JEREMÍAS 6:18 - Biblia Guarani Tumpa Iñee

¹⁸ Jáeramo yandeYa jei: “Peyeapɨsaka tëtaguasu reta, peikuaa vaerä mbae ra oasata chembae vae reta ndive vae.

JEREMÍAS 6:18 ပူးပေါင်းရင်းမြစ်များ

ISAÍAS 5:3

Jayave uvarupa iya jei: Añave, Jerusalén pegua reta, Judá pegua reta, pere, ¿kia pa güɨnoi teko, che pa ani cheuvarupa pa?

JEREMÍAS 31:10

Tëtaguasu reta, peyeapɨsaka yandeYa iñee re, jare pemoërakua mombɨrɨ ɨguasu jembeɨ rupigua reta pe, pere: ‘YandeYa opa omoai moai Israel iñemuña reta, ërei omboatɨ yeta jare oyangarekota jese, vecha iyangarekoa, ivecha re oyangareko rami.’

JEREMÍAS 4:10

Jare jae: “¡Atataɨ cheYa, rembotavɨ ete kavi opaete vae reta, kuae Jerusalén pegua reta! Mbɨakatu rerökuavee chupe reta, ërei jae reta oiporara yae ñogüɨnoi.”

JEREMÍAS 4:16

“Pere tëtaguasu reta pe jare Jerusalén pe: ‘Matɨ güi yogüeru ma tovaicho reta, jäsémbai osapúkai reta ñeraro pegua, tëta guasu reta Judá pegua kotɨ.

JEREMÍAS 6:17

YandeYa oñono sundaro reta ɨvate güi omae vae rami vae, jae reta jei vaerä imbae vae reta pe: “Peyeapɨsaka peï mimbɨguasu iñee re.” Ërei chembae vae reta jei: “Ngaraa royeapɨsaka jese.”

JEREMÍAS 6:19

Ɨvɨ, eyeapɨsaka: Aruta susere kuae tëta re, iyemongeta kavimbae jeko pegua; echa mbaetɨ oendu reta cheñee, güɨröɨro reta cheporookuai.

MIQUEAS 6:5

Chembae vae reta, pemaendúa añave, Balac mburuvicha guasu Moab pegua iyemongeta reta re, jare Balaam, Beor taɨ omboyevɨ ñee chupe vae re; pemaendúa tëta Sitim güi Gilgal kotɨ kërai peasa vae re, peikuaa vaerä yandeYa kërai oyapo jupi vae.”