JEREMÍAS 50:37 - Biblia Guarani Tumpa Iñee

³⁷ ¡Ou ñeraro ikavayu regua reta pe jare ikäretou pegua reta pe! ¡Ou ñeraro opaete sundaro reta omboepɨ imborɨarä vae reta pe, ërei kuñaecha opɨta retata! ¡Ou ñeraro imbaembae reta jepɨ vae pe, topɨ̈ro chugüi reta!

JEREMÍAS 50:37 ပူးပေါင်းရင်းမြစ်များ

SALMOS 46:9

Omombɨta ñeraro opaete ɨvɨ rupi; omopë güɨrapa reta, oakɨo mii reta, jare, ¡opa oapɨ tata pe käretou ñeraro pegua reta!

SALMOS 76:6

CheRu Tumpa, Jacob iTumpa, nde neñeeäta yave, mbaetɨ ipuere omɨi käretou jare kavayu ave.

ISAÍAS 19:16

Jókuae ara Egiptoɨgua reta, kuña reta ramiñota, okɨɨye retata oecha yave yandeYa Imbaepuere yae ete vae omopüa ipo ikotɨ reta.

ISAÍAS 45:3

Che ameeta ndeve opaete mbaembae jepɨ vae, oñeomi oï vae, oyekuaambaea pe oñeomi oï vae, reikuaa vaerä, che ko jae ndeYa Israel iTumpa, che ko roenɨi nderee pe vae.

JEREMÍAS 25:20

jare opaete joko pe yogüɨreko ïru tëtaguasu pegua reta vae, jare opaete mburuvicha guasu reta ɨvɨ Uz pegua reta jare filisteo reta iɨvɨ pegua: Ascalón, Gaza, Ecrón jare Asdod güi jembɨregüe reta;

JEREMÍAS 25:24

opaete mburuvicha guasu reta Arabia pegua; opaete mburuvicha guasu reta yogüɨreko ñuu rupi vae;

JEREMÍAS 48:41

Tëta guasu reta jare ñepɨ̈roa reta opata oa jovaicho reta ipo pe. Jókuae ara jëia vae reta Moab pegua, orɨrɨita kuña imembɨ oa oï vae rami.

JEREMÍAS 50:10

Omaepɨ̈ro retata Caldeaɨgua reta güi, omaepɨ̈ro retata yangapɨɨ regua. Che peYa ko jae kuae.

JEREMÍAS 50:26

Babilonia jovaicho reta, ¡peporepeña jese oipota rupi güi! ¡Peipea iyavatío reta! ¡Peyomboatɨ jese jeta vae jare opa pemboai! ¡Agüɨye etei mbae ave topɨta!

JEREMÍAS 51:21

Nde rupi amokañɨtei kavayu reta jare kavayu regua reta, käretou ñeraro pegua jare imboguataa reta.

JEREMÍAS 51:22

Nde rupi amokañɨtei kuimbae jare kuña reta, ndechi reta jare taɨrusu vae reta, kunumi reta jare kuñatai reta.

JEREMÍAS 51:30

Sundaro jëia vae reta Babilonia pegua mbaetɨ ma oñoraro, oñepɨ̈ro reta iñemika pe; mbaetɨ ma ipuere reta, kuñaecha opɨta reta. Jo reta opa oyeapɨ, jöke reta imotätaa opa oyeakɨo.

JEREMÍAS 51:4

Opaete Caldeaɨgua reta omanota iɨvɨ pe, oyoata opɨta kaye reta rupi,

EZEQUIEL 30:5

Jókuae ñeraro pe omanota vi sundaro reta Etiopía pegua, jare Fut pegua, Lud pegua, jare opaete Arabia pegua, Libia pegua jare opaete ïru tëtaguasu pegua reta oñemoïru jae ndive vae.

EZEQUIEL 39:20

Jare perɨ̈vɨatata kavayu isoo pe, kavayu regua reta isoo pe jare opaete kuimbae reta ñeraro pegua isoo pe. Che peYa Tumpa jae kuae.

NAHUM 2:13

YandeYa Imbaepuere yae ete vae jei: “Ko añemopüa ndekotɨ: Opata aapɨ nekäretou ñeraro pegua reta, opata ayapo tätatirä; opata ayuka nderaɨ reta; opata amokañɨ maeñomi oime ndeɨvɨ pe vae, jare ngaraa ye ma oyeendu neñee jerajaa reta iñee.”

NAHUM 3:13

Ndesundaro reta kuña katuaiecha; ndeɨvɨ pe yavaiä etei oike nderovaicho; tata opa omboai neröke reta reyeokenda reï pɨpe vae.

HAGEO 2:22

opata arokomegua mburuvicha guasu reta iguapɨa mborookuaía pegua jare amboaita tëtaguasu rupi mburuvicha guasu reta imbaepuere; amboyaparata käretou reta pɨpe oguata vae reta ndive jare opata kavayu reta oyepɨaka opo jese vae reta ndive, metei vae ñavo omanota jëtara ikɨsepuku pe.