JEREMÍAS 6:11 - Biblia Guarani Tumpa Iñee

¹¹ Chearasɨ yae vi ko aï ndearasɨ ramo cheYa, mbaetɨ ma chepuere chepɨaguasu.” YandeYa jei cheve: “Eitɨ chearasɨ michia reta kaye rupigua re, taɨrusu reta yatɨ yatɨ vae re. Toyereraja tembipɨɨrä kuimbae reta jembireko reve reve, ndechi reta jare indechiasɨ vae reta.

JEREMÍAS 6:11 ပူးပေါင်းရင်းမြစ်များ

ISAÍAS 40:30

Kunumi reta ikuérai jare ikangɨ, jare taɨrusu vae reta ipɨtu jare ogüɨapi;

JEREMÍAS 15:17

Mbaetɨ añemoïru iyapirai reteiño vae reta ndive; ndembaerä cheapo güive aiko che aeño, echa chemotɨnɨe ndearasɨ pe.

JEREMÍAS 15:6

Nde chereeya, reyerova chegüi. Jáeramo che, mbaetɨ ma aropɨa, aitɨta chepo aiporarauka vaerä ndeve jare romboai vaerä.

JEREMÍAS 18:21

¡Ërei añave, emee taɨ reta omano reta vaerä karuai ani ñeraro rupi; topɨta kuña reta imembae jare imembɨmbae! ¡Mbaerasɨ yavaetegüe toyuka kuimbae reta, jare ikunumi reta tomano ñeraroa pe!

JEREMÍAS 20:9

Jae yave: “Agüɨye mo tachemaendúa cheYa re, agüɨye mo tachemiari jee re.” Ërei jayave neñee cheɨvɨte pe tata rami, chekägüe rupi ojo, aipota tëi aropɨa, ërei mbaetɨ chepuere.

JEREMÍAS 5:9

Kuae jeko pegua, ¿amaeñota ra jese reta? Jei yandeYa. Körai tëtaguasu vae pe, ¿mbaetɨta ra jupi aiporarauka chupe teko oyapogüe re?

JEREMÍAS 7:20

Jáeramo che peYa, aitɨta chearasɨ kuae tupao re, jare opaete tëta ipo reta re, jökoraiño vi mɨmba reta re, opaete ɨvɨra reta re, jare opaete temitɨ reta re. Mbae ókai vae mbaetɨ kia ipuere ombogüe vae ramita.”

JEREMÍAS 9:20

Kuña reta, peyeapɨsaka yandeYa iñee re, peendu iñemoñee: Pemboe toyaeo pememɨkuña reta jare pevɨa-ïru reta körai:

JEREMÍAS 9:21

“Mano ou oike yandero pe, oyuka michia reta kaye pe jare taɨrusu reta oka guasu pe.

LAMENTACIONES 1:15

YandeYa opa omoamɨri chegüi kuimbae reta jëia yae vae. Ombou chekotɨ jeta vae reta, opa vaerä omokañɨtei chegüi taɨrusu reta. ¡YandeYa opɨ̈ro imbae vae Judá pegua reta re, uva re oñepɨ̈ro oñetɨami rami!

LAMENTACIONES 2:21

Michia reta jare ndechi reta oyoa jëogüe ikatu rupi; kuñatai reta jare kunumi reta opa omano kɨsepuku pe. Opa reyuka reta ndearasɨ iara pe, reñaseokɨ̈tiuka, ¡neɨ̈rombae reve chupe reta!

EZEQUIEL 24:21

‘Ere Israel iñemuña reta pe. YandeYa Tumpa jei körai: Che aröɨro jare amboaita chero mbaemboetea, peyembotuicha jese vae, pe reta peipota yae pemae jese vae; peraɨ reta jare perayɨ reta peeya joko pe vae, opata oyeyukauka reta.

EZEQUIEL 3:14

Tumpa imbaepuere chemopüa jare cherenoe joko güi, chepɨakatúä jare chepɨatɨtɨ reve aja, ërei yandeYa täta chepɨɨ.

EZEQUIEL 3:3

Javoi jei cheve: “Emókoi kuae oyekuatía oyepomombɨ vae, eñemoɨ̈vɨata pɨpe.” Che amókoi, jare ayandu jëe yae ei rami cheyuru pe.

MIQUEAS 3:8

Ërei che anoi yandeYa iEspíritu rupi mbaepuere, jupi vae jare mɨ̈rata, aechauka vaerä Israel iñemuña reta pe ipɨarai jare iyoa.

San Lucas 17:34

Che jae peve, jókuae pɨ̈tu mókoi vae oyapakuata ñogüɨnoi jupa pe. Metei oyererajaukata jare ïru oyeeyata.

Hechos 17:16

Pablo oäro oï Silas jare Timoteo Atenas pe ramboeve, oecha jókuae tëta guasu pegua reta itumpa-raanga pota yae yave, iyarasɨ.

Hechos 18:5

Silas jare Timoteo yogüeru oväe yave Macedonia güi, Pablo oñemoäta ngatu yae oï omoërakua vaerä Tumpa iñee. Omombeu reve judío reta pe Jesús ko jae Cristo.

Hechos 4:20

Echa ore romombeu ñotai ko roecha jare roendu vae.

Apocalipsis 16:1

Jare aendu metei ñee tätagüe tupao güi jei jókuae chiu araɨgua reta pe: “Pekua pepɨyere ɨvɨ re jókuae chiu kopa Tumpa iyarasɨ güɨnoi vae reta.”