JEREMÍAS 52:24 - Biblia Guarani Tumpa Iñee

²⁴ Sundaro omaeäro vae reta juvicha oipɨɨ vi Seraías, sacerdote tenondegua, jare Sofonías, sacerdote jaɨkuegua jare mboapɨ tupao joka järoa reta.

JEREMÍAS 52:24 ပူးပေါင်းရင်းမြစ်များ

2 REYES 23:4

Jayave mburuvicha guasu oyókuai sacerdote tenondegua Hilcías, jare taɨkuegua sacerdote reta jare öke iyangarekoa reta, güɨnoe vaerä yandeYa jo güi opaete mbaembae oyeapo tumpa-raanga Baal jare Asera, jare opaete ara ipo reta peguarä vae; jare oapɨ reta Jerusalén güi ikatu pe, Cedrón jee vae pe, javoi itanimbugüe güɨrajauka reta Bet-el pe.

2 REYES 25:18

Sundaro oporoäro vae reta juvicha oipɨɨ vi sacerdote tenondegua Seraías, jare taɨkuegua sacerdote Sofonías, jare tupao jöke järoa mboapɨ reve.

1 CRÓNICAS 6:14

Azarías taɨ jae Seraías, jare Seraías taɨ jae Josadac.

ESDRAS 7:1

Kuae mbaembae reta jaɨkue rupi, Artajerjes oiko mburuvicha guasurä Persia pe yave, oiko metei kuimbae Esdras jee vae Seraías taɨ, Seraías jae ko Azarías taɨ, Azarías jae ko Hilcías taɨ,

SALMOS 84:10

¡Echa ikavi yae ko aï vaerä metei ara nderoka pe, jeta ara ikatu rupi aiko vae güi! Ikavi ko aiparavo aiko vaerä tupao jöke järoarä mbaeyoa ipɨte pe aiko vae güi.

JEREMÍAS 20:4

Echa yandeYa jei körai: ‘Ropoepɨta kɨɨye rupi reiko vaerä jare opaete ndevɨa-ïru reta okɨɨyeta ndegüi; nderovake ndevɨa-ïru reta opata omano tovaicho reta ipo pe. Ameeta opaete Judá pegua reta mburuvicha guasu Babilonia pegua ipo pe, jae güɨrajata iɨvɨ güi ani oyukata kɨsepuku pe.

JEREMÍAS 21:1

Mburuvicha guasu Sedequías omondo Pasur, Malquías taɨ, jare sacerdote Sofonías, Maasías taɨ, Jeremías pɨri jei vaerä chupe: “Eparandu yandeYa pe oreve, echa mburuvicha guasu Babilonia pegua oporepeña oreré. Güɨramoi yandeYa oyapo mbae nunga mɨakañɨ jare Nabucodonosor ojo ye.” Jayave yandeYa omomiari Jeremías.

JEREMÍAS 29:25

“YandeYa Imbaepuere yae ete vae Israel iTumpa jei: ‘Nde rembou tupapire nderee re opaete vae pe Jerusalén pe yogüɨreko vae pe, jare sacerdote Sofonías, Maasías taɨ pe, jare ïru sacerdote reta pe. Jókuae tupapire pe oyekuatía ñee vae jei Sofonías pe:

JEREMÍAS 29:29

Sacerdote Sofonías omongeta jókuae tupapire Jeremías pe.

JEREMÍAS 34:21

Jökoraiño vi Sedequías mburuvicha guasu Judá pegua jare iyɨvɨrigua mburuvicha reta opata vi oa tovaicho reta oeka oyuka vaerä vae reta ipo pe, mburuvicha guasu Babilonia pegua isundaro reta ipo pe, jókuae oñemopüa poi ma peré vae.

JEREMÍAS 35:4

jare araja reta tupao pe, Hanán jemimboe reta icuarto pe, jae ko Igdalías taɨ, jae ko metei Tumpa jembiokuai. Jae ko mburuvicha reta icuarto iyɨpɨ pe; Maasías, Salum taɨ tupao jöke iyangarekoa icuarto iárambo.

JEREMÍAS 37:3

Mburuvicha guasu Sedequías omondo Jucal, Selemías taɨ, jare sacerdote Sofonías, Maasías taɨ jei reta vaerä Jeremías pe: “Eyerure oreré yandeYa Tumpa pe.”

JEREMÍAS 52:12

Nabucodonosor mburuvicha guasurä oiko Babilonia pe diecinuevea año, pandepoa yasɨ, payandepo araa pe yave, Nabuzaradán, sundaro omaeäro vae reta juvicha, ou oväe Jerusalén pe

JEREMÍAS 52:15

Javoi Nabuzaradán güɨraja Babilonia kotɨ paravete vae reta jare opaete opɨtagüe, jare oñemee mburuvicha guasu Babilonia pegua ipo pe vae, jare opaete tëta pegua reta.

LAMENTACIONES 4:16

Tumpa iyarasɨ rupi opa omoai moai, ngaraa ye ma omae jese reta. Echa mbaetɨ omboete reta sacerdote reta, mbaetɨ etei iporoparareko reta ndechi reta re ave.

EZEQUIEL 11:7

Jáeramo, yandeYa Tumpa jei körai pekotɨ: Jerusalén oïta metei yapepo rami, ërei pe reta mbaetɨta peï soorä, peyukagüe reta oïta soorä; ërei pe reta pogüɨnoeta jókuae yapepo güi.

EZEQUIEL 24:5

Eipɨɨ metei vecha jete kavi vae, jare eñono yepea igüɨ pe, eyatapɨ jese togüorogüoro topupu, oyɨasɨ kavi vaerä ikägüe reve.

EZEQUIEL 34:10

YandeYa Tumpa jei körai: ¡Chemboarasɨ vecha iyangarekoa reta! Amboetata chupe reta chevecha reta re, apɨ̈rota chugüi reta kuae mbaravɨkɨ, ngaraa ye ma iyé aeño oyangareko reta, echa apɨ̈rota chevecha reta chugüi, ngaraa ma güɨreko reta jembiurä.’