JEREMÍAS 52:22 - Biblia Guarani Tumpa Iñee

²² Okɨta ñavo iyapɨte re güɨnoi omopöra vae jiero iyu vae pegua, mókoi metro ɨvategüe, ikupe rupi güɨnoi pɨsa rami oñeope vae jiero iyu vae pegua, omopöra reve granada ia iä pe. Mókoi reve okɨta oyovake.

JEREMÍAS 52:22 ပူးပေါင်းရင်းမြစ်များ

1 REYES 7:20

Jókuae mókoi okɨta vae iyapɨte regua reta güɨnoi temitɨ granada jee vae ia iä, dosciento, mókoi ñesɨro güɨroyere jese metei ñavo re, jókuae jɨ̈epoa rupi.

1 REYES 7:42

cuatrociento temitɨ granada jee vae ia iä jókuae mókoi oñeope vae reguarä, mókoi jɨsɨ metei ñavo oñeope vae re, pɨpe oñeova jókuae mókoi okɨta iyapɨte regua yapúa vae;

2 REYES 25:17

Metei okɨta guasu ñavo güɨnoi juri metro ɨvategüe, jare iyapɨte re güɨnoi okɨta iyapɨte regua omopöra vae jiero iyu vae pegua, mókoi metro oasa yé ɨvategüe, jókuae okɨta iyapɨte regua omopöra vae oñeova oñeope jiero iyu vae pegua pe, jare oñemopöra granada iä pe; jökorai mókoi reve jókuae okɨta guasu reta.

2 CRÓNICAS 3:15

Jare tupao guasu jenonde kotɨ oyapo mókoi okɨta, metei ñavo diecisei metro seri ɨvategüe, jare okɨta iyapɨte omopöra vae oupitɨ mókoi metro veinticinco centímetro.

ÉXODO 28:25

jare jókuae mókoi iïcha iyapɨ yapɨ toñono reta mókoi atiɨ regua iïcha renda re, jare toñono reta temimonde iyɨvambae iïcha jenondegua re.