JEREMÍAS 6:21 - Biblia Guarani Tumpa Iñee

²¹ Jáeramo yandeYa jei: “Ko añono kuae tëta chembae oyepɨaka jare ogüɨapi vaerä. Tu reta jare taɨ reta; jëta-ɨpɨ rupigua reta jare iñeïru reta omanota vi.”

JEREMÍAS 6:21 ပူးပေါင်းရင်းမြစ်များ

2 CRÓNICAS 36:17

Jáeramo yandeYa güeru Caldeaɨgua reta juvicha guasu oporepeña vaerä jese reta, jae oyuka kɨsepuku pe taɨrusugüe reta jare jókuae tupao pe etei, mbaetɨ etei oiparareko kunumi reta jare kuñatai reta, indechi vae reta ani ipuerembae reta ave. Opaetei yandeYa omee reta ipo pe.

ISAÍAS 8:14

Jae toï peve mbaemboetea; ërei Israel iñemuña reta oyemboyao mókoi tëtaguasu ñogüɨnoi vae peguarä oïta ita rami, ipɨ̈sa-yeyuka oyepɨaka reta jese vaerä; ñuai ramita, Jerusalén pegua reta oa pɨpe vaerä.

ISAÍAS 8:15

Jeta ipɨ̈sa-yeyukata oyepɨaka reta jese, jare omano retata; jeta oata ñuai pe vae, jare oyepɨɨta opɨta reta.”

JEREMÍAS 13:14

Javoi ayokata tinaa rami, arokuata oyoe, tu reta taɨ reta ndive. Amokañɨteita, mbaetɨta aiparareko amae jese reta. Che ndeYa jae kuae.’ ”

JEREMÍAS 13:16

Pemboete peYa Tumpa, ndei jae ombou mbove pɨtumimbi vae, jare ndei pepɨ̈sa-yeyuka mbove ɨvɨtɨ reta rupi; peäro tëi tembipe, ërei jae oipoepɨ pɨtumimbiasɨ pe peve, ñamano rape katu vae pe.

JEREMÍAS 18:21

¡Ërei añave, emee taɨ reta omano reta vaerä karuai ani ñeraro rupi; topɨta kuña reta imembae jare imembɨmbae! ¡Mbaerasɨ yavaetegüe toyuka kuimbae reta, jare ikunumi reta tomano ñeraroa pe!

JEREMÍAS 18:23

Ërei nde, cheYa Tumpa, reikuaa katu yemongeta oyapo reta cheyuka reta vaerä vae. ¡Agüɨye neɨ̈ro chupe reta ikavimbae oyapo vae re, iyoa re ave agüɨye neɨ̈ro! ¡Tomano reta nderóvai, eiporarauka chupe reta ndearasɨ yae reve!

JEREMÍAS 21:7

Jaɨkue rupi Sedequías mburuvicha guasu Judá pegua, opaete iyɨvɨrigua jare isundaro reta ndive, jare ñeraro güi, mbaerasɨ ovakatu vae jare karuai güi omomara kuae tëta guasu pe vae reta ameeta Nabucodonosor ipo pe jare ïru jovaicho reta ipo pe. Che ameeta jae reta oyuka vaerä kɨsepuku pe oipararekombae reve. Che ndeYa jae kuaekuae.

JEREMÍAS 8:12

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.’ ”

EZEQUIEL 3:20

Jaeramiño vi kuimbae jupi oiko vae opia jare oyapo yave ikavimbae, jare che añono yave mbae oasa vaerä, jae omanota, echa nde mbaetɨ remboarakuaa; mbaetɨta amae jupi oiko vae re; ërei che romboekota imano re.

EZEQUIEL 5:10

Jáeramo, nderapɨpe oimeta kia jou taɨ reta vae, ani taɨ reta jou tu reta vae. Aiporaraukata ndeve, jare oikoveño opɨta vae reta amoaita oipota rupi.

LEVÍTICO 26:37

peyomboavai güi peyopɨakata ñeraro güi otekuarai vae rami, yepe tëi mbaetɨ kia peraɨkuemoña; ¡ngaraa pepuere perovaicho re!

Romanos 11:9

Jaeramiño vi David jei körai: “Opaete iarete reta tembíu kavi pegua, toï chupe reta ñuai reta rami. Toï chupe reta ogüɨapi vaerä jare oiporara vaerä.

Romanos 9:33

Echa Tumpa Iñee pe oyekuatía oï körai: “Mase, che añono Sión pe, ita pɨ̈sa-yeyuka pegua jare ita guasu oporoitɨ vae, ërei güɨrovia jese vae, ngaraa oñemomaraiuka.”

1 Pedro 2:8

Jae ko metei ita pɨ̈sa-yeyuka pegua, ita oporopɨaka vae. Echa jae reta oyepɨaka reta Tumpa iñee oendúä ramo, jókuae ra oyembojee reta ramo.