JEREMÍAS 6:13 - Biblia Guarani Tumpa Iñee

¹³ Opaete vae, michia güive okuakuaa vae pe, iyeupeguaräño imbaepotarai yae reta, ñeemombeúa reta jare sacerdote reta ave, opaetei oporombotavɨ vae reta ko.

JEREMÍAS 6:13 ပူးပေါင်းရင်းမြစ်များ

ISAÍAS 28:7

Ërei kuae reta oyavɨ vi vino jeko pegua, mbae oporombosavaɨpo vae omombia iyemongeta kavi güi: Sacerdote jare ñeemombeúa reta oyembosavaɨpo, vino omombia reta iyemongeta kavi güi, oyemboesagüɨrɨuka reta mbae oporombosavaɨpo vae pe, osavaɨpo reve imiari mbae oasata vae re, osavaɨpo reve oporojäa reta.

ISAÍAS 57:17

Israel iñemuña reta iyoa jeko pegua chearasɨ, aiporarauka chupe jare ayerova chugüi reta; ërei jeiete oyembopɨapochɨ reta, jare oyapo reta ipɨa jemimbota.

JEREMÍAS 14:18

Aja yave ñuu kotɨ, aecha tëogüe reta, ñeraro pe omanogüe reta; aike yave tëta guasu pe, aecha jovarurugüe, ñeemombeúa reta jare sacerdote reta ave opa yogüɨraja reta ïru ɨvɨ pe.’ ”

JEREMÍAS 17:11

Jupimbae reve oyemboikokatu vae, inambu güɨroaiño ïru jupía vae rami ko. Oeyata ko güɨramoiño, ndei indechi mbove, jare yarakuaambae opɨtata kuri.

JEREMÍAS 2:26

Imonda vae oyepokou yave imara rami, Israel iñemuña reta imarata opɨta: Opaete vae reta, juvicha guasu reta, juvicha reta, isacerdote reta jare ñeemombeúa reta;

JEREMÍAS 2:29

¿Mbae pa peipota che ndive, opaete pe reta, peyembopɨapochɨ ko chekotɨ? Che peYa jae.

JEREMÍAS 2:8

Sacerdote reta mbaetɨ oparandu: ‘¿Ketɨ pa oime oï yandeYa?’ Cheporookuai güɨnoi vae reta mbaetɨ chekuaa, tenondegua reta oyembopɨapochɨ chekotɨ, jare ñeemombeúa reta imiari Baal jee re, omboete reta tumpa-raanga reta mbaetɨ etei osirive vae.

JEREMÍAS 22:17

Ërei nde jaeño reyemoambeko, reipota rai vae renoi vaerä; jare reyukauka vaerä jekombae, rerekoasɨ katu jare ndembaeyuvanga katu nerëta re.”

JEREMÍAS 23:10

Echa tëtaguasu tɨnɨe iyaguasa pota vae reta, kuimbae reta osɨi oyapo ikavimbae, imbaepuere oiporu reta jupimbae oyapo reta vaerä. Jáeramo yandeYa oyepopeyu ɨvɨ re, jare ɨvɨ otini, jare kapii ñuu rupigua opa ipiru.

JEREMÍAS 23:11

YandeYa jei: “Ñeemombeúa reta jare sacerdote reta ave iyoa; chetupao pe ave aväe ikavimbae oyapo reta vae.

JEREMÍAS 27:15

YandeYa jei jae mbaetɨ ko ombou reta; omoërakuaiño ma yandeYa jee re. Jare jökorai yandeYa opata pemoai moai jare opata pemano, jökoraiño vi jókuae ñeemombeúa reta omoërakua kuaekuae vae.”

JEREMÍAS 32:32

opaete ɨvɨ Israel pegua reta jare ɨvɨ Judá pegua reta jembiapo reta ikavimbae rupi chemboarasɨuka vae jeko pegua; jökoraiño vi mburuvicha guasu reta jare mburuvicha reta, sacerdote reta, ñeemombeúa reta jare opaete ɨvɨ Judá pegua reta jare Jerusalén pe yogüɨreko vae reta.

JEREMÍAS 42:1

Opaete sundaro ruvicha reta jare Johanán, Carea taɨ, jare Jezanías, Osaías taɨ jare opaete vae, paravete vae güive oikokatu vae pe,

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

JEREMÍAS 8:10

Jáeramo, jae reta jembireko ameeta ïru kuimbae reta pe, jare iko reta ameeta imoamɨría reta ipo pe. Echa michia güive okuakuaa vae pe, iyeupeguaräño imbaepotarai yae reta; ñeemombeúa reta jare sacerdote reta ave, opaete oporombotavɨ vae reta ko.

LAMENTACIONES 4:13

¡Opaete kuae oasa, ñeemombeúa reta iyoa jeko pegua jare isacerdote reta jeko kavimbae jeko pegua, echa tëta guasu rupi etei oyuka reta jekombae reta!

EZEQUIEL 22:12

Nderapɨpe yogüɨreko vae reta oipɨɨ vɨari korepoti oyuka vaerä ïru vae; oiporuka korepoti oasa ete okovara ye vaerä jese, oyuvanga katu japicha re jare iñakañɨ reta chegüi. Che peYa jae.

EZEQUIEL 33:31

Yogüeru ndekotɨ chembae vae reta rami, ñogüɨnoi nderóvai tenonde yave yogüɨrekose rami, oendu reta neñee, oyeapɨsaka reta neñee re. Ërei mbaetɨ oyapo reta oendugüe. Yepe tëi oikatu imiari reta vaerä pɨpe, ërei ipɨa reta korepoti pota reteiño.

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

MIQUEAS 3:5

Körai jei yandeYa, ñeemombeúa reta regua: “Chembae vae reta pe oyavɨuka vae reta jei: ‘Toime mbɨakatu’ jei reta osapúkai omongaru vae reta pe, ërei mbaetɨ omongaru vae reta pe oeka reta ñeraro.”

San Lucas 16:14

Jare fariseo reta kuae oendu vi yave opaete kuae mbaembae, oyóyai reta Jesús. Echa jae reta imbaepotarai yae ko.

1 Timoteo 3:3

agüɨye tikause, agüɨye tiñerarose, agüɨye tomonganaiño jupimbae reve. Ërei tipɨakavi, toiko pɨagüive, agüɨye toipota yae korepoti iyeupeguarä.

2 Pedro 2:1

Ërei Israel pegua reta ipɨte pe oime arakae ñemombeúa jaanga reta, jökorai oimeta pepɨte pe añetembae oporomboe vae reta, jae reta güɨroiketa mboromboe añetembae ikavimbae yae vae, oikuakuta yandeYa jae reta imboasaa; jae reta aeño güeruta iyeupe reta jarembae Tumpa iyarasɨ.

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.