JEREMÍAS 6:19 - Biblia Guarani Tumpa Iñee

¹⁹ Ɨvɨ, eyeapɨsaka: Aruta susere kuae tëta re, iyemongeta kavimbae jeko pegua; echa mbaetɨ oendu reta cheñee, güɨröɨro reta cheporookuai.

JEREMÍAS 6:19 ပူးပေါင်းရင်းမြစ်များ

PROVERBIOS 15:26

YandeYa pe ikaviä yae ko, jeko kavimbae iyemongeta reta, ërei omboyerovia, jeko kavi vae reta iñee kavi.

PROVERBIOS 28:9

Tumpa iporookuai mbaetɨ oipota oendu vae, Tumpa güɨröɨrota vi chugüi iyerure.

ISAÍAS 1:2

Peyeapɨsaka, ara jare ɨvɨ, echa yandeYa jei: “Ambokuakuaa cheraɨ reta, ambotuicha reta, ërei jae reta oyembopɨapochɨ chekotɨ.

ISAÍAS 5:24

Jáeramo, tata oapɨ kapii vae rami jare ñana joogüe rami, jökoraita opa pekañɨtei, temitɨ japo opa ichuumbi vae ipotɨ opa osururu vae ramita ko. Echa peröɨro yandeYa Imbaepuere yae ete vae iñee, jare Iyoambae Israel pegua iporookuai.

ISAÍAS 59:7

Pesɨi katu ikavimbae kotɨ, peo vaerä peyuka jekombae vae jarembae pegua, peyemongeta reta ikavimbae reño, peiko peporomokañɨtei vaeräño.

ISAÍAS 66:18

“Echa che aikuaa nderembiapo reta, jare ndeyemongeta reta. Oväeta ara, amboatɨ vaerä opaete tëtaguasu jare ñee ambuae mbuae pe imiari vae reta, yogüeruta jare oecha retata cheyemboetea.

JEREMÍAS 11:11

Jáeramo aruta chupe reta susere mbaetɨta ipuere otekuarai chugüi vae. Yepe tëi täta jäse reve oeka cheve yemborɨ, ngaraa aendu chupe reta. Che ndeYa jae kuae.

JEREMÍAS 15:6

Nde chereeya, reyerova chegüi. Jáeramo che, mbaetɨ ma aropɨa, aitɨta chepo aiporarauka vaerä ndeve jare romboai vaerä.

JEREMÍAS 17:10

Che, ndeYa, aikuaa kërai ko pepɨa vae, aikuaa opaete yemongeta reta, amboekovia vaerä metei ñavo vae pe jeko oï rupi, jare jembiapo reta oï rupi.”

JEREMÍAS 19:15

“YandeYa Imbaepuere yae ete vae Israel iTumpa jei: ‘Ambouta kuae tëta guasu re jare opaete tëta iyɨvɨrigua reta re tembiporara amoërakua chupe reta vae, echa oyembopɨa täta yae reta mbaetɨ vaerä oendu reta cheñee reta.’ ”

JEREMÍAS 19:3

Ere körai: ‘Judá pegua mburuvicha guasu reta jare Jerusalén pe peiko vae reta, peyeapɨsaka kuae ñee yandeYa Imbaepuere yae ete vae Israel iTumpa jei vae re: Aruta susere ikavimbae yae vae kuae ɨvɨ re, jare kia nunga vae oendu yave oipɨayuka eteita.

JEREMÍAS 21:14

Che aiporaraukata peve pereko reta oï rupi; amboyepotata tata kaa reta re, jare jókuae tata omboaita opaete peɨ́vɨri ñogüɨnoi vae reta. Che ndeYa ko jae kuae.’ ”

JEREMÍAS 22:29

¡Ɨvɨ, ɨvɨ, ɨvɨ; eyeapɨsaka yandeYa iñee re!

JEREMÍAS 29:19

Echa mbaetɨ peyapo amombeu peve iyɨpɨ güive voi cherembiokuai ñeemombeúa reta rupi vae, amondo yave peve, mbaetɨ peyeapɨsaka jese reta. Che peYa ko jae kuae.

JEREMÍAS 4:14

Jerusalén, ndepɨa eitɨo ikavimbae güi reasayepe vaerä, ¿kërai yave regua pa remaeñota oiko, yemongeta ikavimbae ndepɨa pe?

JEREMÍAS 4:16

“Pere tëtaguasu reta pe jare Jerusalén pe: ‘Matɨ güi yogüeru ma tovaicho reta, jäsémbai osapúkai reta ñeraro pegua, tëta guasu reta Judá pegua kotɨ.

JEREMÍAS 4:4

Judá pegua jare Jerusalén pegua reta, peyembocircuncida pepɨa pe yandeYa pe, agüɨye chearasɨ tijendɨ pekotɨ tata rami, javoi mbaetɨ kia ipuere ombogüe vaerä, pereko reta ikavimbae vae jeko pegua.

JEREMÍAS 49:37

Elam amborɨrɨiukata okɨɨye güi jovaicho reta jóvai, aruta chupe susere reta, aitɨta chearasɨ jese reta, jare ambouta chupe ñeraro opaetei omokañɨtei regua. Che ndeYa ko jae kuae.

JEREMÍAS 6:10

Che jae: “¿Kia pa oenduta cheñee, amoërakua yave kuae re? Oyeapete ko oï iyapɨsa reta, cheYa, mbaetɨ ipuere oendu reta, oyóyai yoyaiño ko neñee reta, mbaetɨ oaɨu reta iyeupe.

JEREMÍAS 6:18

Jáeramo yandeYa jei: “Peyeapɨsaka tëtaguasu reta, peikuaa vaerä mbae ra oasata chembae vae reta ndive vae.

JEREMÍAS 8:5

Jayave Israel, ¿maera pa mbaetɨ chemboete? Jerusalén, ¿maera pa reyembopɨapochɨ jekuae avei, jare mbaetɨ reipota reyerova ye chekotɨ?

JEREMÍAS 8:9

Ërei jókuae yarakuaa yae vae reta oñemomichita opɨta, okɨɨye yae retata, mɨmba ñuai pe oï vae rami. Güɨröɨro reta cheñee yave, ¿ketɨ pa oime oï iyarakuaa?

DANIEL 9:11

Opaete Israel iñemuña reta mbaetɨ oyapo ndeporomboe jare mbaetɨ oipota reta oyapo ndeporookuai reta; jáeramo oa oreré ikavimbae jare yepopeyu reta nderembiokuai Moisés iporookuai pe oyekuatía oï vae, echa oreyoa ndekotɨ.

OSEAS 10:13

Ërei pe reta peñotɨ ikavimbae, jare pearɨvo jupimbae, peapu jeko pegua peiporara. Peyerovia pekäretou reta ñeraro pegua re, jare jeta sundaro re ramo,

OSEAS 4:6

Chembae vae reta opa okañɨtei, mbaetɨ ramo oipota chekuaa. Nde sacerdote reröɨro yemboarakuaa amee ndeve vae jeko pegua, che rogüɨnoeta sacerdote pegua mbaravɨkɨ güi. Neakañɨ neTumpa iporookuai güi jeko pegua, che cheakañɨta vi neñemuña reta güi.

AMÓS 2:4

YandeYa jei körai: “Judá pegua reta iyoa yae jeko pegua, mbaetɨta cheɨ̈ro chupe reta; echa güɨröɨro reta mborookuai amee vae jare mbaetɨ oyapo reta, echa itumpa-raanga reta opa omombia reta, jókuae iñemuñagüe reta omboetese vae.

MIQUEAS 1:2

Peyeapɨsaka opaete vae; peyeapɨsaka peï opaete kuae ɨvɨ pe peiko vae: YandeYa jëta ikɨambaea güi, tomae toï peré.

MIQUEAS 6:2

Ɨvɨtɨ guasu reta jare ɨvɨ iguapɨka reta: Peendu yandeYa iporojäa; echa yandeYa oime güɨnoi yoaka imbae vae reta ndive, oñono kavita teko Israel iñemuña reta ndive.

San Juan 12:48

Jókuae chereröɨro jare mbaetɨ oyapo che jae chupe vae, oñejäata ko. Echa ara taɨkuegua pe kuae ñee jae vae ojäata ko.

Hechos 8:22

Eeya kuae ndeyemongeta ikavimbae, jare eyerure Tumpa pe. Güɨramoi iñɨ̈rota ndeve kuae ndepɨa pe reyemongeta vae re.

DEUTERONOMIO 30:19

Ara jare ɨvɨ jovake añave aikuaauka peve, kërai añono peróvai tekove jare mano, mborerekua jare yepopeyu; peiparavo añave tekove, peikove vaerä pe jare peñemuña reta;

DEUTERONOMIO 32:1

“Eyeapɨsaka ara, amoëta cheñee; jare ɨvɨ, eyeapɨsaka cheñee reta re.

DEUTERONOMIO 4:26

ara jare ɨvɨ jovake tae peve, jarembae pekañɨta ɨvɨ peasata pepɨ̈ro pembaerä vae güi. Mbaetɨta ɨma peiko jókuae ɨvɨ pe, jarembaeño peyemboaiukata.

1 SAMUEL 15:23

Echa mbaekuaa rupi mbae maratuta vae re oikuaa vae iyoa rami ko ipɨapochɨ vae iyoa; tumpa-raanga omboete vae rami ko iñeereendumbae. Nde reröɨro yandeYa iñee jeko pegua, jae ñereröɨro vi agüɨye vaerä reiko mburuvicha guasurä.”

1 SAMUEL 15:26

Jare Samuel jei Saúl pe: —Ngaraa ma aja nde ndive; echa reröɨro yandeYa iñee, jare yandeYa nereröɨro ma agüɨye vaerä reiko mburuvicha guasurä Israel iñemuña reta re.