JEREMÍAS 52:4 - Biblia Guarani Tumpa Iñee

⁴ Sedequías chau año ma oiko mburuvicha guasurä yave, payandepoa yasɨ, payandepo araa pe, Nabucodonosor mburuvicha guasu Babilonia pegua ou opaete isundaro reta ndive oporepeña Jerusalén re jare opa oñova. Oyembojeyupa reta jare omopüa reta ɨvɨ yeupikarä jókuae tëta guasu iyɨ́vɨri rupi.

JEREMÍAS 52:4 ပူးပေါင်းရင်းမြစ်များ

ISAÍAS 29:3

Aruta chesundaro reta opa neova, roñovata teyupa pe, jare amopüata cheyeopiakarä ndeɨ́vɨri.

JEREMÍAS 32:24

Añave Caldeaɨgua reta güeru tembiporu omombu vaerä tëta guasu ikësea; jare ñeraro, karuai jare mbaerasɨ ovakatu vae jeko pegua, tëta guasu oata jókuae oporepeña jese vae reta ipo pe. CheYa, reecha ko añave oyembopo ma oï remoërakuagüe.

JEREMÍAS 34:1

Nabucodonosor, mburuvicha guasu Babilonia pegua, opaete isundaro reta jare ïru tëtaguasu pegua reta jae ipo pe ñogüɨnoi vae ndive, oyomboatɨ opüa Jerusalén re jare iyɨvɨrigua tëta guasu reta re yave, yandeYa jei Jeremías pe:

JEREMÍAS 39:1

Sedequías chaúa año, payandepo yasɨa ma oiko mburuvicha guasurä Judá pe yave, Nabucodonosor mburuvicha guasu Babilonia pegua, yogüeru opaete isundaro reta ndive Jerusalén kotɨ, jare opa oñova reta.

JEREMÍAS 4:17

Oimama retata tëta guasu reta Judá pegua, ko reta re oyangareko vae reta rami, echa oyembopɨapochɨ reta chekotɨ. Che ndeYa jae kuae.

JEREMÍAS 52:7

Jayave oipea reta japerä tëta guasu ikësea rupi, yepe tëi Caldeaɨgua reta oñova güɨnoi, mburuvicha guasu jare opaete sundaro reta ndive otekuarai tëta guasu güi pɨ̈tu yave. Ñogüɨnoe reta öke tëta guasu ikësea mókoi oyóvai ñogüɨnoi vae ipäu pe oï vae rupi mburuvicha guasu iko raɨ rupi, jare mburuvicha guasu ojo tape Arabá kotɨ ojo vae rupi.

EZEQUIEL 21:22

Jare ipo iyakatu kotɨ oë chupe suerte Jerusalén regua, oporepeña vaerä jese, omboɨpɨ vaerä oporoyuka, osapúkai vaerä sapúkai ñeraro pegua, oyoka vaerä jöke reta tembiporu öke iyokaa pe jare omopüa vaerä yeupika reta tëta guasu ikësea re, opaetei vaerä oñova.

EZEQUIEL 21:27

Opata amboaiasɨ yeyé aeya tëtagüerä. Ërei kuae oyeapota ou yave jókuae ambouta vae, oyapo vaerä jupi vae.

EZEQUIEL 26:8

Jare nerëta raɨ reta ñogüɨnoi ɨguasu jembeɨ rupi vae, opata omboai reta kɨsepuku pe. Omopüata maeka ɨvate vae reta neova vaerä, omopüata yeupika oike reta vaerä ndeve, jare omondota sundaro reta yeopiaka reve reve ndeve.

EZEQUIEL 33:21

Docea año, payandepoa yasɨ pandepo araa ma roiko tembipɨɨrä ïru ɨvɨ pe yave, metei kuimbae otekuarai Jerusalén güi vae ou omombeu cheve körai: “Tëta guasu oa ma tovaicho reta ipo pe.”

EZEQUIEL 40:1

Veinticinco añoa ma roiko tembipɨɨrä yave, año iyɨpɨ ete re, payandepo araa pe, jae ko catorce añoa ma tëta guasu Jerusalén oñepɨ̈ro yave, yandeYa imbaepuere ou cheré jare chereraja jokotɨ.

LEVÍTICO 26:25

Ambouta peve ñeraro, ayepɨ vaerä mbaetɨ ramo perovia cheporogüɨrökuavee päve re, jare peeka yave perëta guasu rupi ñepɨ̈roka, che amondota mbaerasɨ ovakatu vae pepɨte pe, jare peñemoamɨriukata perovaicho reta pe.

ZACARÍAS 8:19

“Yekuaku tembíu güi irundɨa yasɨ pegua vae, jare pandepoa pegua jare chiúa pegua, jare payandepoa pegua vae oyepoepɨta Judá pegua reta pe mbɨakatu pe, yerovia katu pe, jare arete ikavi yae vae pe. Peaɨu añetete vae jare mbɨakatu.”

San Lucas 19:43

Outa ma oväe nderovaicho reta nekëse vaerä jare neovata opaete rupi.

San Lucas 21:20

Jare peecha jeta sundaro reta Jerusalén oñova yave, peikuaata ou ma ko oväe Jerusalén oyemboai vaerä.