JEREMÍAS 50:32 - Biblia Guarani Tumpa Iñee

³² Tëtaguasu ipɨayemboete vae, nepɨ̈sa-yeyukata jare regüɨapita, jare mbaetɨta kia nemopüa vaerä. Ayatapɨta opaete nerëta guasu reta re, jare jókuae tata omboaita opaete ndeɨvɨrigua.”

JEREMÍAS 50:32 ပူးပေါင်းရင်းမြစ်များ

SALMOS 119:78

Ipɨapochɨ vae reta toñemomaraiuka, echa cherekombae reve imiari kaviä reta chekotɨ, ërei che, ayemongetata ndeporookuai reta reño.

PROVERBIOS 16:18

Oime susere, pɨ ayembotuich oime ramo; oime tembiporara, pɨayemboete oime ramo.

PROVERBIOS 18:12

Ndei susere mbove, oime pɨayembotuicha; ndei oime yemboete mbove, oime susere.

JEREMÍAS 21:14

Che aiporaraukata peve pereko reta oï rupi; amboyepotata tata kaa reta re, jare jókuae tata omboaita opaete peɨ́vɨri ñogüɨnoi vae reta. Che ndeYa ko jae kuae.’ ”

JEREMÍAS 49:27

Ayatapɨta Damasco ikësea re, jare jókuae tata oapɨta Ben-adad jo reta.”

JEREMÍAS 51:26

Metei ave ndeita osururugüe mbaetɨta osirive o iguapɨkarä, echa ipombae opɨtata jekuae avei pegua. Che peYa ko jae kuae.

JEREMÍAS 51:64

jare ere: ‘Köraita Babilonia ojo ɨ́vɨkotɨ, jare ngaraa ye ma opüa yandeYa ombouta omboai vae güi.’ ” Kuae pe Jeremías iñee reta iyapɨ.

DANIEL 5:20

Ërei oyembopɨapochɨ jare ipɨa omotäta oyemboete reve yave, oñerenoeuka oyemombo iporookuaía güi jare oyemombouka iyemboetea güi.

AMÓS 1:10

Jáeramo Tiro ikësea re amoendɨta tata, jare jókuae tata opata oapɨ mburuvicha guasu jo kavi reta.”

AMÓS 1:12

Jáeramo tëta Temán re amoendɨta tata, jare jókuae tata opata oapɨ mburuvicha guasu jo kavi reta tëta Bosra pe.”

AMÓS 1:14

Jáeramo tëta Rabá ikësea re amoendɨta tata, jare jókuae opata oapɨ mburuvicha guasu jo kavi reta, jɨapu reve, ñeraro iara pe jare mbaesusere iara pe.

AMÓS 1:4

Jáeramo mburuvicha Hazael jo re amoendɨta tata, jókuae tata opata oapɨ mburuvicha guasu Ben-adad jo kavi reta.

AMÓS 1:7

Jáeramo Gaza ikësea re amoendɨta tata jare jókuae tata opata oapɨ mburuvicha guasu jo kavi reta.

AMÓS 2:2

Jáeramo ɨvɨ Moab re amoendɨta tata, jare jókuae tata opata oapɨ mburuvicha guasu jo kavi reta tëta Queriot pe; jare ɨvɨ Moab pegua reta omanota jäsémbai reve, mimbɨguasu ñeraro pegua oñee vae iyavei.

AMÓS 2:5

Jáeramo Judá re amoendɨta tata, jare jókuae tata opata oapɨ mburuvicha guasu jo kavi reta Jerusalén pe.”

AMÓS 5:2

Israel tëta ikavigüe oa, ngaraa ye ma opüa; ogüɨapi jare mbaetɨ kia omopüa vaerä.

DEUTERONOMIO 32:22

Echa chearasɨ oyepota tata rami, jare jendɨta ojo oväe matɨ ɨvɨgüɨ kotɨ; opata oapɨ ɨvɨ jare pɨpegua reta, jendɨta ɨvɨtɨ guasu reta iguapɨka.

Apocalipsis 18:8

Jáeramo metei ara peño oyeapota chupe jeta mbaesusere: mano, mbɨatɨtɨ jare karuai, jare opata ókai, echa imbaepuere yae ko yandeYa Tumpa ojäa vae.”