JEREMÍAS 51:10 - Biblia Guarani Tumpa Iñee

¹⁰ YandeYa omboyekuaa jupi vae yandeve. Peyu, yaja ñanemiari Sión pe yandeYa Tumpa oyapogüe re.

JEREMÍAS 51:10 ပူးပေါင်းရင်းမြစ်များ

SALMOS 118:17

¡Ngaraa amano, aikoveta ko, amoërakua vaerä yandeYa oyapogüe reta!

SALMOS 37:6

Omboyekuaata jupi rupi reiko vae tembipe rami, jare ndereko kavi ara mbɨte pe ma kuaraɨ rami.

SALMOS 64:9

Jayave opaete kuimbae reta oipoɨuta, oikuaa retata Tumpa oyapogüe, jare omoërakua retata.

SALMOS 66:16

¡Peyu, opaete Tumpa güi peipoɨu vae reta! ¡Peyeapɨsaka, amombeuta peve mbae oyapo cheveguarä vae!

SALMOS 9:14

Chemiari vaerä ndeño ipuere ndemboete vae. Tëta guasu Sión jöke pe amoërakuata. Ayerovia, echa nde chereroasayepe.

ISAÍAS 24:14

Omomaragüe reta osapukaita oyerovia reve, kuaraɨ oikea kotɨ güi otairari retata, oecha reta yave yandeYa imbaepuere, tuicha yae ko vae.

ISAÍAS 40:2

pemiari kavi mboroaɨu ndive Jerusalén ndive; pesapúkai reve pere chupe, kërai oiporara vae iyapɨta ma, iyoa re cheɨ̈ro ma chupe; echa aiporarauka yae ma chupe reta, opaete iyoa reta re.”

ISAÍAS 51:11

Añetete, yandeYa oyoragüe reta oyerova yeta, otairari reve oyerova reta yeta Sión kotɨ; jova, oyerovia katu avei retata; ovɨa jare oyerovia katu retata, mbaeporara jare yaeo opata okañɨ.

JEREMÍAS 50:28

Babilonia güi otekuaraigüe reta yogüeru oväe Sión pe vae imiari, kërai yandeYa Tumpa oiporarauka Babilonia pe, itupao pe oyapogüe re.

JEREMÍAS 50:45

Peyeapɨsaka kërai che peYa ayemongeta Babilonia kotɨ vae re; Caldeaɨgua reta iɨvɨ regua yemongeta ayapo vae: Vecha raɨ ave güɨraja retata, jare kapiirupa opata oyemboai.