JEREMÍAS 6:12 - Biblia Guarani Tumpa Iñee

¹² Jo reta, iɨvɨ reta, jare jae reta jembireko oñemeeukata ambuae vae reta pe. Echa chepo ko amopüa aiporarauka vaerä kuae ɨvɨ pegua reta pe. Che ndeYa jae kuae.

JEREMÍAS 6:12 ပူးပေါင်းရင်းမြစ်များ

1 CRÓNICAS 21:16

David omopüa iñäka yave oecha yandeYa iaraɨgua oyekuaa oï ɨvate, güɨnoi ipo pe ikɨsepuku güɨnoe jɨru güi vae güɨropövee Jerusalén kotɨ. Jayave David jare tenondegua reta ndive, oyetavatɨka itindɨasɨ reve ɨvɨ re, oñeapeva reve temimonde mbɨatɨtɨ pegua pe,

ISAÍAS 10:4

Che mbaetɨ yave aï pe ndive, peñemomichiukata tembipɨɨ reta ndive, jare pemanota oyeyukauka vae reta ndive. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

ISAÍAS 9:12

Kuaraɨ oëa kotɨ güi Siriaɨgua reta, kuaraɨ oikea kotɨ güi filisteo reta. Metei jeia pe opa voi omokañɨtei reta Israel. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 9:17

Jáeramo, yandeYa mbaetɨ ipɨakatu taɨrusu vae reta re, mbaetɨ oiparareko omae tɨ̈reɨ reta re jare imemano vae reta re. Echa opaete vae jupiä jare ikaviä jeko reta, opaete vae jei oipotagüeño. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 9:21

Manasés opüata Efraín re, Efraín opüata Manasés re; kuae reta mókoi reve oñemopüata ɨvɨ Judá re. Ërei yandeYa mbaetɨ iyarasɨ poi; jekuaeñoi iyarasɨ oï.

JEREMÍAS 15:6

Nde chereeya, reyerova chegüi. Jáeramo che, mbaetɨ ma aropɨa, aitɨta chepo aiporarauka vaerä ndeve jare romboai vaerä.

JEREMÍAS 21:5

Che etei añorarota pe ndive, opaete chembaepuere ndive jare chearasɨ yae reve.

JEREMÍAS 38:22

opaete kuña reta opɨta mburuvicha guasu Judá pegua jo pe vae, oñerenoeta oñemee Babilonia pegua mburuvicha guasu iyɨvɨrigua mburuvicha reta ipo pe; jare jókuae kuña reta etei jeita: “Mburuvicha guasu, ndevɨa-ïru ikavigüe reta ndembotavɨ jare nemoamɨri; omaeño ndepɨ oike tuyuapo yasuru vae pe, javoi ikupe omee reta ndeve.”

JEREMÍAS 38:23

Jare Jeremías jei ye mburuvicha guasu pe: —Opaete nderembireko jare nemichia reta oñemeeta Caldeaɨgua reta ipo pe, jare nde ngaraa retekuarai chugüi reta, reata Babilonia pegua mburuvicha guasu ipo pe, jare oapɨ retata kuae tëta guasu.

JEREMÍAS 7:20

Jáeramo che peYa, aitɨta chearasɨ kuae tupao re, jare opaete tëta ipo reta re, jökoraiño vi mɨmba reta re, opaete ɨvɨra reta re, jare opaete temitɨ reta re. Mbae ókai vae mbaetɨ kia ipuere ombogüe vae ramita.”

JEREMÍAS 8:10

Jáeramo, jae reta jembireko ameeta ïru kuimbae reta pe, jare iko reta ameeta imoamɨría reta ipo pe. Echa michia güive okuakuaa vae pe, iyeupeguaräño imbaepotarai yae reta; ñeemombeúa reta jare sacerdote reta ave, opaete oporombotavɨ vae reta ko.

LAMENTACIONES 2:8

YandeYa jei opa vaerä ombosururu tëta guasu Sión ikësea. Ombojaanga ma opa vaerä ombosururu, mbaetɨ etei oputuu opa ombosururu regua. Tëta guasu ikësea reta oyokupe vae, jae opa oñono mbɨatɨtɨ pe, opa osururu metei rami.

LAMENTACIONES 3:3

ara ñavo omopüa avei ipo chekotɨ.

LAMENTACIONES 5:11

Oyuvanga reta kuña reta re Sión pe, Judá pegua tëta guasu reta rupi oyuvanga kuñatai reta re.

LAMENTACIONES 5:2

Opaete oreɨvɨ opɨta, ketɨgua reta ipo pe; orero reta opɨta, ïru tëtaguasu pegua reta joorä.

LAMENTACIONES 5:3

Tɨ̈reɨ rami ko ore, mbaetɨ oreru; oresɨ reta opɨta imemano vae rami.

EZEQUIEL 35:3

Ere chupe: ‘YandeYa Tumpa jei körai: Ɨvɨtɨ Seir, che ayovaicho ndekotɨ. Aiporaraukata ndeve, opata romboai, roeyata ipombae,

EZEQUIEL 7:24

Ambouta ipɨapochɨ yae vae reta ïru tëtaguasu reta güi, jae reta yogüɨrekota o reta tëta guasu pegua pe. Ipɨayemboete vae reta imbaepuere amboapɨta chugüi; jare jae reta imbaemboetea ikɨata cheróvai opɨta.

MIQUEAS 2:4

Jókuae ara rupi oyeapota ñeerä peregua, jare oyapo retata tairari mbɨatɨtɨ pegua, jei reta reve: ‘Opaetei yayemboaiuka; Tumpa oipoepɨ yandeɨvɨ, ¡kërai opɨ̈ro yandegüi yandeɨvɨ! Omee jare omboyao ïru vae reta pe.’ ”

SOFONÍAS 1:13

Jáeramo, opata oñepɨ̈ro imbaembae, jare jo reta opata oyemboai. Oyapo retata o, ërei ngaraa yogüɨreko pɨpe; oñotɨ retata uva, ërei ngaraa jou reta vino oyeapo chugüigüe.”

SOFONÍAS 1:4

“Amopüata chepo Judá kotɨ, opaete Jerusalén pegua reta kotɨ. Amboaita kuae güi opaete mbaembae tumpa-raanga Baal regua opɨta vɨteriño vae, jare opaete isacerdote itumpa-raanga pota vae reta jee.