JEREMÍAS 50:42 - Biblia Guarani Tumpa Iñee

⁴² Jembiporu reta ñeraro pegua uvɨ jare mii; ipɨa-pïrimbae reta ko jare mbaetɨ etei oporoparareko reta; isapúkai reta ɨguasu jɨapu rami, opo reta yogüeru kavayu re; oïndaivi oñoraro reta vaerä Babilonia pegua reta ndive.

JEREMÍAS 50:42 ပူးပေါင်းရင်းမြစ်များ

SALMOS 46:6

Jäsémbai tëtaguasu pegua reta, orɨrɨi mborookuaía reta, iñee omoë yave, ɨvɨ opa tɨkui.

SALMOS 74:20

¡Nemaendúa neporogüɨrökuavee päve re, echa kuae ɨvɨ tɨnɨe oï tekorai pe!

ISAÍAS 14:6

tëtaguasu reta pe oiporarauka yepi iyarasɨ reve vae, oinupa avei yepi vae, iyarasɨ reve oyokuaiasɨ katu yepi tëtaguasu reta vae, oyapo yepi jeta ikavimbae chupe reta vae ipïrimbae reve vae.

ISAÍAS 47:1

“Babilonia, nde Caldeaɨgua kuñatai ndei kuimbae ndive oasa vae rami, egüeyɨ jare eguapɨ ɨvɨkúi re; mbaetɨta ma reguapɨ mburuvicha iguapɨa pe. Eguapɨ ɨvɨ re, echa ngaraa ye ma jei reta ndeve: Ipöra yae vae.

ISAÍAS 47:6

Chearasɨ yae tëta chembae vae kotɨ yave, amee ñemomarai pe, jare amaeño oa ndepo pe. Nde mbaetɨ reiparareko, ndechi reta pe ave täta reiporarauka.

ISAÍAS 5:28

Juvɨ reta jakuaroviasɨta, igüɨrapa oñemoataasɨta, ikavayu reta ipɨ ita ramita täta, ikäretou reta iruera kusumirou ramita;

ISAÍAS 5:30

Jare ou oväe jókuae ara yave, jókuae tëtaguasu jɨaputa ɨguasu rami oporepeña Israel kotɨ; jare kia omae yave Israel re oechata pɨtumimbi oñova amapɨtu pɨtumimbi vae.

JEREMÍAS 30:14

Opaete pepotase vae iñakañɨ pegüi; mbaetɨ ma oyemoambeko reta peré. Che ko pombopere, tovaicho ombopere jovaicho rami, aiporarauka ete kavi peve, jeta ikavimbae peyapo jeko pegua, jare peyoa jeta yae jeko pegua.

JEREMÍAS 47:3

Oendu yave kavayu reta ipɨ oyeendu, käretou reta ñeraro pegua opärara, jare iruera reta jɨapu, opaete kuimbae reta mbaetɨ oyangareko imichia reta re, echa opaetei ipɨa jëogüe reta.

JEREMÍAS 50:14

¡Uvɨ regua reta, peñeñono kavi, peimama Babilonia! ¡Opaetei peruvɨ reta pemondo ikotɨ, echa iyoa reta chekotɨ!

JEREMÍAS 50:9

Echa ɨvɨtuguasu kotɨgua tëta reta jeta yae jare imbaepuere yae vae amopüa oporepeña vaerä Babilonia re. Oyeapo katu yae reta jëta peve jare opɨ̈ro retata. Isundaro reta ikuaakatu yae reta, ojäa uvɨ oyavɨmbae reve.

JEREMÍAS 51:27

¡Peupi bandera ñeraro pegua tëtaguasu pe! ¡Pemoñee mimbɨguasu, toyeapo katu tëtaguasu reta oporepeña vaerä Babilonia re! ¡Pepüa ikotɨ mborookuaía reta Ararat pegua, Mini pegua jare Askenaz pegua! ¡Pembojee metei sundaro ruvicha oporogüɨraja vaerä ñeraro pe! ¡Pemondo tenonde kavayu regua reta, tuku reta pochɨ yae vae rami!

JEREMÍAS 8:16

¡Ou ma tovaicho! ¡Dan peve oyeendu ma ikavayu reta iñäpɨgua omoñee vae! Ikavayu reta iñee pe, omokana opaete ɨvɨ. Yogüeru omboai vaerä ɨvɨ jare opaete pɨpegua, tëta guasu reta jare opaete yogüɨreko pɨpe vae.”

EZEQUIEL 26:3

Jáeramo che ndeYa Tumpa jae körai: Tiro, che ayovaicho nde ndive. Amopüata ndekotɨ jeta tëtaguasu reta ïru ɨvɨ pegua, ɨguasu omopüa iɨaparúa rami.

JOEL 2:5

Käretou ñeraro pegua opärara vae rami osɨi reta ɨvɨtɨ guasu iyapɨte rupi, ɨvɨra joogüe opiriri ókai tata pe rami, sundaro jeta yae vae oyupavo kavi oñeraro vaerä vae rami.

Santiago 2:13

Echa kia mbaetɨ oiparareko japicha vae, Tumpa ojäata oipararekombae reve; ërei oporoparareko vae mbaetɨta oñejäa.

Apocalipsis 16:6

echa jae reta oyuka oporogüɨrovia vae reta jare ñeemombeúa reta, jáeramo remee vi jou reta tugüɨ. ¡Echa jupi ko jökorai vaerä!”