JEREMÍAS 51:15 - Biblia Guarani Tumpa Iñee

¹⁵ YandeYa imbaepuere pe oyapo ɨvɨ; oñono kavi ɨvɨ iyarakuaa katu rupi; oipɨso ara iyarakuaa kavi yae rupi.

JEREMÍAS 51:15 ပူးပေါင်းရင်းမြစ်များ

JOB 9:8

Jaeño pe etei ko oyapo ara reta; jare güɨnoi mbaepuere ɨguasu re.

SALMOS 104:2

reñeapeva tembipe pe, temimonde pe rami; ¡reipɨso ara, asoya oyepɨso rami!

SALMOS 104:24

CheYa Tumpa, ¡opa rapeä ko roipapa nderembiapo reta! Opaete jókuae reta reyapo ndearakuaa katu reve; ¡ɨvɨ tɨnɨe oï nderembiapo reta pe!

SALMOS 107:25

Echa jae omoë iñee yave, oñemopüa ɨvɨtuai yavaetegüe, jare omopüa ɨaparúa tuichagüe;

SALMOS 136:5

Arakuaa katu rupi ara reta oyapo vae, echa iporoparareko jekuae avei vae ko.

PROVERBIOS 3:19

Arakuaa reve kavi yandeYa oñono ɨvɨ jenda pe, jare arakuaa katu reve kavi oyapo ara;

ISAÍAS 40:22

Tumpa oikoa, güɨnoi ko ara re, joko güi oecha ɨvɨ pegua reta tuku ramiño ko vae. Jae oipɨso ara, asoya oyepɨso rami, jae omoata ara, küaraɨa guakapi pegua oñemoata rami.

ISAÍAS 40:26

Perovaɨva pemae ara kotɨ: ¿Kia pa oyapo opaete jókuae mbaembae reta? Jae ko oipapa jare oñono jenda pe kavi kavi, ombojee metei ñavo, ngaraa metei ave oata. Jökorai ko imbaepuere yae jare ipɨ̈rata yae.

ISAÍAS 42:5

Körai jei yandeYa Tumpa, ara Iyapoa, jae oyapo ara; jae oyapo ɨvɨ jare mbaembae oñemuña pɨpe vae; jae omee ɨvɨ ipo reta pe ipɨ̈túe vaerä, jare tekove, ɨvɨ iárambo yogüɨreko vae reta pe vae:

ISAÍAS 44:24

Körai jei yandeYa, ndeReepɨ vae, ndei rea mbove voi ma ndeapo vae: “Che peYa, jae ko opaete mbaembae iyapoa, che ko ayapo ara jare ɨvɨ, mbaetɨ kia chemborɨ reve.

ISAÍAS 45:12

Che ko ayapo ɨvɨ jare pɨpegua kuimbae reta, che ko ayapo ara jare amboyekuaa opaete pɨpegua reta.

ISAÍAS 48:13

Che ko ayapo ɨvɨ, jare chepoäka pe ko ajäa ara reta; aenɨi reta jee rupi yave, mókoi reve voi oyekuaa reta.

ISAÍAS 51:13

Peakañɨ peYa peApoa güi, ara jare ɨvɨ iyapoa güi, ara ñavo pekaaru aru pekɨɨye oporombopɨatɨtɨ vae reta güi, oyemongeta pemokañɨtei vaerä yave. Ërei, ¿jama pa jókuae oporombopɨatɨtɨ vae reta iyarasɨ?

JEREMÍAS 27:5

Che chembaepuere pe ko ayapo ɨvɨ, kuimbae jare mɨmba reta ñogüɨnoi ɨvɨ iárambo vae, jare amee che aipota vae pe.

JEREMÍAS 32:17

‘CheYa Tumpa, nde ndembaepuere pe reyapo ara jare ɨvɨ. Mbaetɨ etei mbae yavai ndeve.

ZACARÍAS 12:1

YandeYa iñee Israel pe mbae oasata vae regua. YandeYa, ara oipɨso vae jare ɨvɨ oyapo vae, jare tekove oyapo kuimbae iyɨvɨte pe vae, jei:

Hechos 14:15

—Kuimbae reta, ¿maera pa peyapo kuae? Ore kuimbae reta pe reta ramiño ko. Romoërakua peve peyerova vaerä kuae ikavimbae peyapo vae güi Tumpa oikove vae kotɨ. Jae ko oyapo ara, ɨvɨ, ɨguasu jare opaete mbaembae pɨpe oime vae.

Hechos 17:24

Jae ko Tumpa oyapo ɨvɨ jare opaete mbaembae oï pɨpe vae. Jae ko ara jare ɨvɨ iYa, ërei mbaetɨ oiko tupao reta yande yayapogüe reta pe.

Romanos 1:20

Echa jae oyekuaambae vae jare imbaepuere opambae vae, jare jae ko Tumpa vae, oyekuaa kavi yae ɨvɨ oyeapo güive. Ɨvɨ pegua reta oikuaa opaete mbaembae Tumpa oyapo vae rupi. Jáeramo mbaetɨ metei ave ipuere jei: “Mbaetɨ ko aikuaa.”

Romanos 11:33

Tumpa yarakuaa tuichagüe yae ko, iyarakuaa katu yae ko. Yaupitɨ rapembae iyemongeta reta. Yaipapa rapeä ko jemimbota reta.

Apocalipsis 4:11

“OreYa, jupi ko oñemee vaerä ndeve yemboetea, mbaemboete jare mbaepuere, echa nde reyapo opaete mbaembae, jare nderemimbota rupi opaete mbaembae oiko jare oyeapo.”