JEREMÍAS 51:24 - Biblia Guarani Tumpa Iñee

²⁴ Ërei perovake amboepɨukata Babilonia pe, opaete Caldeaɨgua reta pe, ikavimbae oyapo reta Sión pe vae re. Che peYa ko jae kuae.

JEREMÍAS 51:24 ပူးပေါင်းရင်းမြစ်များ

SALMOS 79:10

Echa tëtaguasu reta jeita: “¿Ketɨ ra oime oï iTumpa?” ¡Emee toroecha jare toikuaa opaete vae! ¡Reyepɨ nderembiokuai reta jugüɨ oyepɨyeregüe re vae!

ISAÍAS 48:14

Peyemboatɨ opaete pe reta jare peyeapɨsaka: ‘¿Kia pa pegüi reta ipuere omombeu voi kuaekuae reta oasata vae? Kërai che, jókuae kuimbae aiparavo vae, oyapota ko Babilonia kotɨ che ayemongeta ayapo vaerä vae, jae ko Caldeaɨgua reta kotɨ.

ISAÍAS 61:2

amoërakua vaerä yandeYa ipɨakavi iara ou ma oväe vae, jare ñaneTumpa oyepɨ vaerä iara ou ma vae regua; ambopɨakatu vaerä mbɨatɨtɨ pe ñogüɨnoi vae reta;

ISAÍAS 66:6

Tëta guasu pe jeta jäsembaiecha vae, tupao pe ñee oyeendu, jae ko yandeYa iñee oiporarauka vaerä jovaicho reta pe, jeko re.

JEREMÍAS 25:14

Tëtaguasu reta tuichagüe jare mburuvicha guasu reta imbaepuere yae vae ipo pe oa retata vi Caldeaɨgua reta. Jökorai aiporaraukata chupe reta jeko reta oï rupi.’ ”

JEREMÍAS 50:10

Omaepɨ̈ro retata Caldeaɨgua reta güi, omaepɨ̈ro retata yangapɨɨ regua. Che peYa ko jae kuae.

JEREMÍAS 50:15

¡Pesapúkai sapúkai ñeraro pegua oipota rupi! ¡Babilonia jaema jëgua! ¡Iguapɨka reta oa ma, ikësea opa osururu! ¡Kuae ko jae che aiporarauka vae: Peyepɨ jese! ¡Peyapo chupe reta, jae reta oporoapo rami!

JEREMÍAS 51:11

¡Peyapo katu peruvɨ reta! ¡Peyokua kavi yeopiaka reta peyɨva re! YandeYa omokɨ̈reɨ mburuvicha guasu reta Media pegua; echa omboaita Babilonia, jae kuae yandeYa iara oiporarauka vaerä, itupao pe oyapo vae re.

JEREMÍAS 51:23

Nde rupi amokañɨtei vecha iyangarekoa reta jare vecha reta, ko pe oparavɨkɨ vae reta jare güeye reta, tëta iyangarekoa reta jare mburuvicha guasu iyɨvɨrigua reta.

JEREMÍAS 51:49

Babilonia iñamɨrita ko, oyuka Israel pegua reta vae jeko pegua, jare opaete ɨvɨ pe oporoyuka vae jeko pegua.”

JEREMÍAS 51:56

Yogüeru omboai vaerä Babilonia; oipɨɨ ma isundaro jëia vae reta, jare opa ma omopë mopë chugüi igüɨrapa reta. Echa yandeYa Tumpa ko omee metei ñavo pe jeko oï rupi.

LAMENTACIONES 3:64

CheYa Tumpa, eiporarauka chupe reta, jeko oï rupi.

Apocalipsis 18:20

Peyerovia jese, ara pe peiko vae. Jare pe oporogüɨrovia vae reta, temimondo reta jare ñeemombeúa reta, echa Tumpa oyepɨ peve.”

Apocalipsis 18:24

Echa kuae tëta guasu pe oñeväe ñeemombeúa reta jugüɨ, oporogüɨrovia vae reta jugüɨ jare opaete ɨvɨ pe oyeyukauka vae reta jugüɨ.

Apocalipsis 6:10

Jae reta iñeeäta reve jei: “OreYa iyoambae jare añetete vae. ¿Kërai yave pa rejäata jare reiporaraukata ɨvɨ pegua oreyuka vae reta pe?”