JEREMÍAS 51:13 - Biblia Guarani Tumpa Iñee

¹³ Nde, Babilonia, ɨ̈aka reta ipäu pegua, jare jeta ndembaeyekou vae. ¡Oväe ma ndeve ndeapɨ vaerä! ¡Oväe ma iyapɨ vaerä ndembaepotarai!

JEREMÍAS 51:13 ပူးပေါင်းရင်းမြစ်များ

GÉNESIS 6:13

Jayave Tumpa jei Noé pe: “Ayemongeta opa amokañɨtei vaerä kuimbae reta, echa jae reta jeko pegua opa teko kavi oikomegua. Jáeramo añave opata amokañɨtei kuae ɨvɨ kuimbae reta ndive.

SALMOS 137:1

Ɨ̈aka Babilonia pegua jembeɨ pe roguapɨ yepi, jare royaeo yepi oremaendúa yave Sión re.

ISAÍAS 43:14

YandeYa, Tumpa Iyoambae Israel pegua, jae peReepɨ vae jei, körai: “Pogüɨroasayepe vaerä amondota jeta vae, oporepeña vaerä Babilonia re, oipea reta vaerä öke reta, jare opaete jókuae Caldeaɨgua reta, ibarco re oyerovia reta vae otekuaraita.

ISAÍAS 45:3

Che ameeta ndeve opaete mbaembae jepɨ vae, oñeomi oï vae, oyekuaambaea pe oñeomi oï vae, reikuaa vaerä, che ko jae ndeYa Israel iTumpa, che ko roenɨi nderee pe vae.

ISAÍAS 57:17

Israel iñemuña reta iyoa jeko pegua chearasɨ, aiporarauka chupe jare ayerova chugüi reta; ërei jeiete oyembopɨapochɨ reta, jare oyapo reta ipɨa jemimbota.

JEREMÍAS 17:11

Jupimbae reve oyemboikokatu vae, inambu güɨroaiño ïru jupía vae rami ko. Oeyata ko güɨramoiño, ndei indechi mbove, jare yarakuaambae opɨtata kuri.

JEREMÍAS 50:27

¡Opaetei peyuka isundaro reta, peraja mbaeyukaa pe rami! ¡Paravete! ¡Oväe ma iara, oiporara yae reta vaerä!

JEREMÍAS 50:31

YandeYa Imbaepuere yae ete vae jei: “Tëta guasu ipɨayemboete vae, che ayemboyovaicho ndekotɨ; oväe ara, reiporara yae vaerä.

JEREMÍAS 50:37

¡Ou ñeraro ikavayu regua reta pe jare ikäretou pegua reta pe! ¡Ou ñeraro opaete sundaro reta omboepɨ imborɨarä vae reta pe, ërei kuñaecha opɨta retata! ¡Ou ñeraro imbaembae reta jepɨ vae pe, topɨ̈ro chugüi reta!

JEREMÍAS 51:36

YandeYa jei: “Che ayapota ndeve jupi vae, aiporaraukata nderovaicho reta pe. Opaeteita ambondɨpa Babilonia güi ɨ̈aka reta jare ɨesaɨ reta.

LAMENTACIONES 4:18

Orepïaro reta opaete oreguataa rupi; mbaetɨ orepuere roë kaye pe. Oväe ma oreapɨ vaerä, oväe ma ara, ¡oväe ma oreapɨ vaerä!

DANIEL 5:26

Kuae ñee MENE oipota jei: Tumpa oipapa ma ndeporookuaía, jare oñono ma iyapɨ vaerä.

AMÓS 8:2

Jare oparandu cheve: —¿Mbae pa reecha Amós? Che jae chupe: —Metei kanata temitɨ ia yagüɨyegüe. Jare yandeYa jei cheve: —Ou ma oväe ara iyapɨ, Israel tëta chembae vae re; mbaetɨta ma aropɨa chupe.

1 Pedro 4:7

Ërei oyearo ma opaete mbaembae reta iyapɨ vaerä. Jáeramo peyeandu katu jare peyerure avei pekueraimbae reve.

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.

Apocalipsis 17:1

Jayave jókuae chiu araɨgua reta chiu kopa güɨnoi vae reta güi metei ou jei cheve: “Eyu kuae pe. Aechaukata ndeve kërai oñejäauka jókuae kuña iyaguasa pota vae ɨ reta re oguapɨ oï vae.

Apocalipsis 17:15

Jei vi cheve: “Ɨ reta re reecha jókuae kuña iyaguasa pota vae oguapɨ oï vae, oyembojaanga ko tëta reta, jeta yae vae reta, tëtaguasu reta jare ñee ambuae mbuae vae reta re.

Apocalipsis 18:19

Jare oñono reta ɨvɨkúi iñäka re osapúkai reve oyaeo reve jare oapïro reve jei reta: “Paravete tëta guasu, imbaembae pe oyemboikokatu barco iya reta. ¡Echa iparanoe opa oyemboai!