JEREMÍAS 51:12 - Biblia Guarani Tumpa Iñee

¹² ¡Peupi bandera peporepeña vaerä Babilonia ikësea re! ¡Pemoïru omaeäro vae reta! ¡Peñono kavi oporoäro vae reta! ¡Peñemi kavi pekätɨro! Echa yandeYa ombopota iyemongeta reta omoërakua Babilonia pegua reta kotɨ vae.

JEREMÍAS 51:12 ပူးပေါင်းရင်းမြစ်များ

PROVERBIOS 21:30

YandeYa kotɨ mbaetɨ oime arakuaa, arakuaa katu ani yemboarakuaa.

ISAÍAS 11:12

Omopüata bandera opaete tëtaguasu reta peguarä, omboatɨta peɨvɨ Israel güi oyemombogüe reta, omboatɨta Judá pegua reta opa oñemoai ñogüɨnoi mombɨrɨ ara igüɨ kotɨ rupi vae.

ISAÍAS 13:2

“¡Peupi bandera ñeraro pegua metei ɨvɨtɨ jaambae re! ¡Pesapúkai sundaro reta! ¡Peupi pepo chupe reta, oike reta vaerä, mburuvicha reta jöke rupi!

JEREMÍAS 23:20

Ngaraa osɨrɨ yandeYa iyarasɨ, oyeapo regua jae oyapota vae, oyapo regua jae ipɨa pe oyemongeta vae. Oväeta ara peikuaa kavi vaerä kuae mbaembae reta.

JEREMÍAS 4:28

Ɨvɨ jare ara ipɨatɨtɨ yaeta. Echa jae ma ko, ngaraa ma aipoepɨ cheyemongeta; ayapo ma, ngaraa ma aja ye cheraɨkue kotɨ.

JEREMÍAS 50:2

“Emoërakua kuae, tëtaguasu reta rupi, eikuaauka chupe reta. Emopüa bandera remokañɨmaa vaerä ñemoñee, agüɨye nekïriiño epɨta. Ere: ‘¡Babilonia oñepɨ̈ro! ¡Tumpa-raanga Bel opɨta ñemomarai pe, tumpa-raanga Merodac opa oyemboai! ¡Itumpa-raanga añetembae, opa oyemboai!’

JEREMÍAS 50:25

YandeYa oipea jembiporu ñeraro pegua jɨru, jare güɨnoe jembiporu iyarasɨ pegua, echa yandeYa Imbaepuere yae ete vae oimeta maratu oyapo Caldeaɨgua reta jëtaguasu.

JEREMÍAS 51:11

¡Peyapo katu peruvɨ reta! ¡Peyokua kavi yeopiaka reta peyɨva re! YandeYa omokɨ̈reɨ mburuvicha guasu reta Media pegua; echa omboaita Babilonia, jae kuae yandeYa iara oiporarauka vaerä, itupao pe oyapo vae re.

JEREMÍAS 51:27

¡Peupi bandera ñeraro pegua tëtaguasu pe! ¡Pemoñee mimbɨguasu, toyeapo katu tëtaguasu reta oporepeña vaerä Babilonia re! ¡Pepüa ikotɨ mborookuaía reta Ararat pegua, Mini pegua jare Askenaz pegua! ¡Pembojee metei sundaro ruvicha oporogüɨraja vaerä ñeraro pe! ¡Pemondo tenonde kavayu regua reta, tuku reta pochɨ yae vae rami!

JEREMÍAS 51:29

Ɨvɨ okana jare orɨrɨi, echa yandeYa ombopo oï iyemongeta oeya vaerä ipombae Babilonia, mbaetɨ yeta kia oiko pɨpe.

LAMENTACIONES 2:17

YandeYa jei oyapo vaerä vae, oyapo; ombopo iñee, jókuae arakae güive ma jei oiko vaerä vae; oporomboai iñɨ̈rombae reve; omaeño nderovaicho reta ndeyóyai yóyai vaerä, jare omee nderovaicho reta imbaepuere yae vaerä.

JOEL 3:2

amboatɨta opaete tëtaguasu reta, aruta ɨvɨtɨ päu ipe kavi vae pe, Josafat jee vae pe, Israel, tëta chembae vae jeko pegua. Jae reta opa omoai moai tëtaguasu reta rupi, jare omboyao reta iyeupe ɨvɨ chembae.

NAHUM 2:1

Nínive, oporomboai vae oporepeña ndekotɨ. ¡Eñono neraroa nekësea re! ¡Emae tape re! ¡Eñono ndekúa re kɨsepuku! ¡Emboatɨ ndemborɨa reta!

JOSUÉ 8:14

Mburuvicha guasu Hai pegua oikuaa kuae regua yave, ndeimboveasɨ jaɨai oë joko pegua reta ndive oñeraro vaerä Israel iñemuña reta ndive, ɨvɨtɨ päu ipe kavi vae Arabá pe, oikuaambae reve tëta ikupe kotɨ oime ɨ̈ru Israel iñemuña reta oñemi kavi okätɨro ñogüɨnoi vae.