JEREMÍAS 50:29 - Biblia Guarani Tumpa Iñee

²⁹ ¡Pemboatɨ opaete uvɨ oikatu ojäa vae reta, oporepeña reta vaerä Babilonia re! ¡Peyembojeyupa opaetei tëta guasu ikupe rupi, agüɨye etei vaerä metei ave oasayepe! ¡Peiporarauka chupe reta, jeko reta oï rupi! ¡Peyapo chupe reta, jae reta oporoapo rami! Echa jae reta ipɨapochɨ chekotɨ, che Tumpa, iYoambae Israel pegua kotɨ.

JEREMÍAS 50:29 ပူးပေါင်းရင်းမြစ်များ

ÉXODO 10:3

Jayave Moisés jare Aarón yogüɨraja Faraón pɨri, jare jei reta chupe: —OreYa, hebreo reta iTumpa jei körai: “¿Kërai yave regua pa mbaetɨta reñemomichi cheróvai? Emaeño toyogüɨraja tëta chembae, chemboete vaerä;

ISAÍAS 37:23

Echa Tumpa Iyoambae Israel pegua kotɨ ko rere mbae jasɨ katu vae, ikotɨ ko neñeeäta jare ndepɨayemboete.

ISAÍAS 47:10

Ndepɨa güive reyapo reiko ikavimbae, reyemongeta mbaetɨ ko kia ndereecha vae. Ndearakuaa katu yae vae ndembotavɨ, reyemongeta ndepɨa pe, mbaetɨ yé kia ndegüi vae.

JEREMÍAS 25:14

Tëtaguasu reta tuichagüe jare mburuvicha guasu reta imbaepuere yae vae ipo pe oa retata vi Caldeaɨgua reta. Jökorai aiporaraukata chupe reta jeko reta oï rupi.’ ”

JEREMÍAS 48:26

Pembosavaɨpo Moab, echa oyembopɨapochɨ yandeYa kotɨ. Jayave Moab oyapayereta igüëegüe pe, jare opaete opukata jese vae.

JEREMÍAS 49:16

Ndepɨayemboete pe reyembotavɨuka, jare ndepɨapochɨ pe. Reiko ɨ̈vavira ipäu rupi, jare ɨvɨtɨ guasu re. Ërei yepe tëi reñemoëta ɨvate güɨraké rami, joko güi rombogüeyɨukata. Che ndeYa ko jae kuae.”

JEREMÍAS 50:24

Babilonia, añono ñuai ndeveguarä, jare reikuaambae reve rea pɨpe. Reyepɨɨuka ñuai pe, echa chemboarasɨuka.

JEREMÍAS 50:26

Babilonia jovaicho reta, ¡peporepeña jese oipota rupi güi! ¡Peipea iyavatío reta! ¡Peyomboatɨ jese jeta vae jare opa pemboai! ¡Agüɨye etei mbae ave topɨta!

JEREMÍAS 50:32

Tëtaguasu ipɨayemboete vae, nepɨ̈sa-yeyukata jare regüɨapita, jare mbaetɨta kia nemopüa vaerä. Ayatapɨta opaete nerëta guasu reta re, jare jókuae tata omboaita opaete ndeɨvɨrigua.”

JEREMÍAS 50:9

Echa ɨvɨtuguasu kotɨgua tëta reta jeta yae jare imbaepuere yae vae amopüa oporepeña vaerä Babilonia re. Oyeapo katu yae reta jëta peve jare opɨ̈ro retata. Isundaro reta ikuaakatu yae reta, ojäa uvɨ oyavɨmbae reve.

JEREMÍAS 51:24

Ërei perovake amboepɨukata Babilonia pe, opaete Caldeaɨgua reta pe, ikavimbae oyapo reta Sión pe vae re. Che peYa ko jae kuae.

JEREMÍAS 51:3

Ayokuaita oikatu uvɨ ojäa vae reta, omoata kavi vaerä igüɨrapa, jare toyemonde jete regua temimonde ñeraro pegua reta pe: ¡Agüɨye poiparareko Babilonia pegua taɨrusu vae reta, opa pemokañɨtei isundaro reta!

JEREMÍAS 51:49

Babilonia iñamɨrita ko, oyuka Israel pegua reta vae jeko pegua, jare opaete ɨvɨ pe oporoyuka vae jeko pegua.”

JEREMÍAS 51:56

Yogüeru omboai vaerä Babilonia; oipɨɨ ma isundaro jëia vae reta, jare opa ma omopë mopë chugüi igüɨrapa reta. Echa yandeYa Tumpa ko omee metei ñavo pe jeko oï rupi.

LAMENTACIONES 1:9

Jemimonde omongɨa iyoa pe; mbaetɨ oyemongeta këraita ko iyapɨ vae. Ñanemopɨakañɨ yé oa vae, jare mbaetɨ kia ombopɨakatu vaerä. ¡CheYa Tumpa, emae chepɨatɨtɨ re, echa tovaicho oyembotuicha yae!

LAMENTACIONES 3:64

CheYa Tumpa, eiporarauka chupe reta, jeko oï rupi.

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

ABDÍAS 1:15

Ïru reta pe peyapo rami oyeapota vi pe ndive: ¡Jókuae peyapo vae jekoviata peve! Köi ma oï yandeYa iporojäa iara opaete tëtaguasu reta peguarä.

2 Tesalonicenses 1:6

Echa jupi ko Tumpa oiporarauka vaerä jókuae oiporarauka peve vae reta pe,

2 Tesalonicenses 2:4

Jae oñemopüata Tumpa kotɨ jare opaete mbaemboete oñemee chupe vae reta kotɨ, jare jae etei oguapɨta tupao pe jare jeita iyeupe: “Che Tumpa ko.”

Apocalipsis 16:6

echa jae reta oyuka oporogüɨrovia vae reta jare ñeemombeúa reta, jáeramo remee vi jou reta tugüɨ. ¡Echa jupi ko jökorai vaerä!”

Apocalipsis 18:6

Pemee vi chupe jae omee rami, pemboekovia chupe mókoi ye jembiapo oï rupi. Peyapo mókoi ye chupe jae omee kopa pe ïru vae jou vaerä vae pe yeño.