JEREMÍAS 7:10 - Biblia Guarani Tumpa Iñee

¹⁰ Javoi peyu kuae o cheree oñeenɨia pe peñeñono cheróvai. ¿Perovia pa jaekavi peiko jökorai, perovia pa jaekavi peyapoño vaerä jókuae ikavimbae reta mbaetɨ aropɨa vae?

JEREMÍAS 7:10 ပူးပေါင်းရင်းမြစ်များ

1 REYES 9:3

Jare yandeYa jei chupe: “Che aendu ndeyerure jare neporomoñera reyapo cheróvai vae. Che añono tee kuae o nde remopüa vae, añono vaerä cheree pɨpe jekuae avei pegua; jare opaete ara rupi ayangarekota jese.

2 REYES 21:4

omopüa vi mɨmba oyeyuka oyeapɨ jese vae yandeYa jo pe, kuae re yandeYa jei: “Che añonota cheree Jerusalén pe.”

2 CRÓNICAS 33:4

omopüa vi mɨmba oyeyuka oyeapɨ jese vae yandeYa jo pe; kuae tupao re yandeYa jei: “Jerusalén pe oïta cheree jekuae avei pegua.”

2 CRÓNICAS 33:7

Oñono vi mbae iä jae oyapogüe Tumpa jo pe, kuae re ko yandeYa jei David pe jare taɨ Salomón pe: “Kuae o pe, Jerusalén pe, aiparavo opaete Israel iñemuña reta güi vae pe añonota cheree jekuae avei pegua.

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

ISAÍAS 48:2

echa pe reta peñeenɨi tëta guasu oñeñono tee vae pe, jare Tumpa re güɨrovia vae reta pe, jae ko jee yandeYa Imbaepuere yae ete vae:

JEREMÍAS 32:34

Jare chetupao oñeñono tee cheveguarä vae pe oñono reta itumpa-raanga pɨ̈chɨi yae vae reta; jökorai omongɨa reta chetupao.

JEREMÍAS 34:15

Ko mbovɨ ara, pe reta peipoepɨ tëi pereko, jare peyapo jaekavi cheve vae, peyora ramboeve tembiokuai perëtara reta vae. Jare peyapo yemongeta peñererökuavee reve tupao oñeñono tee cheveguarä vae pe.

JEREMÍAS 44:9

¿Peäkañɨ ma pa opaete ikavimbae oyapo peñemuñagüe reta vae güi, jare ikavimbae oyapo mburuvicha guasu reta Judá pegua vae jare jembireko reta, jare pe reta etei jare perembireko reta vi oyapo ikavimbae yae vae ɨvɨ Judá pe jare kaye Jerusalén pegua rupi vae güi?

JEREMÍAS 7:11

¿Kuae o cheree oñeenɨi pɨpe vae, peve jae pa ko imonda vae reta iñemía? Opaete jókuae che aecha ko. Che peYa jae kuae.

JEREMÍAS 7:14

Jáeramo, ayapota vi kuae o cheree oñeenɨi pɨpe vae pe, Silo pe ayapo rami; kuae pe reta perovia katu jese vae, che amee peve jare peñemuñagüe reta pe vae.

JEREMÍAS 7:30

YandeYa jei: “Judá pegua reta oyapo ikavimbae cheróvai; oñono reta itumpa-raanga aröɨro yae vae chero pe, jökorai chero omongɨa reta.

EZEQUIEL 20:39

‘Israel iñemuña reta, yandeYa Tumpa jei körai: ¡Pekua metei ñavo pemboete petumpa-raanga reta, mbaetɨ yave pekɨ̈reɨ chemboete! Ërei oväeta ara chemboete vaerä jare ngaraa ye ma pemongɨa cheree ikɨambae vae jókuae pemee mbota vae rupi jare pemboete petumpa-raanga reta vae rupi.

EZEQUIEL 23:29

Jae reta nemotareɨta omae nderé, jare opaeteita opɨ̈ro ndegüi reparavɨkɨ jese vae, ndereeyata nderete nandi; oitɨrumboita nderete remee aguasa pe vae. Ndekuimbae pota yae vae jare ndeaguasa pota ramo,

EZEQUIEL 23:37

Jae reta mbaetɨ jupi yogüɨreko cheve, oporoyuka reta, omboete reta itumpa-raanga reta. Oapɨ imembɨ reta tumpa-raanga reta pe, jókuae cheve imembɨ reta vae.

EZEQUIEL 23:39

Imembɨ omee oyeapɨ vaerä itumpa-raanga reta pe güire, oike reta vi jókuae ara chero mbaemboetea pegua pe, omongɨa reta vaerä. ¡Jae kuae oyapo reta chetupao pe etei vae!

EZEQUIEL 33:25

Jáeramo, ere chupe reta: YandeYa Tumpa jei körai: ‘Pe reta peu soo jugüɨ reve, pemboete tumpa-raanga jare peporoyuka, ¿perovia pa jökorai reve peikota kuae ɨvɨ iyarä?

EZEQUIEL 33:31

Yogüeru ndekotɨ chembae vae reta rami, ñogüɨnoi nderóvai tenonde yave yogüɨrekose rami, oendu reta neñee, oyeapɨsaka reta neñee re. Ërei mbaetɨ oyapo reta oendugüe. Yepe tëi oikatu imiari reta vaerä pɨpe, ërei ipɨa reta korepoti pota reteiño.

EZEQUIEL 5:11

Che jae cheyé aeño: Nde remongɨa chero mbaemboetea, opaete nderembiapo ikavimbae yae vae rupi, jáeramo mbaetɨta cheɨ̈ro ndeve ani roparareko;

DANIEL 9:18

OreYa Tumpa, emboɨke ndeapɨsa jare eendu; emae kavi opa royemboai roï vae re, jare tëta guasu nderee oñeenɨia opa oyemboai oï vae re. Mbaetɨ roeka ndeve yemborɨ jupi rupi roiko jeko pegua, jaeño ndeporoparareko tuicha yae jeko pegua ko.

OSEAS 6:9

Imonda vae reta okätɨro kia re rami, sacerdote reta oyomboatɨ oporoyuka tape Siquem rupi, oyapo reta pɨ̈chɨi yae vae.

AMÓS 4:5

Jare pemee mɨmba oyeyukagüe mbaemboete pegua, mbɨyape oyembovugüe ndive, jare pemoërakua oipota rupi mbota pepɨa-kɨ̈reɨ ngatu reve pemee vae, echa jókuae ko pemomora pe Israel iñemuña reta.” Jei yandeYa Tumpa.

SOFONÍAS 1:5

Amboaita jo iárambo oyeupi oyetavatɨka omboete vaerä yasɨtata, kuaraɨ, yasɨ vae, jare oyetavatɨka reta jei cheree re jare itumpa-raanga Milcom jee re vae reta.

MALAQUÍAS 3:15

Jare yae añave: ‘Oyembopɨa pochɨ vae reta oyerovia yae, ikavimbae oyapo vae reta ikavi yogüɨreko, ojäa reta tëi Tumpa ipɨaguasu, ërei mbaetɨ oiporara reta.’ ”

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

San Juan 13:18

Opaete pe reta reä ko chemiari aï. Che aikuaa kia reta ko jae cherembiparavo. Ërei Tumpa Iñee pe oyekuatía oï vae oyembopota ko. Echa oyekuatía oï körai: “Jókuae okaru che ndive vae oyeapata cheré.”

San Juan 18:28

Jayave güɨraja reta Jesús Caifás jëta güi mburuvicha oporojäa pe. Ndeimboveasɨ ko jare jae reta mbaetɨ oike mburuvicha oporojäa pe, agüɨye vaerä oyemongɨa, jare jökorai reve jou vecha kuimbae taɨrusu vae isoo Pascua pe.