JEREMÍAS 50:4 - Biblia Guarani Tumpa Iñee

⁴ YandeYa jei: “Jókuae ara Israel jare Judá pegua reta yogüeruta oyaeo reve chereeka, che iYa Tumpa.

JEREMÍAS 50:4 ပူးပေါင်းရင်းမြစ်များ

2 CRÓNICAS 7:14

ërei chembae vae reta, jese reta cheree oyemboeteuka vae oñemomichi reve oyerure reta chereeka yave, jare oyepoepɨ reta jeko ikavimbae güi yave, che aenduta iyerure reta ara güi jare cheɨ̈rota chupe reta iyoa re, jare iɨvɨ pe oime yeta jeta mbaembae.

SALMOS 105:4

Peeka yandeYa jare imbaepuere; peeka avei yandeYa.

ISAÍAS 14:1

YandeYa oipararekota Jacob iñemuña reta. Jekuae oyapo yeta imbaerä Israel iñemuña reta, güeru yeta oñono reta vaerä iɨvɨ ae pe. Ketɨgua reta oyemboyata jese reta, oñemoïruta Jacob iñemuña reta ndive.

ISAÍAS 45:19

Che mbaetɨ ko chemiari vɨari, mbaetɨ ko cheñee amoë pɨtumimbía güi. Mbaetɨ jae Jacob iñemuña reta pe: ‘Chereeka, mbaetɨ kia oïa pe.’ Che peYa ko, chemiari jupi rupi jare isɨmbi rupi vae.

ISAÍAS 55:6

“Eeka yandeYa ipuere oñeväe ramboeve, eenɨi köi oï ramboeve.

ISAÍAS 63:4

Echa ayepɨ vaerä iara, oime areko chepɨa pe; oväe ma año aepɨ vaerä chembae vae reta.

JEREMÍAS 31:31

YandeYa jei: “Mase, oväeta ara ayapo vaerä morogüɨrökuavee päve ipɨau vae Israel pegua reta jare Judá pegua reta ndive.

JEREMÍAS 33:15

Jókuae ara rupi amopüata David iñemuña güi metei jupi vae, jae oyapota morojäa jare jupi vae kuae tëtaguasu pe.

JEREMÍAS 41:6

Jayave Ismael, Netanías taɨ oë oövaiti Mizpa güi oyaeo reve ojo tape rupi. Oövaiti ma yave jei chupe reta: —Peyu pemae Gedalías, Ahicam taɨ re.

EZEQUIEL 16:61

Jare nemaenduata jókuae ikavimbae reyapogüe re jare nemarata chugüi, reipɨɨ ma yave nemembɨ retarä nderɨke reta jare ndepɨkɨɨ reta; ërei mbaetɨ morogüɨrökuavee päve jeko pegua.

EZEQUIEL 39:25

Jáeramo che peYa Tumpa jae körai: Añave ayuta amborɨ Jacob iñemuña reta tembipɨɨrä ñogüɨnoi vae, aipararekota opaete Israel iñemuña reta, cherägüɨro reve aechaukata cheree ikɨambae vae.

OSEAS 1:11

Jayave oyomboatɨta Judá jare Israel pegua reta, jare oiparavo retata meteiño mburuvicha, jare ketɨ ketɨ güi oyerova reta yeta iɨvɨ pe. ¡Echa Jezreel iara ikavi yaeta ko!

OSEAS 11:10

Jae reta oguatata yandeYa jaɨkue, jare jae oñeeta yaguapope rami. Oñeeta, jare imbae vae reta yogüeruta orɨrɨi reve kuaraɨ oikea kotɨ güi.

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

OSEAS 6:1

Peyu jare yayerova ye yandeYa kotɨ; echa jae yandemboai, ërei jae ñaneñono kavi yeta, jae yandembopere, ërei jae ñanepoanota.

JOEL 2:12

YandeYa jei: “Jáeramo añave peyerova ye chekotɨ opaete pepɨa ndive, ¡peyekuaku tembíu güi, peräse jare peyaeo!”

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

Santiago 4:9

Pepɨatɨtɨ jare peyaeo. Pepuka toyepoepɨ yaeo pe, peyerovia toyepoepɨ mbɨatɨtɨ pe.