JEREMÍAS 51:62 - Biblia Guarani Tumpa Iñee

⁶² Javoi ere: ‘CheYa Tumpa, nde ko rere opa vaerä remboai kuae tëta, mbaetɨ etei regua opɨta kia pɨpe, kuimbae ani mɨmba reta yepe, echa opaeteita remboai jekuae avei pegua.’

JEREMÍAS 51:62 ပူးပေါင်းရင်းမြစ်များ

JEREMÍAS 25:12

Jare oupitɨ ma setenta año yave, aiporaraukata mburuvicha guasu Babilonia pegua pe jare opaete jókuae tëtaguasu pe, iyoa jeko pegua; jae ko Caldeaɨgua reta iɨvɨ; amboaita jekuae avei pegua. Che ndeYa ko jae kuae.

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 33:12

YandeYa Imbaepuere yae ete vae jei: “Kuae ɨvɨ ipombae añave oï vae, mbaetɨ kuimbae ani mɨmba pɨpe vae, jare opaete jëta guasu reta rupi vae pe, oime yeta kapii, vecha iyangarekoa reta güɨraja vaerä jɨmba omongaru jokoropi.

JEREMÍAS 50:12

Ërei peɨvɨ jare perëta guasu opɨtata ñemomarai pe. Jae ko tëtaguasu reta güi ɨ́vɨkotɨ yaeta opɨta; ipombae, otini jare oasavi etei vae.

JEREMÍAS 50:13

Echa chearasɨta jare aeyata ipombae, opaeteita oyemboai opɨta. Opaete oasa jokoropi vae ipɨakañɨta jare oyóyai yoyaita oecha yave kuae susere reta.

JEREMÍAS 50:3

Echa ɨvɨtuguasu kotɨ güi metei tëtaguasu oporepeña jese, jae oeyata jëtaguasu ipombae. Mbaetɨ eteita, kuimbae ani mɨmba yepe oiko pɨpe, echa opaeteita otekuarai.”

JEREMÍAS 51:29

Ɨvɨ okana jare orɨrɨi, echa yandeYa ombopo oï iyemongeta oeya vaerä ipombae Babilonia, mbaetɨ yeta kia oiko pɨpe.

JEREMÍAS 51:37

Babilonia opɨtata tëtagüerä, aguarayaɨmba reta jëtarä, jare ipombae opɨtata, opaete vae opukata jese jare okɨɨyeta.

JEREMÍAS 51:43

Jëta guasu reta opa oyemboai, ɨvɨ otini jare ipombae opɨta, mbaetɨta kia oiko pɨpe, mbaetɨta vi kia oasa jupi.

JEREMÍAS 51:61

jare jei Seraías pe: “Reo reväe Babilonia pe yave, emongeta kavi opaete kuae ñee reta.

EZEQUIEL 35:9

Romboaita jekuae avei pegua, nerëta guasu reta ngaraa ye ma oñemopüa pɨau ye. Jayave chekuaata che ko jae Tumpa vae.