JEREMÍAS 50:2 - Biblia Guarani Tumpa Iñee

² “Emoërakua kuae, tëtaguasu reta rupi, eikuaauka chupe reta. Emopüa bandera remokañɨmaa vaerä ñemoñee, agüɨye nekïriiño epɨta. Ere: ‘¡Babilonia oñepɨ̈ro! ¡Tumpa-raanga Bel opɨta ñemomarai pe, tumpa-raanga Merodac opa oyemboai! ¡Itumpa-raanga añetembae, opa oyemboai!’

JEREMÍAS 50:2 ပူးပေါင်းရင်းမြစ်များ

SALMOS 64:9

Jayave opaete kuimbae reta oipoɨuta, oikuaa retata Tumpa oyapogüe, jare omoërakua retata.

SALMOS 96:3

Pemoërakua opaete tëtaguasu rupi iyemboetea, jare opaete tëta reta rupi jembiapo oporombopɨakañɨ vae,

SALMOS 97:7

Imara reta opaete tumpa-raanga imboetea, oyemboete jókuae re vae reta. ¡Opaete tumpa-raanga reta oa jae jóvai!

ISAÍAS 12:4

Jókuae ara rupi petairarita körai: “Pemee yasoropai jare peyerure yandeYa pe, pemoërakua tëtaguasu reta pe, jae mbaembae oyapogüe, pemomaendúa jae ko tuicha yae vae.

ISAÍAS 13:2

“¡Peupi bandera ñeraro pegua metei ɨvɨtɨ jaambae re! ¡Pesapúkai sundaro reta! ¡Peupi pepo chupe reta, oike reta vaerä, mburuvicha reta jöke rupi!

ISAÍAS 21:9

Aecha yogüeru kuimbae reta kavayu reta re opo oyoapɨ vae reta.” Jare jei reta: “¡Babilonia opa oyemboai, Babilonia opa oyemboai! Jare opaete itumpa-raanga reta opa oyeka oa ɨvɨ re.”

ISAÍAS 37:19

jare opa jókuae tëtaguasu reta itumpa-raanga reta oapɨ oeya, echa tumpa eteä, kuimbae reta ipo pe oyapogüeño, ɨvɨra jare ita peguaño ko. Jáeramo ko opa reta omboai.

ISAÍAS 39:1

Jókuae ara rupi Merodac-baladán mburuvicha guasu Babilonia pegua Baladán taɨ, ombou tupapire jare mbota Ezequías pe; echa oikuaa imbaerasɨ, ërei okuera ye ma vae.

ISAÍAS 46:1

Tumpa-raanga Bel oyeitɨ, tumpa-raanga Nebo opa oyeka. Jókuae tumpa-raanga reta opata oñeñono mɨmba ivoɨtarä, oipotagüe voɨta rami ko oñeñonota mɨmba ikangɨ vi vae reta re.

ISAÍAS 48:20

Peë Babilonia güi, petekuarai Caldeaɨgua reta ipɨte güi. Pesapúkai pemoërakua kuae, peyerovia reve, pemoërakua ɨvɨ iyapɨ rupi ave. Pere: ‘¡YandeYa oyora jembiokuai Jacob iñemuña reta!’ ”

ISAÍAS 48:6

Nde reendu jare reecha opaete kuae mbaembae; ¿mbaetɨta pa rere añetete ko vae? Añave tamombeu ndeve mbae ipɨau vae, jare mbaetɨi reikuaa vae;

JEREMÍAS 10:11

(Körai pere itumpa-raanga pota vae reta kotɨ: “Okañɨta ko ɨvɨ güi tumpa-raanga reta mbaetɨi oyapo ara jare ɨvɨ vae; mbaetɨ eteita opɨta chugüi reta metei ave ɨvɨ pe.”)

JEREMÍAS 10:15

jaanga retaño ko. YandeYa iporojäa iara pe, opaeteita ko oyemboai reta.

JEREMÍAS 31:10

Tëtaguasu reta, peyeapɨsaka yandeYa iñee re, jare pemoërakua mombɨrɨ ɨguasu jembeɨ rupigua reta pe, pere: ‘YandeYa opa omoai moai Israel iñemuña reta, ërei omboatɨ yeta jare oyangarekota jese, vecha iyangarekoa, ivecha re oyangareko rami.’

JEREMÍAS 4:16

“Pere tëtaguasu reta pe jare Jerusalén pe: ‘Matɨ güi yogüeru ma tovaicho reta, jäsémbai osapúkai reta ñeraro pegua, tëta guasu reta Judá pegua kotɨ.

JEREMÍAS 4:6

Pemopüa bandera Sión pe; ¡petekuarai, agüɨye pepɨta! Echa ɨvɨtuguasu kotɨ güi aruta susere jare kañɨtei.

JEREMÍAS 46:14

“Emoërakua Egipto pe; jae ko Migdol pe, Menfis pe jare Tafnes pe: ‘¡Pemae ngatu, peï kavi peï! ¡Echa tovaicho reta oyere, omboai vaerä peɨvɨ!’

JEREMÍAS 50:46

Babilonia jɨapu oa vae omokanata ɨvɨ; jɨapu ojo oyeendu ïru tëtaguasu reta rupi.”

JEREMÍAS 51:12

¡Peupi bandera peporepeña vaerä Babilonia ikësea re! ¡Pemoïru omaeäro vae reta! ¡Peñono kavi oporoäro vae reta! ¡Peñemi kavi pekätɨro! Echa yandeYa ombopota iyemongeta reta omoërakua Babilonia pegua reta kotɨ vae.

JEREMÍAS 51:27

¡Peupi bandera ñeraro pegua tëtaguasu pe! ¡Pemoñee mimbɨguasu, toyeapo katu tëtaguasu reta oporepeña vaerä Babilonia re! ¡Pepüa ikotɨ mborookuaía reta Ararat pegua, Mini pegua jare Askenaz pegua! ¡Pembojee metei sundaro ruvicha oporogüɨraja vaerä ñeraro pe! ¡Pemondo tenonde kavayu regua reta, tuku reta pochɨ yae vae rami!

JEREMÍAS 51:31

Oyoaɨkue yoaɨkue oväe tupapire jare ñee jerajaa reta, omombeu vaerä mburuvicha guasu Babilonia pegua pe, jëta guasu opaetei ma oñepɨ̈ro vae.

JEREMÍAS 51:44

“Tumpa-raanga Bel amboaita Babilonia pe, anoeta iyuru rupi opa omokoigüe; ngaraa ye ma tëtaguasu reta yogüeru ikotɨ. ¡Babilonia ikësea reta osururuta!

JEREMÍAS 51:47

Jáeramo, oväeta ara amboai vaerä tumpa-raanga reta Babilonia pegua, kuae tëtaguasu oñemomaraiukata, jare tɨnɨeta tëogüe reta pe.

JEREMÍAS 51:52

Ërei yandeYa jei: “Oväe ara amboai vaerä tumpa-raanga reta Babilonia pegua, jare opaete iɨvɨ rupi jäseta ipere vae reta.

JEREMÍAS 51:8

Ërei güɨramoiño Babilonia oa, opa oyemboai. ¡Peäpiro! Peru chupe moa ipere peguarä, güɨramoi okuera.”

JEREMÍAS 52:31

Joaquín mburuvicha guasu Judá pegua oyereraja ma iɨvɨ güi treinta y siete año, docea yasɨ veinticinco araa pe yave, Evil-merodac omboɨpɨ oiko mburuvicha guasurä Babilonia pe; jae ipɨakavi Joaquín pe jare güɨnoe tembipɨɨrɨru güi,

JEREMÍAS 6:18

Jáeramo yandeYa jei: “Peyeapɨsaka tëtaguasu reta, peikuaa vaerä mbae ra oasata chembae vae reta ndive vae.

DANIEL 1:2

Jare yandeYa omee ipo pe, Joacim mburuvicha guasu Judá pegua, jare jeta tembiporu reta Tumpa jo pegua; jare güeru ɨvɨ Sinar pe, itumpa jo pe, jare oñono tembiporu reta, mbaembae jepɨ yae vae oñeñovatúa pe, itumpa jo pe.

DANIEL 3:14

Jayave Nabucodonosor oparandu chupe reta: —¿Añete pa, pe Sadrac, Mesac jare Abed-nego, mbaetɨ pemboete chetumpa reta, jare mbaetɨ ave pemboete jókuae mbae iä oro pegua amopüaukagüe?

SOFONÍAS 2:11

YandeYa ngaraa ipïri jese reta. Opata omboai tumpa-raanga reta jókuae ɨvɨ pegua, jare opaete vae tëtaguasu omboeteta, ɨguasu ipäu pegua reta ave.

Apocalipsis 18:2

Jare osapúkai reve jei: “Oa ma, oa ma Babilonia guasu. Opɨta aña reta jëtarä, opaete espíritu ikɨa vae oikoarä. Güɨra oyeumbae jare oñereröɨro vae jëtarä.