JEREMÍAS 51:11 - Biblia Guarani Tumpa Iñee

¹¹ ¡Peyapo katu peruvɨ reta! ¡Peyokua kavi yeopiaka reta peyɨva re! YandeYa omokɨ̈reɨ mburuvicha guasu reta Media pegua; echa omboaita Babilonia, jae kuae yandeYa iara oiporarauka vaerä, itupao pe oyapo vae re.

JEREMÍAS 51:11 ပူးပေါင်းရင်းမြစ်များ

1 REYES 11:14

Jare yandeYa omee oime vaerä tovaicho Salomón pe: Hadad, Edom iñemuña pegua, jae ko mburuvicha Edom pegua.

1 REYES 11:23

Jaeramiño vi, Tumpa omee Rezón pe oñemopüa vaerä Salomón kotɨ. Rezón jae ko Eliada taɨ, jae ko otekuarai iya Hadad-ezer güi vae. Hadad-ezer ko mburuvicha guasu Soba pegua.

1 CRÓNICAS 5:26

Jókuae jeko pegua, Israel iTumpa ombopɨa-kɨ̈reɨ Pul, mburuvicha guasu Asiria pegua, jae ko Tiglat-pileser, jae opa güɨnoe Rubén iñemuña reta jare Gad iñemuña reta jare Manasés iñemuña reta oyemboyaogüe iɨvɨ güi; jare opa güɨraja reta Halah pe, Habor, Hara jare ɨ̈aka Gozán pe, añave yogüɨrekoa pe.

2 CRÓNICAS 36:22

Jare tenondegua año Ciro omboɨpɨ oï mburuvicha guasurä Persia pe yave, oyembopo vaerä yandeYa iñee Jeremías rupi omombeu vae, yandeYa oñono Ciro mburuvicha guasu Persia pegua ipɨa pe omoërakuauka vaerä mborookuai ñee rupi jare tupapire rupi opaete iporookuaía rupi, kuae mborookuai:

ESDRAS 1:1

Tenondegua año Ciro omboɨpɨ oï mburuvicha guasurä Persia pe yave, oyembopo vaerä yandeYa iñee Jeremías rupi omombeu vae. YandeYa oñono Ciro mburuvicha guasu Persia pegua ipɨa pe omoërakuauka vaerä mborookuai ñee rupi jare tupapire rupi opaete iporookuaía rupi, jei reve:

ISAÍAS 10:26

Che peYa Imbaepuere yae ete vae ainupata Madián pegua reta ayuka ɨvɨtɨ Oreb pe rami; chembaepuere amboyekuaata Asiria re, Egipto re amboyekuaa rami.

ISAÍAS 21:2

Yavaete ko, Tumpa oechauka cheve vae: Omaepɨ̈ro vae, omaepɨ̈ro; oporomboai vae, ombaemboai. ¡Pepüa, ɨvɨ Elam pegua reta! ¡Peporepeña, Media pegua reta! ¡Jäse vae reta amokïrii ma!

ISAÍAS 21:5

Mesa oñono reta ma, jendarä oipɨso reta ma asoya, okaru reta, okau reta. ¡Peyemboɨ, mburuvicha reta, peyapo kavi peyeopiaka reta!

ISAÍAS 41:25

Ɨvɨtuguasu kotɨ amopüa metei kuimbae, jare outa; kuaraɨ oëa kotɨ güi aenɨita. Opɨ̈rota mburuvicha reta re tuyuapo re rami, oñaeu-apo vae opɨ̈ro ñaeu re rami.

ISAÍAS 45:1

YandeYa jei jembiparavo Ciro kotɨ. Che ko aipoko araja ipo pe, opaete tëtaguasu reta oñemomichi vaerä jae jeia re, mburuvicha guasu reta re güɨnoi vaerä mbaepuere. Che peYa aipeata öke reta Ciro japerä pe, ngaraa kia ipuere oyokenda chugüi. Jei ye vi chupe:

ISAÍAS 45:5

Cheño ko jae opaete vae iYa, mbaetɨ yé ko ïru; mbaetɨ yé ko ïru Tumpa chegüi. Che ko amee mbaepuere ndeve ñeraro peguarä, yepe tëi nde mbaetɨ chekuaa.

ISAÍAS 46:11

Kuaraɨ oëa kotɨ güi aenɨi metei güɨraké rami vae, matɨ güi outa metei kuimbae aiparavo vae, outa oyapo ayemongeta ayapo vaerä vae. Jae vae, ayapota ko, ayemongeta ayapo vaerä vae, ambopota ko.

JEREMÍAS 25:25

opaete mburuvicha guasu reta Zimri pegua, Elam jare Media pegua reta;

JEREMÍAS 46:3

“¡Peyapo kavi yeopiaka reta! ¡Jare pekua ñeraroa pe!

JEREMÍAS 46:4

¡Peyokua kavayu reta! ¡Kavayu regua reta, pepo jese! ¡Peñono äka-regua peäka re jare peñesɨro! ¡Pemboakuarovi mii reta! ¡Pemonde perete regua temimonde ñeraro pegua!

JEREMÍAS 46:9

¡Kavayu regua reta toë tenonde! ¡Toë vi käretou ñeraro pegua reta! ¡Ñeraro regua reta tomboɨpɨ vi toguata; sundaro reta Etiopíaɨgua jare Put pegua reta, iyeopiaka reve reve; sundaro reta Lud pegua reta oikatu yae uvɨ ojäa vae!

JEREMÍAS 50:25

YandeYa oipea jembiporu ñeraro pegua jɨru, jare güɨnoe jembiporu iyarasɨ pegua, echa yandeYa Imbaepuere yae ete vae oimeta maratu oyapo Caldeaɨgua reta jëtaguasu.

JEREMÍAS 50:3

Echa ɨvɨtuguasu kotɨ güi metei tëtaguasu oporepeña jese, jae oeyata jëtaguasu ipombae. Mbaetɨ eteita, kuimbae ani mɨmba yepe oiko pɨpe, echa opaeteita otekuarai.”

JEREMÍAS 50:45

Peyeapɨsaka kërai che peYa ayemongeta Babilonia kotɨ vae re; Caldeaɨgua reta iɨvɨ regua yemongeta ayapo vae: Vecha raɨ ave güɨraja retata, jare kapiirupa opata oyemboai.

JEREMÍAS 50:9

Echa ɨvɨtuguasu kotɨgua tëta reta jeta yae jare imbaepuere yae vae amopüa oporepeña vaerä Babilonia re. Oyeapo katu yae reta jëta peve jare opɨ̈ro retata. Isundaro reta ikuaakatu yae reta, ojäa uvɨ oyavɨmbae reve.

JEREMÍAS 51:12

¡Peupi bandera peporepeña vaerä Babilonia ikësea re! ¡Pemoïru omaeäro vae reta! ¡Peñono kavi oporoäro vae reta! ¡Peñemi kavi pekätɨro! Echa yandeYa ombopota iyemongeta reta omoërakua Babilonia pegua reta kotɨ vae.

JEREMÍAS 51:24

Ërei perovake amboepɨukata Babilonia pe, opaete Caldeaɨgua reta pe, ikavimbae oyapo reta Sión pe vae re. Che peYa ko jae kuae.

JEREMÍAS 51:36

YandeYa jei: “Che ayapota ndeve jupi vae, aiporaraukata nderovaicho reta pe. Opaeteita ambondɨpa Babilonia güi ɨ̈aka reta jare ɨesaɨ reta.

DANIEL 5:30

Jókuae pɨ̈tu voi oyeyukauka Belsasar, Caldeaɨgua reta juvicha guasu.

JOEL 3:10

Toyapo reta kɨsepuku iäsarou güi, jare jembiporu hoz güi toyapo reta mii; jëiambae tei: “¡Jëia vae ko che!”

JOEL 3:9

Pemoërakua kuae tëtaguasu reta pe: ¡Pemoërakua ñeraro! ¡Pemombarandu jëia vae reta! ¡Toyogüeru opaete kuimbae ñeraro regua reta!

LEVÍTICO 26:25

Ambouta peve ñeraro, ayepɨ vaerä mbaetɨ ramo perovia cheporogüɨrökuavee päve re, jare peeka yave perëta guasu rupi ñepɨ̈roka, che amondota mbaerasɨ ovakatu vae pepɨte pe, jare peñemoamɨriukata perovaicho reta pe.

ZACARÍAS 14:12

Kuae jae yandeYa iporonupa oyuka vaerä opaete tëta reta oñeraro Jerusalén ndive vae: Jae reta ipire ichuumbita iyemboɨ reve jare jesa reta ichuumbita jesakua pe, jare ikü ichuumbita iyuru pe.

ZACARÍAS 14:2

Echa che amboatɨta opaete tëtaguasu reta oñeraro vaerä Jerusalén ndive jare opɨ̈rota tëta, omboaita o reta, jare kuña reta re oyuvangata: Jare tëta mbɨte rupi oyererajata tembipɨɨrä, jaeño mbovɨ opɨtata.