JEREMÍAS 6:14 - Biblia Guarani Tumpa Iñee

¹⁴ Chembae vae reta ombopɨakatu vaerä jei reta, opaete mbae jaekavi ko oï, mbaetɨ tëi ikavi oï reve.

JEREMÍAS 6:14 ပူးပေါင်းရင်းမြစ်များ

2 SAMUEL 17:3

Jökorai opa ye taru ndekotɨ opaete vae reta, echa nde reeka metei kuimbae jekoveño. Jare opaete vae ipɨakatuta opɨta.

ISAÍAS 1:6

Pepɨ mbɨte güive peäka kotɨ mbaetɨ ikavi, ipere oï, iruru oï, ichuumbi pepere; mbaetɨ oñepoano, mbaetɨ oyeokua, mbaetɨ vi oñepoano olivo iasaite pe.

ISAÍAS 30:10

Maratuta vae imombeúa reta pe jei: “Agüɨye peecha mbae maratuta vae”, ñeemombeúa reta pe jei: “Agüɨye pemombeu oreve jupi rupi; pere oreve mbae ipöra vae, mbae nunga oremboyerovia vaeño.

ISAÍAS 30:26

YandeYa oipoanota pepere. Jayave yasɨ omoembipeta kuaraɨ rami, jare kuaraɨ omoembipeasɨ yaeta chiu kuaraɨ jembipe rami.

JEREMÍAS 14:13

Jare che jae chupe: “¡Atataɨ cheYa Tumpa! Ñeemombeúa reta ko omoërakua kuae tëta pe mbaetɨta ñeraro, karuai jare nde remeeta chupe reta mbɨakatu opambae vae kuae pe vae.”

JEREMÍAS 14:17

Ere opaete vae pe kuae ñee: ‘Toyepɨyere cheresaɨ, ara pe jare pɨ̈tu yave toyepɨyere iyapɨmbae, echa yavaetegüe susere ou cherëta re, tuicha yae ipere.

JEREMÍAS 23:17

Cheñee güɨröɨro vae reta pe jei reta: ‘YandeYa jei opaete mbae oë kavita ko peve.’ Jare opaete ipɨa jeigüe reño yogüɨreko vae reta pe jei reta: ‘Ngaraa mbae ikavimbae ou peve.’ ”

JEREMÍAS 28:3

mókoi añoa re aruruka yeta kuae pe, opaete jókuae tembiporu reta tupao pegua, mburuvicha guasu Nabucodonosor güɨrajagüe.

JEREMÍAS 4:10

Jare jae: “¡Atataɨ cheYa, rembotavɨ ete kavi opaete vae reta, kuae Jerusalén pegua reta! Mbɨakatu rerökuavee chupe reta, ërei jae reta oiporara yae ñogüɨnoi.”

JEREMÍAS 5:12

Israel pegua reta jare Judá pegua reta güɨröɨro yandeYa; jei reta: “Mbaeä etei ko Tumpa. Ngaraa ikavimbae ou yandeve, ngaraa oime ñeraro ani karuai.”

LAMENTACIONES 2:14

Ñeemombeúa reta oechagüe omoërakua ndeve vae, jaangaño ko jare mbokereño ko. Mbaetɨ ndeyoa omboyekuaa reta ndeve, echa omboyekuaa yave, mbaetɨta tëi reo tembipɨɨrä; ërei omombeu reta ndeve mbae maratuta vae añetembae, jare güɨroviauka reta jese ndeve.

EZEQUIEL 13:10

Jae reta ombotavɨ chembae vae reta, jei reta chupe: ‘Opaete mbae jaekaviño ko oï’, mbaetɨ etei reve mbae ikavi oï. Kia oguambɨ omopüa, jare ïru omotɨnɨe tuyuapoiño pe vae rami ko.

EZEQUIEL 13:16

jókuae ñeemombeúa reta ñogüɨnoi Israel pe vae, oecha raanga mbɨakatu vae omombeu reta Jerusalén pe, mbaetɨ etei reve mbɨakatu.’ Che peYa Tumpa jae.

EZEQUIEL 13:22

Pe reta pembopɨatɨtɨ jupi yogüɨreko vae peapu rupi, che mbaetɨi ambopɨatɨtɨ reta vae; jare pemoäta ngatu jupimbae reta, jeiete yogüɨreko vaerä ikavimbae rupi.

EZEQUIEL 14:9

Metei ñeemombeúa oyembotavɨuka vae omoërakua vae mbaetɨ oyembopo yave, che ko ambotavɨ jókuae ñeemombeúa; che aiporaraukata chupe jare amokañɨta chembae vae reta ipɨte güi.

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

MIQUEAS 3:5

Körai jei yandeYa, ñeemombeúa reta regua: “Chembae vae reta pe oyavɨuka vae reta jei: ‘Toime mbɨakatu’ jei reta osapúkai omongaru vae reta pe, ërei mbaetɨ omongaru vae reta pe oeka reta ñeraro.”

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.

2 Pedro 2:1

Ërei Israel pegua reta ipɨte pe oime arakae ñemombeúa jaanga reta, jökorai oimeta pepɨte pe añetembae oporomboe vae reta, jae reta güɨroiketa mboromboe añetembae ikavimbae yae vae, oikuakuta yandeYa jae reta imboasaa; jae reta aeño güeruta iyeupe reta jarembae Tumpa iyarasɨ.