JEREMÍAS 51:56 - Biblia Guarani Tumpa Iñee

⁵⁶ Yogüeru omboai vaerä Babilonia; oipɨɨ ma isundaro jëia vae reta, jare opa ma omopë mopë chugüi igüɨrapa reta. Echa yandeYa Tumpa ko omee metei ñavo pe jeko oï rupi.

JEREMÍAS 51:56 ပူးပေါင်းရင်းမြစ်များ

GÉNESIS 49:24

Ërei ngatu igüɨrapa omopɨ̈rata yae, iyɨva omomɨ̈rata yae. ¡Yasoropai Imbaepuere yae ete vae pe, Jacob iTumpa pe! ¡Yasoropai Oporoangareko vae pe, Israel iñepɨ̈roa pe!

SALMOS 137:8

¡Nde, Babilonia reyemboaiukata vae! ¡Toyerovia jókuae omboekoviata ndeve, nde reyapo ikavimbae oreve rami vae!

SALMOS 37:15

Ërei ikɨsepuku pe aeño omanota, jare igüɨrapa reta opata oñemopë.

SALMOS 46:9

Omombɨta ñeraro opaete ɨvɨ rupi; omopë güɨrapa reta, oakɨo mii reta, jare, ¡opa oapɨ tata pe käretou ñeraro pegua reta!

SALMOS 76:3

Joko pe opa omopë tembiporu ñeraro pegua reta: Uvɨ, güɨrapa, yeopiaka jare kɨsepuku.

ISAÍAS 21:2

Yavaete ko, Tumpa oechauka cheve vae: Omaepɨ̈ro vae, omaepɨ̈ro; oporomboai vae, ombaemboai. ¡Pepüa, ɨvɨ Elam pegua reta! ¡Peporepeña, Media pegua reta! ¡Jäse vae reta amokïrii ma!

ISAÍAS 34:8

Echa yandeYa iyepɨ iara ko, ou oväe año, oyepɨ vaerä Sión pe.

ISAÍAS 35:4

Pere okɨɨye vae reta pe: “¡Peñemoäta ngatu, agüɨye pekɨɨye! ¡Mase, ko oï peTumpa pereepɨ vaerä, oiporaraukata tovaicho reta pe, jeko reta oï rupi; Tumpa etei outa pereepɨ vaerä!”

ISAÍAS 59:18

YandeYa omboepɨukata metei ñavo pe, jeko ae re, oiporaraukata jovaicho reta pe. Imotareɨa reta pe omboepɨukata jeko oï rupi; tëtaguasu reta ɨguasu jembeɨ rupigua reta pe ave.

JEREMÍAS 49:35

“Che, ndeYa Imbaepuere yae ete vae jae: Elam igüɨrapa reta amopëta, jae ko jókuae jembiporu iyeroviaka ete.

JEREMÍAS 50:10

Omaepɨ̈ro retata Caldeaɨgua reta güi, omaepɨ̈ro retata yangapɨɨ regua. Che peYa ko jae kuae.

JEREMÍAS 50:36

¡Ou ñeraro maratuta vae imombeúa reta pe; timbokere topɨta! ¡Ou ñeraro isundaro reta pe; tiñamɨri reta!

JEREMÍAS 51:24

Ërei perovake amboepɨukata Babilonia pe, opaete Caldeaɨgua reta pe, ikavimbae oyapo reta Sión pe vae re. Che peYa ko jae kuae.

JEREMÍAS 51:30

Sundaro jëia vae reta Babilonia pegua mbaetɨ ma oñoraro, oñepɨ̈ro reta iñemika pe; mbaetɨ ma ipuere reta, kuñaecha opɨta reta. Jo reta opa oyeapɨ, jöke reta imotätaa opa oyeakɨo.

JEREMÍAS 51:48

Ara jare ɨvɨ, jare opaete oime pɨpe vae oyerovia yaeta Babilonia iñamɨri yave, echa ɨvɨtuguasu kotɨ güi yogüeruta imboaia reta. Che peYa ko jae kuae.

JEREMÍAS 51:53

Yepe tëi Babilonia oyeupi ara pe, güɨnoi vaerä iñemika jëguambae, joko pe ambouta chupe oporomboai vae reta. Che peYa ko jae kuae.”

JEREMÍAS 51:6

¡Petekuarai Babilonia güi! ¡Peroasayepe perekove! ¡Agüɨye pemano jae iyoa jeko pegua! Echa oväe ara aiporarauka vaerä, aiporaraukata chupe jeko oï rupi.

LAMENTACIONES 3:64

CheYa Tumpa, eiporarauka chupe reta, jeko oï rupi.

EZEQUIEL 39:3

Jare ndepo ndeasu kotɨgua güi ropoekɨta ndegüɨrapa güi, jare ndeakatu kotɨgua güi aitɨta nderuvɨ.

EZEQUIEL 39:9

Tëta guasu reta Israel pegua pe yogüɨreko vae reta, ñogüɨnoeta opa oapɨ reta tembiporu reta ñeraro pegua, yeopiaka, güɨrapa jare uvɨ, mii jare mii raɨ; oapɨ retata yogüɨreko chiu año rupi.

AMÓS 2:15

Kuimbae uvɨ regua ngaraa ipuere, iñäkua osɨi vae ave ngaraa oasayepe, kavayu regua ave ngaraa güɨroasayepe jekove.

ABDÍAS 1:15

Ïru reta pe peyapo rami oyeapota vi pe ndive: ¡Jókuae peyapo vae jekoviata peve! Köi ma oï yandeYa iporojäa iara opaete tëtaguasu reta peguarä.

HABACUC 2:8

Echa nde repɨ̈ro jeta mbaembae tëtaguasu reta güi, jáeramo tëtaguasu reta jembɨregüe oyomboatɨta ndekotɨ, omboepɨuka vaerä ndeve opaete reyukagüe, nepïrimbae tëta guasu reta re jare pɨpegua reta re vae re.

DEUTERONOMIO 32:35

oiporarauka jare omboepɨuka vae ko che, iara pe ogüɨapi retata. Echa köi yae ma oï oiporara reta vaerä, ¡oäro güɨnoi vae köi yae ma!

2 Tesalonicenses 1:6

Echa jupi ko Tumpa oiporarauka vaerä jókuae oiporarauka peve vae reta pe,

Apocalipsis 17:16

Jare jókuae payandepo jäti reecha mɨmba guasu re vae omotareɨta jókuae kuña iyaguasa vae, omombota oeya inandi reve; jouta kuña isoo jare oapɨ tata pe;

Apocalipsis 18:20

Peyerovia jese, ara pe peiko vae. Jare pe oporogüɨrovia vae reta, temimondo reta jare ñeemombeúa reta, echa Tumpa oyepɨ peve.”

Apocalipsis 19:2

Echa iporojäa reta añete jare jupi ko; echa jae ojäa jókuae kuña iyaguasa pota vae, opa güɨrokomegua opaete ɨvɨ pegua reta iyaguasa pota pe, ërei Tumpa oyepɨ ma jembiokuai reta imano re.”

1 SAMUEL 2:4

Jae omboai imbaepuere vae reta jembiporu ñeraro pegua jare omborɨ ipuerembae reta;