JEREMÍAS 50:9 - Biblia Guarani Tumpa Iñee

⁹ Echa ɨvɨtuguasu kotɨgua tëta reta jeta yae jare imbaepuere yae vae amopüa oporepeña vaerä Babilonia re. Oyeapo katu yae reta jëta peve jare opɨ̈ro retata. Isundaro reta ikuaakatu yae reta, ojäa uvɨ oyavɨmbae reve.

JEREMÍAS 50:9 ပူးပေါင်းရင်းမြစ်များ

2 SAMUEL 1:22

Saúl jare Jonatán ikɨsepuku ani juvɨ reta mbaetɨi güɨroyerova reta ye yepi omopöembae reve ñeraro regua reta jugüɨgüe pe.

CANTARES 3:8

opareve güɨnoi kɨsepuku, jare ipoki yae oñeraro reta vae; metei ñavo ikúa re güɨraja ikɨsepuku, pɨ̈tu yave oime pegua mbae.

ISAÍAS 21:2

Yavaete ko, Tumpa oechauka cheve vae: Omaepɨ̈ro vae, omaepɨ̈ro; oporomboai vae, ombaemboai. ¡Pepüa, ɨvɨ Elam pegua reta! ¡Peporepeña, Media pegua reta! ¡Jäse vae reta amokïrii ma!

ISAÍAS 41:25

Ɨvɨtuguasu kotɨ amopüa metei kuimbae, jare outa; kuaraɨ oëa kotɨ güi aenɨita. Opɨ̈rota mburuvicha reta re tuyuapo re rami, oñaeu-apo vae opɨ̈ro ñaeu re rami.

JEREMÍAS 15:14

Roapoukata nderovaicho reta jembiokuairä, ɨvɨ nde reikuaambaea pe, echa chearasɨ oyepota, tata rami opata nemokañɨtei.”

JEREMÍAS 25:14

Tëtaguasu reta tuichagüe jare mburuvicha guasu reta imbaepuere yae vae ipo pe oa retata vi Caldeaɨgua reta. Jökorai aiporaraukata chupe reta jeko reta oï rupi.’ ”

JEREMÍAS 25:26

opaete mburuvicha guasu ɨvɨtuguasu kotɨgua, köiño vae ani mombɨrɨ yogüɨreko oyougüi vae. Opaete mborookuaía reta ɨvɨ pegua. Jare taɨkue ete oɨuta jese mburuvicha guasu Babilonia pegua.

JEREMÍAS 50:14

¡Uvɨ regua reta, peñeñono kavi, peimama Babilonia! ¡Opaetei peruvɨ reta pemondo ikotɨ, echa iyoa reta chekotɨ!

JEREMÍAS 50:21

¡Peporepeña ɨvɨ Merataim re, jare Pecod pegua reta re! ¡Pemoña jare opaetei peyuka! ¡Peyapo opaete che poyókuai vae! Che peYa ko jae kuae.

JEREMÍAS 50:26

Babilonia jovaicho reta, ¡peporepeña jese oipota rupi güi! ¡Peipea iyavatío reta! ¡Peyomboatɨ jese jeta vae jare opa pemboai! ¡Agüɨye etei mbae ave topɨta!

JEREMÍAS 50:29

¡Pemboatɨ opaete uvɨ oikatu ojäa vae reta, oporepeña reta vaerä Babilonia re! ¡Peyembojeyupa opaetei tëta guasu ikupe rupi, agüɨye etei vaerä metei ave oasayepe! ¡Peiporarauka chupe reta, jeko reta oï rupi! ¡Peyapo chupe reta, jae reta oporoapo rami! Echa jae reta ipɨapochɨ chekotɨ, che Tumpa, iYoambae Israel pegua kotɨ.

JEREMÍAS 50:3

Echa ɨvɨtuguasu kotɨ güi metei tëtaguasu oporepeña jese, jae oeyata jëtaguasu ipombae. Mbaetɨ eteita, kuimbae ani mɨmba yepe oiko pɨpe, echa opaeteita otekuarai.”

JEREMÍAS 51:11

¡Peyapo katu peruvɨ reta! ¡Peyokua kavi yeopiaka reta peyɨva re! YandeYa omokɨ̈reɨ mburuvicha guasu reta Media pegua; echa omboaita Babilonia, jae kuae yandeYa iara oiporarauka vaerä, itupao pe oyapo vae re.