JEREMÍAS 51:8 - Biblia Guarani Tumpa Iñee

⁸ Ërei güɨramoiño Babilonia oa, opa oyemboai. ¡Peäpiro! Peru chupe moa ipere peguarä, güɨramoi okuera.”

JEREMÍAS 51:8 ပူးပေါင်းရင်းမြစ်များ

ISAÍAS 21:9

Aecha yogüeru kuimbae reta kavayu reta re opo oyoapɨ vae reta.” Jare jei reta: “¡Babilonia opa oyemboai, Babilonia opa oyemboai! Jare opaete itumpa-raanga reta opa oyeka oa ɨvɨ re.”

ISAÍAS 47:11

Ërei outa mbaesusere nderé, ngaraa ndepuere reyeopia mbɨrae reta pe; resusereta, ngaraa ndepuere reyopia; susere outa ndeve neparanoe.

ISAÍAS 47:9

Jókuae mókoi mbae reta ou ndeve metei ara peño: repɨtata imemano vae rami, repɨtata imembɨmbae, yepe tëi jeta reñepoano mbɨrae pe, ani yepe tëi jeta reiporu mbaekuaa.

JEREMÍAS 46:11

¡Egipto, ekua Galaad pe eeka moa! ¡Yepe tëi jeta moa reiporu, mbaetɨ eteita ikavi ndeve, echa mbaetɨ moa ndeveguarä!

JEREMÍAS 48:20

Ñemomarai pe oï Moab jare mbɨatɨtɨ tuichagüe pe. ¡Peyaeo jasɨ katu reve jese! ¡Pemoërakua ɨ̈aka Arnón pe Moab oyemboai oï vae re!”

JEREMÍAS 48:31

Jáeramo jasɨ katu reve aäpirota jare chepɨatɨtɨta, opaete tëta Moab pegua reta re, jare Kir-hares pegua reta re.

JEREMÍAS 50:2

“Emoërakua kuae, tëtaguasu reta rupi, eikuaauka chupe reta. Emopüa bandera remokañɨmaa vaerä ñemoñee, agüɨye nekïriiño epɨta. Ere: ‘¡Babilonia oñepɨ̈ro! ¡Tumpa-raanga Bel opɨta ñemomarai pe, tumpa-raanga Merodac opa oyemboai! ¡Itumpa-raanga añetembae, opa oyemboai!’

JEREMÍAS 51:41

¡Babilonia, tëta guasu jërakua yae opaete ɨvɨ rupi vae, iñamɨri jare oñepɨ̈ro! ¡Opaete tëtaguasu reta oecha yave okɨɨye yae!

JEREMÍAS 8:22

¿Mbaetɨ ra mbae nunga moa yepe Galaad pe? ¿Mbaetɨ ra kia oporopoano vae joko pe? Jayave, ¿maera pa mbaetɨ okuera cherëtaɨgua reta?

EZEQUIEL 30:2

“Nde kuimbae, emoërakua chupe reta maratuta oasa vae: ‘YandeYa Tumpa jei körai: Peñeäpiro jókuae ara outa vae re,

DANIEL 5:24

Jáeramo jae oïa güi etei ko ombou kuae oikuatía vaerä.

DANIEL 5:31

Jare Darío, Media pegua sesenta y dos año güɨnoi oguapɨ mburuvicha guasurä yave.

NAHUM 3:19

¡Mbaetɨ moa ndepere peguarä; ndepere okuerambae ko! Opaete vae oendu yave ndesusere oyepopete retata oyerovia güi, echa jeta ko oiporara reta ndereko ikavimbae.

Apocalipsis 14:8

Jare araɨgua mokoía ïru jaɨkue ou vae jei: “¡Oa ma, oa ma Babilonia, tëta guasu tuicha vae! Echa jae jeko ikavimbae pe omongau opaete tëtaguasu reta.”

Apocalipsis 18:2

Jare osapúkai reve jei: “Oa ma, oa ma Babilonia guasu. Opɨta aña reta jëtarä, opaete espíritu ikɨa vae oikoarä. Güɨra oyeumbae jare oñereröɨro vae jëtarä.