JEREMÍAS 51:44 - Biblia Guarani Tumpa Iñee

⁴⁴ “Tumpa-raanga Bel amboaita Babilonia pe, anoeta iyuru rupi opa omokoigüe; ngaraa ye ma tëtaguasu reta yogüeru ikotɨ. ¡Babilonia ikësea reta osururuta!

JEREMÍAS 51:44 ပူးပေါင်းရင်းမြစ်များ

2 CRÓNICAS 36:7

Nabucodonosor güɨraja mbovɨ tembiporu reta Tumpa jo pegua, jare oñono itupao pe Babilonia pe.

JOB 20:15

Omogüëe mbaeyekou omokoigüe, Tumpa güɨnoe jɨe güi.

ISAÍAS 2:2

Ara taɨkuegua rupi, ɨvɨtɨ yandeYa jo oï jese vae, oïta kuri opaete ɨvɨtɨ reta itenondeguarä, jare oyembotuicha yaeta opaete vae ɨvɨtɨ reta güi, jare opaete tëtaguasu reta yogüeruta ikotɨ;

ISAÍAS 21:9

Aecha yogüeru kuimbae reta kavayu reta re opo oyoapɨ vae reta.” Jare jei reta: “¡Babilonia opa oyemboai, Babilonia opa oyemboai! Jare opaete itumpa-raanga reta opa oyeka oa ɨvɨ re.”

ISAÍAS 60:5

Reechata jare reyerovia yaeta, nepɨakañɨ yaeta; echa güeru retata ndeve mbaeyekou reta tëtaguasu reta ɨguasu jembeɨ rupigua güi, güeru retata ndeve ïru tëtaguasu reta imbaeyekou reta.

JEREMÍAS 50:15

¡Pesapúkai sapúkai ñeraro pegua oipota rupi! ¡Babilonia jaema jëgua! ¡Iguapɨka reta oa ma, ikësea opa osururu! ¡Kuae ko jae che aiporarauka vae: Peyepɨ jese! ¡Peyapo chupe reta, jae reta oporoapo rami!

JEREMÍAS 50:2

“Emoërakua kuae, tëtaguasu reta rupi, eikuaauka chupe reta. Emopüa bandera remokañɨmaa vaerä ñemoñee, agüɨye nekïriiño epɨta. Ere: ‘¡Babilonia oñepɨ̈ro! ¡Tumpa-raanga Bel opɨta ñemomarai pe, tumpa-raanga Merodac opa oyemboai! ¡Itumpa-raanga añetembae, opa oyemboai!’

JEREMÍAS 51:18

Jaangaño ko, mbaeä etei ko, yandeYa iporojäa iara pe, opaeteita omboai.

JEREMÍAS 51:34

Jerusalén, Sión pegua tëta guasu jei: “Nabucodonosor, mburuvicha guasu Babilonia pegua, chembojaɨ jaɨ jare opa chemókoi; chereeya metei vaso ipombae rami. Mbaeporou ɨguasu rupigua rami chereu; oñemoɨ̈vɨata, oyúe yae chegüi vae pe, jare cherembɨregüe omombo. ¡Toiporara Babilonia, ikavimbae oyapo cheve vae re! ¡Caldeaɨgua reta toiporara oyuka chegüigüe reta re!”

JEREMÍAS 51:47

Jáeramo, oväeta ara amboai vaerä tumpa-raanga reta Babilonia pegua, kuae tëtaguasu oñemomaraiukata, jare tɨnɨeta tëogüe reta pe.

JEREMÍAS 51:53

Yepe tëi Babilonia oyeupi ara pe, güɨnoi vaerä iñemika jëguambae, joko pe ambouta chupe oporomboai vae reta. Che peYa ko jae kuae.”

JEREMÍAS 51:58

Che, peYa Imbaepuere yae ete vae, jae: Babilonia ikësea ipɨguasu yae vae opaeteita oyemboai, jare jöke tuicha yae vae reta opata oyeapɨ. Oparavɨkɨiño ma tëtaguasu pegua reta, oparavɨkɨiño ma opa ókai vaerä.”

DANIEL 1:2

Jare yandeYa omee ipo pe, Joacim mburuvicha guasu Judá pegua, jare jeta tembiporu reta Tumpa jo pegua; jare güeru ɨvɨ Sinar pe, itumpa jo pe, jare oñono tembiporu reta, mbaembae jepɨ yae vae oñeñovatúa pe, itumpa jo pe.

DANIEL 3:29

Jáeramo amee mborookuai, opaete tëta reta, tëtaguasu reta, ïru ñee pe imiari vae reta iñee nguru yave Sadrac, Mesac jare Abed-nego iTumpa kotɨ, toyembojaɨ jaɨ jare jo topɨta ɨtɨapɨrä; echa mbaetɨ ïru tumpa ipuere oporoepɨ kuae rami vae.”

DANIEL 4:1

“Che Nabucodonosor, mburuvicha guasu opaete tëta re, tëtaguasu reta re, jare opaete ïru ñee pe imiari vae reta, ɨvɨ pe yogüɨreko vae reta re vae jae: Mbɨakatu toñemoïru peve.

DANIEL 4:22

jókuae ɨvɨra reecha vae, nde etei ko mburuvicha guasu, rekuakuaa jare tuicha yae reyeapo, echa okuakuaa ndembaepuere jare ojo oya ara re, jare ndembaepuere ojo oväe opaete ɨvɨ jembeɨ kotɨ.

DANIEL 5:19

Jare yembotuicha omee chupe vae rupi, opaete vae tëta reta, jare tëtaguasu reta jare ïru ñee pe imiari vae reta orɨrɨi jare okɨɨye chugüi. Jae oipota oyuka vae oyuka, jare mbaetɨ oipota oyuka vae mbaetɨ oyuka, jare oipota ombotuicha vae ombotuicha ani oipota omomichi vae omomichi.

DANIEL 5:26

Kuae ñee MENE oipota jei: Tumpa oipapa ma ndeporookuaía, jare oñono ma iyapɨ vaerä.

DANIEL 5:31

Jare Darío, Media pegua sesenta y dos año güɨnoi oguapɨ mburuvicha guasurä yave.