JEREMÍAS 50:27 - Biblia Guarani Tumpa Iñee

²⁷ ¡Opaetei peyuka isundaro reta, peraja mbaeyukaa pe rami! ¡Paravete! ¡Oväe ma iara, oiporara yae reta vaerä!

JEREMÍAS 50:27 ပူးပေါင်းရင်းမြစ်များ

JOB 18:20

Kuaraɨ oikea kotɨgua reta jare kuaraɨ oëa kotɨgua reta oikuaa isusere yave, okɨɨye yaeta.

SALMOS 22:12

Cherovaicho reta cheöva jeta toro rami, Basán pegua toro pochɨ jare ipɨ̈rata vae rami.

SALMOS 37:13

Ërei yandeYa oyoyaiñota, echa oikuaa köiño ma ou oiporara vaerä.

ISAÍAS 21:12

Jare che jae: “Köeta ma, jare pɨ̈tu yeta vi. Pekɨ̈reɨ peparandu yave, peparandu; pekua peyu ye.”

ISAÍAS 34:6

YandeYa ikɨsepuku tugüɨ katuai jare mbaekɨra katuai oï, vecha kuimbae taɨrusu vae jare kavara kuimbae jugüɨgüe pe rami, vecha kuimbae ipɨ̈rɨkɨti ikɨragüe pe rami, echa yandeYa oporoyukata tëta guasu Bosra pe, jare jeta oyukata ɨvɨ Edom pe.

ISAÍAS 34:7

Omano retata mɨmba búfalo jee vae rami, jare toro reta jare toro taɨrusu vae reta rami, jare iɨvɨ ñakɨ̈ta tugüɨ pe, jare ɨvɨkúi oñemonata mbaekɨra pe.

JEREMÍAS 12:3

Ërei nde cheYa Tumpa, chereecha jare chekuaa kavi ko; reikuaa kërai cheyemongeta ndekotɨ vae. ¡Eraja jókuae kuimbae reta, mbaeyukaa pe vecha oyereraja rami; emokañɨmaa parapiti iara peguarä!

JEREMÍAS 25:34

¡Vecha iyangarekoa reta, peräse mbae jasɨ güi! ¡Pe reta, vecha reta jeroataa reta, peyapayere ɨvɨ rupi! Echa oväe ara peyeyukauka vaerä jare opa vaerä peñemoai moai; opata peyeyuka vecha kuimbae rami.

JEREMÍAS 27:7

Opaete tëtaguasu reta oyeokuaita chupe, taɨ reta pe jare jɨmɨmino reta pe, ou regua oväe ara, jae iɨvɨ ma oyeokuai vaerä tëtaguasu reta jare mburuvicha guasu reta imbaepuere yae vae pe.

JEREMÍAS 46:21

Sundaro reta omboepɨ güeru imborɨarä vae, toro taɨrusu oyemongɨragüe rami vi ipɨte pe, ërei jae reta vi oë otekuarai, mbaetɨ ipuere oyeepɨ, echa oväe ma isusere iara, jare oiporara vaerä iara.

JEREMÍAS 48:10

(¡Tijeko jókuae ipɨakatumbae reve oyapo yandeYa iparavɨkɨ vae! ¡Tijeko jókuae ñäteɨ oparapiti vae!)

JEREMÍAS 48:15

Oväe ma Moab imboaia jare jëta guasu reta imboaia; itaɨrusu reta ikavigüe opata omano. Jökorai jei Mburuvicha guasu, jae ko jee yandeYa Imbaepuere yae ete vae.

JEREMÍAS 48:44

Okɨɨye güi otekuarai vae, oata ɨvɨkua pe, jare ɨvɨkua güi oë tëigüe, oata ñuai pe, echa che aruta Moab re tembiporara. Che ndeYa ko jae kuae.

JEREMÍAS 50:11

Pe Caldeaɨgua, pemaepɨ̈ro chembae vae reta güi vae, ¡peyerovia katu yae jare pevɨa katu yae! ¡Peporise guaka taɨrusu oporise kapii rupi rami! ¡Peñee, kavayu oñee rami!

JEREMÍAS 50:31

YandeYa Imbaepuere yae ete vae jei: “Tëta guasu ipɨayemboete vae, che ayemboyovaicho ndekotɨ; oväe ara, reiporara yae vaerä.

JEREMÍAS 51:40

Javoi arajata mbaeyukaa pe, vecha kuimbae taɨrusu vae reta, vecha kuimbae reta jare kavara kuimbae reta oyereraja rami.”

LAMENTACIONES 1:21

Jeta vae oendu cheräse, ërei mbaetɨ kia chembopɨakatu. Opaete cherovaicho reta oikuaa chesusere, oyerovia reta nde ko jökorai cheapo vae. ¡Embou, jókuae ara remoërakua vae, jae reta toiporara vi che rami!

Apocalipsis 18:10

Ërei jae reta oyemboɨta mombɨrɨ tëta guasu güi, okɨɨye ramo oiporara oï vae güi, jei reve: “Paravete tëta guasu Babilonia, tëta guasu imbaepuere yae vae; echa neparanoe oväe reiporara yae vaerä.”

Apocalipsis 19:17

Jare aecha metei araɨgua oyemboɨ oï kuaraɨ re. Jae iñeeäta reve jei opaete güɨra oveve ñogüɨnoi vae reta pe: “¡Peyu peyemboatɨ, karu guasu Tumpa oyapo vae pe,