JEREMÍAS 51:6 - Biblia Guarani Tumpa Iñee

⁶ ¡Petekuarai Babilonia güi! ¡Peroasayepe perekove! ¡Agüɨye pemano jae iyoa jeko pegua! Echa oväe ara aiporarauka vaerä, aiporaraukata chupe jeko oï rupi.

JEREMÍAS 51:6 ပူးပေါင်းရင်းမြစ်များ

SALMOS 94:1

¡CheYa, Tumpa oyepɨ ikavimbae iyapoa reta re vae, Tumpa oyepɨ ikavimbae iyapoa reta re vae, eyeechauka!

PROVERBIOS 13:20

Yarakuaa vae reta ndive oñemoïru vae, yarakuaata; ërei yarakuaambae reta ndive oñemoïru vae, oiporarata.

ISAÍAS 48:20

Peë Babilonia güi, petekuarai Caldeaɨgua reta ipɨte güi. Pesapúkai pemoërakua kuae, peyerovia reve, pemoërakua ɨvɨ iyapɨ rupi ave. Pere: ‘¡YandeYa oyora jembiokuai Jacob iñemuña reta!’ ”

ISAÍAS 63:4

Echa ayepɨ vaerä iara, oime areko chepɨa pe; oväe ma año aepɨ vaerä chembae vae reta.

JEREMÍAS 25:14

Tëtaguasu reta tuichagüe jare mburuvicha guasu reta imbaepuere yae vae ipo pe oa retata vi Caldeaɨgua reta. Jökorai aiporaraukata chupe reta jeko reta oï rupi.’ ”

JEREMÍAS 25:16

Oɨu reta jese yave, jesagüɨrɨ retata jare imbokere rami opɨta retata, ñeraro ambouta chupe reta vae jeko pegua.”

JEREMÍAS 27:7

Opaete tëtaguasu reta oyeokuaita chupe, taɨ reta pe jare jɨmɨmino reta pe, ou regua oväe ara, jae iɨvɨ ma oyeokuai vaerä tëtaguasu reta jare mburuvicha guasu reta imbaepuere yae vae pe.

JEREMÍAS 46:10

Jae ko kuae yandeYa Imbaepuere yae ete vae iporojäa iara, jae ko ara oiporarauka vaerä oyovaicho ikotɨ vae reta pe, kɨsepuku oporoyukata yangapɨɨ regua, tugüɨ pe oyembosavaɨpo regua. Echa yandeYa Imbaepuere yae ete vae etei ko oporoyukaukata Ɨvɨtuguasu kotɨgua tëtaguasu pe, ɨ̈aka Éufrates jembeɨ pe.

JEREMÍAS 48:6

¡Petekuarai! ¡Peroasayepe perekove! ¡Peiko mburika jesaetegüe rami ñuu pe!

JEREMÍAS 50:15

¡Pesapúkai sapúkai ñeraro pegua oipota rupi! ¡Babilonia jaema jëgua! ¡Iguapɨka reta oa ma, ikësea opa osururu! ¡Kuae ko jae che aiporarauka vae: Peyepɨ jese! ¡Peyapo chupe reta, jae reta oporoapo rami!

JEREMÍAS 50:28

Babilonia güi otekuaraigüe reta yogüeru oväe Sión pe vae imiari, kërai yandeYa Tumpa oiporarauka Babilonia pe, itupao pe oyapogüe re.

JEREMÍAS 50:31

YandeYa Imbaepuere yae ete vae jei: “Tëta guasu ipɨayemboete vae, che ayemboyovaicho ndekotɨ; oväe ara, reiporara yae vaerä.

JEREMÍAS 50:8

¡Petekuarai Babilonia güi, Caldeaɨgua reta iɨvɨ güi! ¡Peë tenonde, kavara kuimbae reta tenonde oguata japicha reta pe vae rami!

JEREMÍAS 51:11

¡Peyapo katu peruvɨ reta! ¡Peyokua kavi yeopiaka reta peyɨva re! YandeYa omokɨ̈reɨ mburuvicha guasu reta Media pegua; echa omboaita Babilonia, jae kuae yandeYa iara oiporarauka vaerä, itupao pe oyapo vae re.

JEREMÍAS 51:36

YandeYa jei: “Che ayapota ndeve jupi vae, aiporaraukata nderovaicho reta pe. Opaeteita ambondɨpa Babilonia güi ɨ̈aka reta jare ɨesaɨ reta.

JEREMÍAS 51:45

¡Tëta chembae vae reta, peë joko güi, metei ñavo peroasayepe perekove, chearasɨ güi!

JEREMÍAS 51:50

Peasayepe mano güi vae reta, petekuarai pepɨtambae reve; jare yepe tëi mombɨrɨ peï, pemaendúa yandeYa re jare Jerusalén re.

JEREMÍAS 51:56

Yogüeru omboai vaerä Babilonia; oipɨɨ ma isundaro jëia vae reta, jare opa ma omopë mopë chugüi igüɨrapa reta. Echa yandeYa Tumpa ko omee metei ñavo pe jeko oï rupi.

JEREMÍAS 51:9

Roipoano tëi ma Babilonia, ërei mbaetɨ okuera. ¡Peeya! Yaja mo kuae güi, metei ñavo yandeɨvɨ ae ae pe, echa ikavimbae oyapogüe ojoi oväe ara pe, oupitɨ amapɨtu.

LAMENTACIONES 3:64

CheYa Tumpa, eiporarauka chupe reta, jeko oï rupi.

NÚMEROS 16:26

Jare jae imiari yatɨ vae reta pe, jei reve: —Pesɨrɨ kuae kuimbae reta oyemboyovaicho Tumpa kotɨ vae reta jo guakapi pegua güi, jare agüɨye etei imbaembae re pepoko, agüɨye vaerä pe reta vi pemano jae reta imbaeyoa jeko pegua.

DEUTERONOMIO 32:25

Kɨsepuku oporoyukata ikatu rupi, jare o japɨpe rupi kɨɨye; omanota kunumi jare kuñatai, ndechi reta jare vi michia okambu vɨteri vae reta.

DEUTERONOMIO 32:41

Aimbee yave chekɨsepuku, jare amboɨpɨ yave cheporojäa aiporaraukata cherovaicho reta pe, ¡amboepɨukata chemotareɨ vae reta pe!

DEUTERONOMIO 32:43

‘¡Tëtaguasu reta, pemboete Tumpa imbae vae reta! ¡Jae oiporaraukata jembiokuai reta imano re, oiporaraukata jovaicho reta pe, jare iñɨ̈rota kuae tëtaguasu pe jare imbae vae reta pe!’ ”

1 Timoteo 5:22

Agüɨye emanorai eyapo mbae kia pe ave, agüɨye eyemoinge teko ambuae pe. Eiko ikɨambae.

Apocalipsis 16:19

Jare tëta guasu oyemboyao mboapɨ pe, jare tëta guasu reta ïru ɨvɨ pegua opa oa. Jare Tumpa imaendúa jókuae tëta guasu Babilonia jee vae re, jouuka vaerä chupe vinoecha, iyarasɨ yae ikotɨ vae.