JEREMÍAS 51:9 - Biblia Guarani Tumpa Iñee

⁹ Roipoano tëi ma Babilonia, ërei mbaetɨ okuera. ¡Peeya! Yaja mo kuae güi, metei ñavo yandeɨvɨ ae ae pe, echa ikavimbae oyapogüe ojoi oväe ara pe, oupitɨ amapɨtu.

JEREMÍAS 51:9 ပူးပေါင်းရင်းမြစ်များ

2 CRÓNICAS 28:9

Jayave rupi oiko joko pe yandeYa iñeemombeúa Obed jee vae, jae oë sundaro reta japerä pe, oike retata ma Samaria pe yave, jei chupe reta: —YandeYa, peñemuñagüe reta iTumpa iyarasɨ Judá pegua reta kotɨ, jókuae jeko pegua omee pepo pe. Ërei pe reta peyukaasɨ katu pearasɨ yae reve.

ESDRAS 9:6

jare jae: “Cheru Tumpa, chemara jare mbaetɨ aikuaa mbae jae vaerä ndeve cheTumpa, echa oasa ete oreyoa, jare orereko reta oupitɨ ara.

ISAÍAS 13:14

Kuimbae reta, guasu oñemoñagüe ramita, ani vecha opa oñemoai moai vae mbaetɨ iyangarekoa vae ramita. Metei ñavo oyerova yeta jëtaguasu ae kotɨ, otekuaraita iɨvɨ ae kotɨ.

ISAÍAS 47:15

Jökoraita ko oasa jókuae imbaekuaa jare ipɨrae vae reta, ndetaɨrusu güive jae reta ndive peyopokuaa oyoe vae. Metei ñavo yogüɨrajata jape jape ae rupi, mbaetɨta kia ndereroasayepe vaerä.”

JEREMÍAS 46:16

Ndesundaro reta ipɨ̈sa-yeyuka jare oyepɨaka reta, jare jei reta oyoupe: ‘¡Yaja kuae güi, yaja ye yandeɨvɨ pe, jókuae ɨvɨ yaa pɨpea pe! ¡Yatekuarai ñeraro yavaetegüe güi!’

JEREMÍAS 46:21

Sundaro reta omboepɨ güeru imborɨarä vae, toro taɨrusu oyemongɨragüe rami vi ipɨte pe, ërei jae reta vi oë otekuarai, mbaetɨ ipuere oyeepɨ, echa oväe ma isusere iara, jare oiporara vaerä iara.

JEREMÍAS 50:16

Opaetei peyuka Babilonia pegua omaetɨ ani ombaepoo vae. Oecha yave ñeraro oporomokañɨtei vae, ketɨgua reta oyerova yeta iɨvɨ kotɨ, metei ñavo otekuaraita iɨvɨ ae kotɨ.

JEREMÍAS 8:20

Oasa maetɨ iara, oasa mbaarɨvo, ërei oreve mbaetɨ mbɨakatu.

OSEAS 7:13

¡Atataɨ! ¡Maera pa ko opia reta chegüi! Opata amokañɨtei reta, echa oyembopɨapochɨ reta chekotɨ. Che, chekɨ̈reɨ aepɨ reta, ërei jae reta iyapu reve imiari chekotɨ.

Apocalipsis 18:4

Jare aendu ïru ñee ara güi jei: “Peë joko güi, chembae reta, agüɨye vaerä peyapo mbaeyoa reta jae oyapo rami, jare agüɨye vaerä peiporara mbaesusere reta chupe oyeapota vae;

Apocalipsis 18:5

echa iyoa oa ojo ara re, jare Tumpa oecha jókuae jeko ikavimbae.