JEREMÍAS 52:3 - Biblia Guarani Tumpa Iñee

³ Jáeramo yandeYa iyarasɨ Jerusalén jare Judá kotɨ, opa omoë omombo iyeugüi regua. Jaɨkue rupi Sedequías oñemopüa mburuvicha guasu Babilonia pegua re.

JEREMÍAS 52:3 ပူးပေါင်းရင်းမြစ်များ

GÉNESIS 4:14

Echa añave chemombo ma reï kuae ɨvɨ güi; mbaetɨta ma chepuere ayu nderóvai. Mombɨrɨ rupi aguata reteiñota, aiporara reve ɨvɨ ambuae rupi. Jökorai kia nunga vae cheväe yave cheyukata ko.

GÉNESIS 4:16

Caín ojo yandeYa ndive imiari oikoa güi, oë jókuae ɨvɨ güi; ojo oiko vaerä ɨvɨ Nod jee vae kotɨ. Jókuae ɨvɨ oï Edén güi kuaraɨ oëa kotɨ.

2 SAMUEL 24:1

YandeYa iyarasɨ ye Israel iñemuña reta kotɨ, jare omokɨ̈reɨ David ipɨa pe ikotɨ reta, oipapa vaerä Israel pegua reta jare Judá pegua reta.

1 REYES 10:9

¡Toyemboeteuka ndeYa Tumpa, ipɨakatu ndekotɨ neñono ramboeve mburuvicha guasurä Israel re vae! Echa ndeYa oaɨu avei ko Israel, ¡jáeramo neñono mburuvicha guasurä, reporookuai vaerä jupi rupi jare sɨmbi rupi!”

2 REYES 17:18

Jáeramo yandeYa iyarasɨ yae ete Israel pegua reta kotɨ, jare opa omombo iyeugüi; jare mbaetɨ etei opɨta vae, jaeño opɨta Judá pegua reta.

2 REYES 17:20

YandeYa opa omboai opaete Israel iñemuña reta, oiporarauka chupe reta, opa omee omaepɨ̈ro vae reta ipo pe, opaetei omoë omombo iyeugüi regua.

2 REYES 17:23

Taɨkue ete rupi yandeYa omoë omombo iyeugüi, jae jei rami opaete iñeemombeúa reta rupi; jare Israel pegua reta oyererajauka tembipɨɨrä iɨvɨ güi Asiria pe, joko pe yogüɨreko añave rupi.

2 REYES 24:20

Jáeramo yandeYa iyarasɨ Jerusalén jare Judá kotɨ, opa omoë omombo iyeugüi regua. Sedequías oñemopüa mburuvicha guasu Babilonia pegua re.

2 CRÓNICAS 36:13

Oyembopɨapochɨ vi mburuvicha guasu Nabucodonosor kotɨ, jókuae oyapouka tëi chupe Tumpa jee re oï vaerä imborɨarä vae; jare oyembopɨa täta jare oyembopɨarai agüɨye vaerä oyerova ye yandeYa, Israel iTumpa kotɨ.

ESDRAS 4:15

reeka vaerä neñemuñagüe reta jembikuatía reta pe. Jare reväeta kërai kuae tëta guasu ipɨapochɨ jare jeko kavimbae reta mburuvicha guasu reta kotɨ, jare tëta iyɨvɨrigua reta kotɨ, jare iyɨpɨ güive kuae tëta ipɨapochɨ, kuae jeko pegua opa oyemboai.

PROVERBIOS 28:2

Metei tëtaguasu pe mbaetɨ teko ikavi yave, jeta mburuvicha reta jeko kavimbae, ërei mburuvicha yarakuaa katu vae oikatu güɨroata kavi tëtaguasu.

ECLESIASTÉS 10:16

¡Paravete tëtaguasu, juvicha guasu taɨrusu yae vae, jare juvicha reta iarete reteiño vae!

ISAÍAS 19:4

Ameeta Egipto, metei mburuvicha imbaeyuvanga yae vae pe, mburuvicha guasu ipïrimbae vae oñeñonota juvicharä.” Jökorai jei yandeYa Imbaepuere yae ete vae.

ISAÍAS 3:1

¡Mase! YandeYa Imbaepuere yae ete vae opɨ̈rota Jerusalén güi jare Judá güi opaete mbaembae jerúa, opaete tembíu jare ɨ,

ISAÍAS 36:5

¿Rerovia pa, jókuae ñee ikavi yae vae, oyovake mbaepuere ñeraro pegua ndive? ¿Kia re ye pa reyeko, reyembopɨapochɨ vaerä chekotɨ?

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

JEREMÍAS 7:15

Pomombota cheyeugüi, opaete perëtara reta Efraín iñemuña amombo rami.’