JEREMÍAS 7:18 - Biblia Guarani Tumpa Iñee

¹⁸ Michia reta güeru yepea tu pe jare tu reta oyatapɨ, kuña reta omboípɨu trigokúi mbɨyaperä omee vaerä mbota tumpa-raanga ara pegua Mburuvicha kuña pe oenɨi jae reta vae. Omee reta vi mbota vino oyepɨyere vae tumpa ambuae reta pe, chemboarasɨuka vaerä.

JEREMÍAS 7:18 ပူးပေါင်းရင်းမြစ်များ

1 REYES 14:9

Ërei ngatu reyapo ikavimbae vae, opaete tenonde yogüɨreko ndegüi vae reta güi, chemboarasɨ vaerä nde reo jare reyapo tumpa ambuae reta, jare jiero tɨkuigüe pe reyapo mbae iägüe, jare chemombo ndeyeugüi;

1 REYES 16:2

“Che ko romopüa ɨvɨkúi güi jare roñono tëta chembae Israel juvicharä. Ërei nde, remomoe Jeroboam jeko, Israel pe reyapouka mbaeyoa. Chemboarasɨuka mbaeyoa reyapo vae pe.

SALMOS 16:4

Oiporara yaeta, jókuae ikɨ̈reɨ ngatu reve oyeokuai ïru tumpa reta pe vae. Ngaraa che arökuavee tugüɨ chupe reta, jee ave ngaraa aenɨi.

ISAÍAS 3:8

Echa Jerusalén opa oyemboai oï, Judá opa okañɨtei, echa joko pe jei reta jare oyapo reta ikavimbae yandeYa kotɨ, mbaetɨ omboete reta jae iyemboetea, omboarasɨuka vaerä.

ISAÍAS 57:6

Israel, ɨvɨtɨ päu ipe kavía pegua ita iïchɨi vae reta oimea pe, ikavi ndeve rembaemboete vaerä, jae ko remboete, chupe reta remee vino mbota oyepɨyere vae, jare temitɨ jäɨgüe. Opaete kuae peyapogüe reta ¿chemboyeroviata yera?

ISAÍAS 65:11

Ërei, pe chereeya vae reta, peakañɨ cheɨvɨtɨ oñeñono tee vae güi, peñono tembíu tumpa-raanga Gad, mbaeyekou pegua pe, pemee mbota vino oyepɨyere vae tumpa-raanga Mení, maratuta vae regua pe,

ISAÍAS 65:3

Tëta chemboarasɨ avei ara ñavo vae; kó raɨ rupi omee reta mɨmba oyeyukagüe tumpa-raanga pe, ladrillo re oapɨ reta ikäti kavi vae incienso;

JEREMÍAS 1:16

Jae kuae tembiporara aruta jókuae iyoa reta jare chereeya reta vae kotɨ vae, echa oapɨ reta ikäti kavi vae incienso tumpa ambuae reta pe, omboete reta, jae reta aeño oyapo vae.

JEREMÍAS 11:17

Echa che, peYa Imbaepuere yae ete vae, poñotɨ temitɨ rami vae ko amombeu kuae susere Judá jare Jerusalén kotɨ, ikavimbae yae vae peyapo jeko pegua chemboarasɨuka, echa peapɨ ikäti kavi vae incienso Baal pe.”

JEREMÍAS 17:2

Neñemuña reta imaendúa mɨmba oyeyuka oyeapɨ jese vae reta re, jare netumpa-raanga Asera iä reta ɨvɨra iküaraɨa kavi vae reta igüɨ rupi ñogüɨnoi vae re, jare ɨvɨtɨ reta ɨvate vae re,

JEREMÍAS 19:13

O reta Jerusalén pegua jare mburuvicha guasu reta Judá pegua jo reta, jare o reta iárambo ikäti kavi vae incienso oapɨ reta yasɨtata reta pea pe, jare omee reta mbota vino oyepɨyere vae tumpa ambuae pe vae, ikɨata opɨta cheróvai Tofet rami.’ ”

JEREMÍAS 25:7

Ërei yandeYa jei añave: ‘Pe reta mbaetɨ peipota peyapo che jae vae; chemboarasɨuka pemboete tumpa reta pe aeño peyapo peyeupe vae rupi; kuae ikavimbae peyapo vae peyeupeguarä aeño ko.’

JEREMÍAS 32:29

Caldeaɨgua reta añave opüa ñogüɨnoi tëta guasu re vae oiketa pɨpe jare oyatapɨ retata jese; oapɨta vi o reta, iárambo güɨnoi reta ikäti kavi vae incienso oapɨ Baal peguarä jese vae, jare mbota vino oyepɨyere tumpa ambuae reta pe vae, jókuae rupi chemboarasɨuka reta vae.

JEREMÍAS 44:25

YandeYa Imbaepuere yae ete vae Israel iTumpa jei körai: “Pe reta jare perembireko reta, pere vae peyapo. Pe reta peñererökuavee peapɨ vaerä ikäti kavi vae incienso jare mbota vino oyepɨyere vae tumpa ara pegua Mburuvicha kuña jee vae pe; peñererökuavee peyapo vaerä vae pembopo.

JEREMÍAS 44:4

Ambou avei voi tëi cherembiokuai ñeemombeúa reta omombeu vaerä peve, agüɨye vaerä peyapo ikavimbae yae vae, che aröɨro vae.

JEREMÍAS 7:17

¿Remaeä pa jae reta kërai mbae oyapo tëta guasu reta ɨvɨ Judá pe, jare kaye reta Jerusalén pegua rupi vae re?

LAMENTACIONES 5:13

Taɨrusu vae reta güɨraja ombaeso vaerä; kunumi reta opa ombogüɨapi yepea ivoɨ.

EZEQUIEL 16:26

Jare ndeaguasa reiko nerëta iyɨpɨ pegua Egiptoɨgua reta ndive; jëia yae jókuae peguarä vae reta ndive; jökorai chemboarasɨ yeyé jekuaekuae reyapo aguasa vae rupi.

EZEQUIEL 20:28

Che aru reta jókuae ɨvɨ arökuavee amee vaerä chupe retaa pe, jare oecha reta ramboeve ɨvɨtɨ ɨvate vae jare ɨvɨra iküaraɨa kavi vae yave, joko pe omee reta mɨmba oyeyukagüe, jare mbota reta, pɨpe chemboarasɨ reta, joko pe omee vi ikäti kavi vae incienso jare mbota vino oyepɨyere vaerä oñemee vae.

EZEQUIEL 8:16

Jayave chereraja yandeYa itupao joka japɨpe pe, jare aecha yandeYa itupao jöke jare mɨmba oyeyuka oyeapɨ jese vae ipäu pe, veinticinco rupi kuimbae ikupe omee ñogüɨnoi yandeYa itupao kotɨ, omae reta kuaraɨ oëa kotɨ, itindɨasɨ reve ɨvɨ re omboete reta kuaraɨ.

EZEQUIEL 8:17

Jayave yandeYa jei cheve: “Nde kuimbae ¿reecha pa? ¡Mbaetɨ etei yangapɨɨ Judá pegua reta oyapo ikavimbae vae, omotɨnɨe ikavimbae pe kuae ɨvɨ! Jekuaekuae rupi chemboarasɨuka reta; chembopɨayuguaru jeko reta.

1 Corintios 10:22

¿Ñamoägüɨroukata pa yandeYa?, ani ¿yandepuere yae pa yandeYa güi?

DEUTERONOMIO 32:16

Omoägüɨrouka reta tumpa ambuae güɨnoi jeko pegua, omboarasɨuka tumpa-raanga omboete jeko pegua;

DEUTERONOMIO 32:21

Chemoägüɨrouka reta tumpambae vae re, chemboarasɨuka reta tumpa-raanga reta re; ¡che amoägüɨroukata vi metei tëta ambuae vae re, amboarasɨukata metei tëtaguasu mbaetɨ oipota oendu vae rupi!

DEUTERONOMIO 4:19

Ani pemae yave ara kotɨ jare peecha kuaraɨ, yasɨ jare yasɨtata, jare opaete ara ipo reta jare petindɨ pemboete ani peyeokuai chupe; echa yandeYa Tumpa ko oyapo kuae mbaembae, opaete vae reta peguarä.