegua jare Judá pegua amboatɨ tëi cheyé, yogüɨreko vaerä chembaerä, jërakua vaerä cheree jare cheyemboetea. Ërei mbaetɨ oyapo reta che jae vae. Che ndeYa jae kuae.

JEREMÍAS 22:21

Chemiari tëi ndeve ikavi reiko yave, ërei mbaetɨ reipota reyeapɨsaka cheré. Jökorai reiko ndetaɨrusu güive. ¡Mbaetɨ reipota reyeapɨsaka cheñee re!

JEREMÍAS 22:3

Kuae pe, peyapo jupi vae jare sɨmbi vae, peyora jasɨ katu oiko vae oporogüɨrekoasɨ katu vae ipo güi, agüɨye pembotavɨ ani mbae peñomi ketɨgua güi, tɨ̈reɨ güi ani imemano vae güi. Agüɨye peyuka jekombae.

JEREMÍAS 24:7

Ameeta chupe reta kɨ̈reɨ ngatu, chekuaa reta vaerä che ko jae iYa, jare yogüɨrekota chembae retarä, jare che aikota iTumparä, echa oyerova reta yeta chekotɨ opaete ipɨa ndive.

JEREMÍAS 31:33

Ërei kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; jare aikota jae reta iTumparä jare jae reta yogüɨrekota chembaerä.

JEREMÍAS 32:23

Ërei ngatu, jae reta oike ma oñemoëta pɨpe yave, mbaetɨ oendu ndeporookuai reta ani oipota oyapo reta nde reyókuai oyapo vaerä vae. Jáeramo rembou chupe reta opaete kuae susere yavaetegüe.

JEREMÍAS 38:20

Jeremías jei chupe: —Cheruvicha guasu, ngaraa rea jae reta ipo pe. Eyeapɨsaka yandeYa iñee che amombeu aï ndeve vae re, reo kavi vaerä jare reroasayepe vaerä nderekove.

JEREMÍAS 42:6

Güɨramoi, ikavi ani mbaetɨ ikavi oreve jae jei vae, royókuai reyerure vaerä chupe, royapota yandeYa Tumpa jei vae, roiko kavi vaerä.

SOFONÍAS 3:2

Mbaetɨ oyeapɨsaka yandeYa iñee re, mbaetɨ oipota oendu omboeta chupe vae, mbaetɨ oyeko yandeYa re, mbaetɨ ou Tumpa kotɨ.

ZACARÍAS 6:15

Jare mombɨrɨ ñogüɨnoi vae yogüeruta jare oporomborɨta omopüa pɨau ye yandeYa itupao, jayave peikuaata yandeYa Imbaepuere yae ete vae ko chembou pekotɨ. Kuae oyeapota peendu jare pekɨ̈reɨ ngatu peyapo yandeYa iñee yave.

ZACARÍAS 7:7

¿Jaeä yera kuae ñee yandeYa omoërakuauka tenondegua ñeemombeúa reta rupi; Jerusalén pegua reta yogüɨreko pɨagüive yepi, jare iyɨ́vɨri rupigua tëta guasu reta jare ɨvɨ Neguev jare Sefela pe yogüɨreko vae?

Romanos 16:26

Ërei añave oyekuaa, ñeemombeúa reta oikuatía Tumpa Iñee vae rupi, Tumpa oiko ñomai vae iporookuai rupi, oikuaauka opaete tëtaguasu reta pe, oporogüɨrovia reta vaerä;

2 Corintios 10:5

Jökorai romboai yemongeta reta jare opaete pɨayembotuicha omboavai yaikuaa vaerä Tumpa vae. Jökorai opaete pɨayemongeta rogüɨrajata Cristo jei vae oyapo vaerä.

DEUTERONOMIO 11:27

Penoita mborerekua, peyapo yave yandeYa Tumpa iporookuai reta, che amombeu añave peve vae.

DEUTERONOMIO 13:4

Peiko yandeYa Tumpa jupíe, peipoɨu chugüi, peyapo iporookuai reta, peendu iñee reta, pemboete jare peyemboya jese.

DEUTERONOMIO 13:5

Jare jókuae ñeemombeúa ani ipaɨu katu vae tomano, echa pemboarakuaa peyemboyovaicho vaerä yandeYa Tumpa kotɨ, perenoe ɨvɨ Egipto güi jare pereepɨ yeokuaiasɨ katu güi vae, jare pemoñera pepia vaerä yandeYa Tumpa peokuai peyapo vaerä vae güi. Jökorai peekɨ ikavimbae pepɨte güi.

DEUTERONOMIO 30:2

jare peyerova ye yandeYa Tumpa kotɨ opaete pepɨa ndive jare perekove ndive yave, jare peendu yave yandeYa iñee che añave poyókuai rami, pe jare peraɨ reta,

DEUTERONOMIO 30:20

peaɨu yandeYa Tumpa, peendu iñee, peguata avei jupíe; echa jae ko tekove iya peveguarä, peiko puku vaerä; peiko vaerä jókuae ɨvɨ yandeYa güɨrökuavee jee re peñemuñagüe Abraham, Isaac jare Jacob pe vae pe.”

DEUTERONOMIO 30:8

jare pe peyerova yeta, peenduta yandeYa iñee jare peyapota opaete iporookuai reta che poyókuai añave vae.

DEUTERONOMIO 4:10

Jókuae ara peï yave ɨvɨtɨ Horeb pe yandeYa Tumpa jóvai, yandeYa jei cheve: ‘Emboatɨ cheve opaete vae, aenduka vaerä cheñee chupe reta, kuae rupi oikuaa reta vaerä oipoɨu avei chegüi opaete ara oikove yogüɨreko ramboeve ɨvɨ pe, jare omboe reta vaerä taɨ reta oyapo vi jökorai.’

DEUTERONOMIO 4:40

Jare peñovatu iporomboe reta jare iporookuai reta poyókuai añave vae, peo kavi vaerä pe jare peraɨ reta jare peraɨkue rupigua reta, yandeYa Tumpa tombopuku peara reta jókuae ɨvɨ omee peve jekuae avei pegua vae pe.”

DEUTERONOMIO 5:16

Pemboete peru jare pesɨ, peYa Tumpa peokuai rami, peiko puku vaerä jare peiko kavi vaerä ɨvɨ iárambo peYa Tumpa omee pevea pe.

DEUTERONOMIO 5:29

¡Jökorai avei mona ipɨa reta, oipoɨu jare oñovatu opaete cheporookuai, jae reta jare taɨ reta yogüɨreko kavi vaerä jekuae avei pegua!

DEUTERONOMIO 5:33

Peguata yandeYa Tumpa peokuai vae rupi, peo kavi vaerä jare peiko kavi vaerä, jökorai peiko puku vaerä ɨvɨ peota peiko pɨpe vae pe.

DEUTERONOMIO 6:3

Pe, Israel iñemuña reta, peendu peyeupe, peyeandu avei agüɨye vaerä peakañɨ peyapo, peiko kavi vaerä jókuae ɨvɨ kavi pe, peñemuña vaerä jeta, yandeYa, peñemuñagüe reta iTumpa güɨrökuavee peve rami.

Hebreos 5:9

Jare opaete Tumpa jei vae oupitɨ ma yave, ou opɨta yemboasa opambae vae, opaete jae jei vae oyapo vae reta peguarä;

1 SAMUEL 15:22

Jayave Samuel jei: “¿Oyerovia yae pa yandeYa mɨmba reta oyeyukagüe opaetei oyeapɨ vae re, jare mɨmba reta oyeyuka vae re, iñeerendu katu vae re rami? Añetete, ñeereendu katu ko ikavi yae mɨmba reta oyeyukagüe güi, jare yeapɨsaka katu vecha kuimbae reta ikɨragüe güi.