JEREMÍAS 50:20 - Biblia Guarani Tumpa Iñee

²⁰ Che, peYa jae: ‘Jókuae ara Israel jare Judá oyeyorata teko jare mbaeyoa güi, echa che cheɨ̈rota, aeya tekove ndive vae reta pe.’

JEREMÍAS 50:20 ပူးပေါင်းရင်းမြစ်များ

SALMOS 103:12

Kuaraɨ oëa, matɨ yae oï kuaraɨ oikea vae güi rami matɨ omondo yandepɨapochɨ reta yandegüi.

SALMOS 17:3

Nde reikuaa cheyemongeta, pɨ̈tu yave nde remae cheré, cheñono morojäa pe ërei mbaetɨ reväe teko cheré, echa añono chepɨa pe agüɨye vaerä ayavɨ mbae jae.

SALMOS 85:3

rembosɨrɨ ndeyeugüi opaete ndearasɨ yae vae.

ISAÍAS 1:9

Ërei yandeYa Imbaepuere yae ete vae mbaetɨ yave mona oeya mbovɨ yepe yandeve ñemuña, Sodoma jare Gomorra rami ko yapɨtata tëi.

ISAÍAS 10:21

Jembɨregüe reta oyerova yeta, Jacob güi jembɨregüe reta oyerova yeta Tumpa Imbaepuere yae vae kotɨ.

ISAÍAS 33:24

Sión pegua reta ngaraa ma jei: “Chembaerasɨ aï.” Tumpa iñɨ̈rota opaete iyoa re chupe reta.

ISAÍAS 43:25

Ërei che peTumpa, ayeaɨu jeko pegua amboai peyoa reta, ngaraa ye ma chemaendúa peyoa reta re.

ISAÍAS 44:22

Opa amboai ndepɨapochɨ reve reyavɨgüe amapɨtu opa okañɨ rami, jare ɨ̈vɨti rami opa amokañɨ ndeyoa reta. Eyerova ye chekotɨ, echa che royora.”

JEREMÍAS 31:34

Jare ngaraa ye ma metei ave omboe japicha vae, ani ramo jëtara vae, jei reve: ‘Eikuaa yandeYa’; echa opaete vae chekuaata, mbaeä etei vae reta güive opaete tuichagüe reta; echa cheɨ̈rota chupe reta jeko kavimbae re jare ngaraa ye chemaendúa iyoa reta re. Che peYa ko jae kuae.”

JEREMÍAS 33:15

Jókuae ara rupi amopüata David iñemuña güi metei jupi vae, jae oyapota morojäa jare jupi vae kuae tëtaguasu pe.

JEREMÍAS 33:8

Aitɨota opaete mbaeyoa oyapo reta chekotɨ vae güi; cheɨ̈rota chupe reta, opaete ikavimbae oyapo jare oyembopɨapochɨ reta chekotɨ vae re.

JEREMÍAS 44:14

Metei ave ngaraa oasayepe jekove ndive Judá pe jembɨregüe, yogüɨraja Egipto pe yogüɨreko vae reta güi. Ikɨ̈reɨ ye tëi oyerova Judá pe oiko vaerä vae ngaraa ipuere, jaeño amogüe otekuaraigüe.’ ”

JEREMÍAS 50:4

YandeYa jei: “Jókuae ara Israel jare Judá pegua reta yogüeruta oyaeo reve chereeka, che iYa Tumpa.

LAMENTACIONES 4:22

Sión pegua reta, jae ma iyapɨ reiporara vae; Tumpa ngaraa ye ma omaeño reyereraja tembipɨɨrä. Ërei, pe Edom pegua reta, Tumpa oiporaraukata peyoa re peve, omboyekuaata pembaeyoa reta.

EZEQUIEL 18:22

Che ngaraa ma chemaendúa opaete ikavimbae oyapo vae re; oikoveta jupigüe oyapo vae rupi.

MIQUEAS 7:19

Enoi ye mboroparareko orekotɨ; eñotɨ orereko jupimbae reta jare emombo ɨguasu pe opaete oreyoa reta.

SOFONÍAS 3:12

Aeyata ndeve ipɨa omomichi vae jare mbaetɨ ipɨayemboete vae reta, jae reta oyekota chereño.

ZACARÍAS 3:9

Echa, ko Josué jóvai añono ita; kuae ita jaevaeño vae güɨnoi chiu iyɨke; mase, ko che aikuatiata jei yandeYa Imbaepuere yae ete vae, jare ɨvɨ pegua reta iyoa aekɨta metei ara pe.

NÚMEROS 23:21

Mbaetɨi oecha ikavimbae jare yembotavɨ Israel iñemuña reta re. YandeYa Tumpa oime oï jae reta ndive. Jare jae reta osapúkai omboete mburuvicha guasu rami.

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,

Hechos 3:26

Tumpa omopüa Taɨ peve, oyapo vaerä ikavi vae peve, metei ñavo peyerova vaerä Tumpa kotɨ pereko ikavimbae vae güi.”

Romanos 11:6

Tumpa ipɨakavi rupi oiparavo reta yave, jayave mbaetɨ ma ko jembiapo reta rupi. Echa oiparavo yave mona jembiapo reta rupi, Tumpa ipɨakavi mbɨakaviä ma ko.

Romanos 5:16

Jókuae metei kuimbae iyoa mbaetɨ omboyovake, Tumpa omee yandeve vae. Echa jókuae metei mbaeyoa jeko pegua Tumpa ojäa opaete vae. Ërei jókuae Tumpa omee yandeve vae ou jeta mbaeyoa jeko pegua, yayembojupi vaerä.

Romanos 6:13

agüɨye ave vi pemee perete mbaeyoa jembiporurä ikavimbae vae peguarä. Ërei peñemee pe etei Tumpa pe, omanogüe tekove ipɨau vae güɨnoi vae rami, jare pemee perete Tumpa jembiporurä jupi vae peguarä.

2 Pedro 3:15

Peikuaa kërai yandeYa ipɨaguasu ko yandeve yayemboasauka vaerä. Jare kuae re yanderɨvɨ Pablo yaaɨu vae oikuatía ma peve arakuaa Tumpa omee chupe vae rupi.