JEREMÍAS 51:43 - Biblia Guarani Tumpa Iñee

⁴³ Jëta guasu reta opa oyemboai, ɨvɨ otini jare ipombae opɨta, mbaetɨta kia oiko pɨpe, mbaetɨta vi kia oasa jupi.

JEREMÍAS 51:43 ပူးပေါင်းရင်းမြစ်များ

SALMOS 46:8

Peyu pemae yandeYa jembiapo reta re; opa omokañɨtei ɨvɨ.

ISAÍAS 13:20

Ngaraa ye ma kia oiko pɨpe vae, ngaraa kia ave oñemoëta pɨpe. Árabe reta ave ngaraa oyembojeyupa pɨpe, ani vecha iyangarekoa reta ave ngaraa ivecha omombutuu joko pe.

ISAÍAS 34:13

Jogüe reta pe oñemuñata ñurati, jaenunga vi jo jëguambae vae rupi. Aguarayaɨmba reta oñemoëtata jokoropi jare yandu reta.

ISAÍAS 47:11

Ërei outa mbaesusere nderé, ngaraa ndepuere reyeopia mbɨrae reta pe; resusereta, ngaraa ndepuere reyopia; susere outa ndeve neparanoe.

JEREMÍAS 18:16

Jökorai iɨvɨ oipoepɨ, ɨvɨ ipombae pe, opaete vae okɨɨye yae vaerä jekuae avei pegua. Opaete oasa jokoropi vae iñäka ombovavata jare ipɨakañɨta jese.

JEREMÍAS 2:6

Mbaetɨ oparandu reta: ‘¿Ketɨ pa oime oï yandeYa, jókuae ñanerenoe ɨvɨ Egipto güi vae, yandereroata ñuu ipombaea rupi vae, ɨvɨ otini vae rupi, ñamano rape katu jupi vae rupi, mbaetɨ ɨ vae rupi, ɨvɨ mbaetɨ kia ave oiko pɨpe vae rupi ani oguata yepe jupi vae rupi?’

JEREMÍAS 50:12

Ërei peɨvɨ jare perëta guasu opɨtata ñemomarai pe. Jae ko tëtaguasu reta güi ɨ́vɨkotɨ yaeta opɨta; ipombae, otini jare oasavi etei vae.

JEREMÍAS 51:29

Ɨvɨ okana jare orɨrɨi, echa yandeYa ombopo oï iyemongeta oeya vaerä ipombae Babilonia, mbaetɨ yeta kia oiko pɨpe.

JEREMÍAS 51:37

Babilonia opɨtata tëtagüerä, aguarayaɨmba reta jëtarä, jare ipombae opɨtata, opaete vae opukata jese jare okɨɨyeta.

JEREMÍAS 51:62

Javoi ere: ‘CheYa Tumpa, nde ko rere opa vaerä remboai kuae tëta, mbaetɨ etei regua opɨta kia pɨpe, kuimbae ani mɨmba reta yepe, echa opaeteita remboai jekuae avei pegua.’