JEREMÍAS 50:38 - Biblia Guarani Tumpa Iñee

³⁸ ¡Titɨpa iɨ̈aka reta; opa totini chugüi reta! Echa Babilonia jae ko tëtaguasu itumpa-raanga pota yae vae, jókuae rupi oyembopɨajopa reta.

JEREMÍAS 50:38 ပူးပေါင်းရင်းမြစ်များ

GÉNESIS 8:1

Jare Tumpa imaendúa Noé re, jare opaete mbaemɨmba reta jae ndive ñogüɨnoi arca pe vae re. Jare Tumpa ombou ɨvɨtu ɨvɨ iárambo, jare ɨ omboɨpɨ jagüe.

ISAÍAS 44:25

Mbaetɨ amaeño oyembopo vaerä maratuta vae imombeúa reta omombeu vae, amombokere susere oimeta vae imombeúa reta. Yarakuaa katu vae reta iñee amboyopɨndekua oyougüi, opaete iyarakuaa katu arokomegua chugüi reta.

ISAÍAS 44:27

Che chepuere opa omondɨpa ɨguasu jare ɨ̈aka reta.

JEREMÍAS 50:12

Ërei peɨvɨ jare perëta guasu opɨtata ñemomarai pe. Jae ko tëtaguasu reta güi ɨ́vɨkotɨ yaeta opɨta; ipombae, otini jare oasavi etei vae.

JEREMÍAS 50:2

“Emoërakua kuae, tëtaguasu reta rupi, eikuaauka chupe reta. Emopüa bandera remokañɨmaa vaerä ñemoñee, agüɨye nekïriiño epɨta. Ere: ‘¡Babilonia oñepɨ̈ro! ¡Tumpa-raanga Bel opɨta ñemomarai pe, tumpa-raanga Merodac opa oyemboai! ¡Itumpa-raanga añetembae, opa oyemboai!’

JEREMÍAS 51:44

“Tumpa-raanga Bel amboaita Babilonia pe, anoeta iyuru rupi opa omokoigüe; ngaraa ye ma tëtaguasu reta yogüeru ikotɨ. ¡Babilonia ikësea reta osururuta!

JEREMÍAS 51:47

Jáeramo, oväeta ara amboai vaerä tumpa-raanga reta Babilonia pegua, kuae tëtaguasu oñemomaraiukata, jare tɨnɨeta tëogüe reta pe.

JEREMÍAS 51:52

Ërei yandeYa jei: “Oväe ara amboai vaerä tumpa-raanga reta Babilonia pegua, jare opaete iɨvɨ rupi jäseta ipere vae reta.

JEREMÍAS 51:7

Babilonia, kopa oro pegua rami ko chepo pe yepi, ombosavaɨpo opaete ɨvɨ pegua reta vae. Tëtaguasu reta oɨu jókuae vino re, javoi yarakuaambae opɨta reta.

DANIEL 5:4

Jou reta pɨpe vino jare omboete reta itumpa reta oro pegua, korepoti pegua, jiero iyu vae pegua, jiero pegua, ɨvɨra pegua jare ita pegua.

Hechos 17:16

Pablo oäro oï Silas jare Timoteo Atenas pe ramboeve, oecha jókuae tëta guasu pegua reta itumpa-raanga pota yae yave, iyarasɨ.

Apocalipsis 16:12

Jare araɨgua ovaa opɨyere kopa güɨnoi vae ɨ̈aka guasu Éufrates re. Jare tɨpa, oñemokätɨro mburuvicha guasu reta kuaraɨ oëa kotɨgua oasa vaerä.

Apocalipsis 17:5

jare jesɨva re oyekuatía metei tee yaikuaambae, jei körai: “BABILONIA GUASU. JAE KO IYAGUASA POTA VAE RETA ICHƗ JARE MBAE PƗ̈CHƗI ƗVƗ PEGUA.”

JUECES 6:30

—Enoe nderaɨ ikatu pe royuka vaerä. ¡Jae opa omboai Baal pegua mɨmba oyeyuka oyeapɨ jese vae jare oyasɨa Asera iä oï iyɨpɨ pe vae!