JEREMÍAS 51:19 - Biblia Guarani Tumpa Iñee

¹⁹ Ërei, ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

JEREMÍAS 51:19 ပူးပေါင်းရင်းမြစ်များ

SALMOS 115:3

Nde, oreTumpa oime reï ara pe, nde reyapo ndepɨa oipota rami.

SALMOS 135:4

Echa jae oiparavo iyeupe tëta Israel, Jacob iñemuña reta.

SALMOS 16:5

CheYa, ndeño ko jae chembaeyekou; nde remee aiko vaerä.

SALMOS 33:12

Oyerovia ko tëtaguasu, iTumpa jae ko yandeYa vae, jae oiparavo imbaerä vae.

SALMOS 73:26

Chesoo jare chepɨa ikangɨ, ërei nde cheRu Tumpa, jae ko chepɨa iñepɨ̈roa jare chembaeyekou opambae.

SALMOS 74:2

Nemaendúa tëta ndembae vae re, arakae güive reiparavo ndeyeupe vae, reyora reta reyapo vaerä ndembaerä vae; nemaendúa kuae ɨvɨtɨ guasu Sión re, nde reiko pɨpe vae.

ISAÍAS 47:4

OreReepɨ vae, Tumpa Iyoambae Israel pegua, jae ko jee oreYa Imbaepuere yae ete vae. Jae jei körai:

ISAÍAS 51:13

Peakañɨ peYa peApoa güi, ara jare ɨvɨ iyapoa güi, ara ñavo pekaaru aru pekɨɨye oporombopɨatɨtɨ vae reta güi, oyemongeta pemokañɨtei vaerä yave. Ërei, ¿jama pa jókuae oporombopɨatɨtɨ vae reta iyarasɨ?

JEREMÍAS 10:12

YandeYa imbaepuere pe oyapo ɨvɨ; oñono kavi ɨvɨ oikuaa kavi reve; oipɨso ara iyarakuaa yae reve.

JEREMÍAS 10:16

Ërei ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

JEREMÍAS 33:2

“Che ndeYa, ɨvɨ iyapoa, ayapo jare añono kavi jenda pe vae, jae ndeve:

JEREMÍAS 50:11

Pe Caldeaɨgua, pemaepɨ̈ro chembae vae reta güi vae, ¡peyerovia katu yae jare pevɨa katu yae! ¡Peporise guaka taɨrusu oporise kapii rupi rami! ¡Peñee, kavayu oñee rami!

JEREMÍAS 50:34

Ërei iyoraarä vae jae ko Imbaepuere yae vae; jae ko jee yandeYa Imbaepuere yae ete vae. Jae oyapota opaete mbae jupi vae chupe reta; güeruta mbɨakatu kuae tëtaguasu pe, ërei Babilonia pegua reta pe güeruta kɨɨye rai.”

JEREMÍAS 51:5

echa yepe tëi Israel jare Judá iyoa chekotɨ, omotɨnɨe iɨvɨ mbaeyoa pe, ërei che, iYa Imbaepuere yae ete vae, iYoambae Israel pegua, mbaetɨ aeya reta.

LAMENTACIONES 3:24

Che jae cheyeupe: “¡CheYa ndeño ko jae chembaeyekou; jáeramo jese aärota!”

DEUTERONOMIO 32:9

echa imbae ko kuae tëta, jae ko Jacob iñemuña reta.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.