JEREMÍAS 51:57 - Biblia Guarani Tumpa Iñee

⁵⁷ Mburuvicha guasu, yandeYa Imbaepuere yae ete vae jei: “Ambosavaɨpota Babilonia pegua mburuvicha reta, iyarakuaa vae reta jare sundaro ruvicha reta, jare mburuvicha guasu iyɨvɨrigua reta jare sundaro reta; jökorai oketa jekuae avei pegua, ngaraa ye ma okuera.

JEREMÍAS 51:57 ပူးပေါင်းရင်းမြစ်များ

ISAÍAS 37:36

Jare oë yandeYa iaraɨgua, ojo jare oyuka Asiriaɨgua reta jeyupa pe ciento ochenta y cinco mil kuimbae; jare köe yave opüa reta yave, oecha reta opaete tëogüe yepeaiño ma.

ISAÍAS 44:25

Mbaetɨ amaeño oyembopo vaerä maratuta vae imombeúa reta omombeu vae, amombokere susere oimeta vae imombeúa reta. Yarakuaa katu vae reta iñee amboyopɨndekua oyougüi, opaete iyarakuaa katu arokomegua chugüi reta.

ISAÍAS 6:5

Jayave jae: “¡Atataɨ, maera pa ko amanota! Echa che kuimbae iyuru ikɨa Tumpa jóvai reve, jare tëta iyuru ikɨa Tumpa jóvai vae reta ipɨte pe aiko reve aecha Mburuvicha guasu, yandeYa Imbaepuere yae ete vae.”

JEREMÍAS 13:13

Javoi nde ere chupe reta: ‘YandeYa jei: Ambosavaɨpota opaete kuae ɨvɨ pe yogüɨreko vae, mburuvicha guasu reta David jëtara, jae iporookuaía pe oguapɨ vae, sacerdote reta, ñeemombeúa reta jare opaete Jerusalén pe yogüɨreko vae.

JEREMÍAS 25:27

Jaɨkue rupi yandeYa jei cheve: “Ere chupe reta che peYa Imbaepuere yae ete vae, Israel iTumpa ayókuai oɨu reta vaerä jese, oyembosavaɨpo regua, ogüëe jare togüɨapi, opüa yembae vaerä, ñeraro ambouta chupe vae jeko pegua.

JEREMÍAS 46:18

Cheyé aeño arökuavee, jei Mburuvicha guasu yandeYa Imbaepuere yae ete, jee vae. Ɨvɨtɨ guasu Tabor tuicha yae ïru ɨvɨtɨ reta güi rami, jare ɨvɨtɨ guasu Carmelo ɨvate ɨguasu güi rami, jökorai jókuae tovaicho outa vae.

JEREMÍAS 48:15

Oväe ma Moab imboaia jare jëta guasu reta imboaia; itaɨrusu reta ikavigüe opata omano. Jökorai jei Mburuvicha guasu, jae ko jee yandeYa Imbaepuere yae ete vae.

JEREMÍAS 50:30

Jáeramo, itaɨrusu reta opata omano joka guasu rupi, jare opaete isundaro reta omanota jókuae ara. Che peYa ko jae kuae.”

JEREMÍAS 51:39

Jakuvo ma yave, ameeta jou mbae oporombosavaɨpo vae, osavaɨpo yae vaerä. Jökorai oketa jekuae avei pegua, ngaraa ye ma okuera. Che peYa ko jae kuae.

EZEQUIEL 20:33

Che peYa jae cheyé aeño, chembaepuere yae reve jare chearasɨ aitɨ peré reve, aporookuaita peré.

NAHUM 1:10

Echa yepe tëi ñurati tëɨ yae vae rami, ërei kapii otini vae rami ko opaeteita ókai.

NAHUM 3:18

¡Mburuvicha guasu Asiria pegua, omano ndeangarekoa reta! Ndemborɨa reta omano, ndesundaro reta opa oñemoai ɨvɨtɨ rupi, jare mbaetɨ kia omboatɨ vaerä.

MALAQUÍAS 1:14

¡Yepopeyu toa oporombotavɨ vae re, oime tëi güɨnoi mɨmba kavi jɨmba pɨte pe reve, güɨrökuavee jare güeru oikomeguagüe omee oyeyuka vaerä vae! Che ko jae Mburuvicha Guasu, cheree kɨɨyea ko opaete tëtaguasu ñavo rupi. Jei yandeYa Imbaepuere yae ete vae.

Apocalipsis 18:9

Jare ɨvɨ pegua mburuvicha guasu reta oyapo aguasa jae ndive vae jare jae ndive oyerovia vae oyaeota jare oapïrota, oecha yave jätati opa ókai güi.