JEREMÍAS 50:19 - Biblia Guarani Tumpa Iñee

¹⁹ Israel aru yeta iɨvɨ pe, jare vecha jeta güɨnoi kapii Carmelo pe jare Basán pe vae ramita; ɨvɨtɨ guasu reta Efraín jare Galaad pe yangapɨɨta.

JEREMÍAS 50:19 ပူးပေါင်းရင်းမြစ်များ

ESDRAS 2:1

Jae kuae Israel iñemuña reta ɨvɨ Judá pegua, mburuvicha guasu Nabucodonosor güɨraja Babilonia pe vae, jare añave amogüe oyerova reta ye Jerusalén pe jare Judá pe jëta jëta ae rupi vae.

CANTARES 6:5

¡Agüɨye mo emae mbatee cheré, echa nderesa pe chemoamɨri ko! Ndea reta, kavara reta ogüeyɨ Galaad pegua ɨvɨtɨ ikúa rupi vae rami.

ISAÍAS 33:9

Ɨvɨ imbaerasɨ jare ipɨatɨtɨ oï, Líbano oñemomarai jare opa yɨpi oï, ɨvɨtɨ päu ipe kavi vae Sarón ipombae opɨta oï, ɨvɨ Basán jare ɨvɨtɨ Carmelo opaetei oyetɨvɨro opɨta.

ISAÍAS 35:2

tipotɨ jeta yeyé tumpa-ɨpɨ rami, toyerovia jare tovɨakatu reta. Tumpa omopörata, ɨvɨtɨ Líbano ipöra rami, ipöra yaeta ɨvɨtɨ Carmelo rami jare ɨvɨtɨ päu ipe kavi vae Sarón rami. Opaete vae oechata yandeYa iyemboetea, ñaneTumpa imbaepuere tuicha yae vae.

JEREMÍAS 23:3

Che etei aru yeta chevecha reta jembɨregüe, opaete ɨvɨ rupi amoaia kotɨ güi, jare aru yeta yogüɨrekosea pe; okuakuaata jare jeta oñemuña retata.

JEREMÍAS 3:18

Jókuae ara oväe ma yave, Judá oñemometeita Israel ndive, jare oyerova päveta ɨvɨtuguasu kotɨgua tëtaguasu kotɨ güi, che ɨvɨ amee iñemuñagüe reta pe vae pe.

JEREMÍAS 30:10

YandeYa jei: “Cherembiokuai Jacob iñemuña reta, agüɨye pekɨɨye; Israel iñemuña reta, agüɨye pekɨɨye, echa nde jare neñemuña reta ayorata jókuae mombɨrɨ oyererajaa güi. Yogüɨreko yeta mbɨakatu pe, mbaetɨta kia omongɨɨye, yogüɨreko pɨagüiveta.

JEREMÍAS 30:18

YandeYa jei: “Aru yeta tembipɨɨ güi Jacob iñemuña reta, aiparareko yeta iɨvɨ; omopüa pɨau yeta tëta guasu oyemboaigüe, jare mburuvicha guasu jo, jendagüe pe.

JEREMÍAS 30:7

¡Oyearo ma ara yavaetegüe, mbaetɨi jókuae nunga ara tenonde rupi! Ara mbɨatɨtɨ pegua ko Jacob iñemuña reta pe, ërei che aroasayepe retata.

JEREMÍAS 31:14

Ameeta sacerdote reta jeta okaru kavi, jare chembae vae reta oyekouta chembaeyekou re. Che ndeYa ko jae kuae.”

JEREMÍAS 31:25

Echa ameeta jeta okaru kavi jare oɨu, ikangɨ jare ipɨtu vae reta.”

JEREMÍAS 31:6

Echa oväeta ara omaeäro vae reta osapúkai vaerä ɨvɨtɨ Efraín re, jei reve: ‘Peyu, yaja Sión pe, yamboete vaerä yandeYa Tumpa.’ ”

JEREMÍAS 32:37

Ërei ngatu che amboatɨta, opaete tëtaguasu reta rupi chearasɨ yae rupi opa amoai moai vae reta, aroyerova reta yeta kuae ɨvɨ pe jare ameeta yogüɨreko pɨagüive vaerä.

JEREMÍAS 46:27

Cherembiokuai Jacob agüɨye ekɨɨye; agüɨye ekɨɨye Israel. Echa nde jare neñemuña reta poyorata jókuae ɨvɨ mombɨrɨ peyererajaukaa güi. Peyu yeta peiko mbɨakatu pe, peiko pɨagüiveta, ngaraa kia pemongɨɨye.

JEREMÍAS 50:6

Tëta chembae vae vecha okañɨgüe rami ko, mbaetɨ güɨroata kavi iyangarekoa reta, omaeño okañɨ reta ɨvɨtɨ rupi. Opa yogüɨraja ɨvɨtɨ reta rupi, iñakañɨ regua jókai güi.

EZEQUIEL 11:17

Jáeramo ere chupe reta: ‘Körai jei yandeYa Tumpa: Che ko aru ye retata ïru ɨvɨ güi, jare amboatɨ reta yeta opaete ïru tëtaguasu reta rupi amoai moaia güi, jare ameeta chupe reta ɨvɨ Israel.

EZEQUIEL 36:24

Che pogüɨnoeta ïru tëtaguasu reta güi, pomboatɨta opaete ketɨ ketɨ güi jare pogüeru yeta peɨvɨ ae pe.

EZEQUIEL 36:33

Che peYa Tumpa jae körai: Jókuae ara potɨo opaete peyoa güi yave, ameeta vi peiko vaerä perëta guasu reta pe, jare pemopüa pɨau yeta perëta guasugüe reta.

EZEQUIEL 38:8

Kuae güire ɨma pe Tumpa ndeokuaita reporepeña vaerä ɨvɨ ñeraro güi oasayepe vae re, ketɨ ketɨ ïru ɨvɨ güi oyereru vae reta re, ɨvɨtɨ reta Israel pegua re ñogüɨnoi vae, tëta oyemboai avei vae; ërei oñerenoeuka tëtaguasu reta güi, jare opaete jae reta yogüɨreko pɨagüive vae re.

EZEQUIEL 47:18

Ɨvɨ jembeɨ kuaraɨ oëa kotɨgua, oyemboɨpɨta Haurán jare Damasco ipäu kotɨ güi; ɨ̈aka Jordán rupi, jae ko Galaad jare ɨvɨ Israel ipäu rupi; jökorai ojoita oväe Ɨguasu Jembochɨ vae pe. Kuae ko jae ɨvɨ jembeɨ kuaraɨ oëa kotɨgua.

MIQUEAS 7:14

¡Eyangareko ndembae vae reta re ndepopoka pe; ndevecha reta yogüɨreko ndeɨvɨ pe vae re, ñana rupiño, ɨvɨ kavía rupi yogüɨreko vae re! Eeka kapii Basán pe jare Galaad pe; ïru ara oasagüe rupi reyapo rami.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

ZACARÍAS 10:10

Echa che aru yeta Egipto güi; aru yeta Asiria güi. Arajata Galaad jare Líbano pe oata yeta jendarä.

NÚMEROS 32:1

Rubén jare Gad iñemuña reta güɨnoi jeta yae mɨmba; oecha reta ɨvɨ Jazer jare Galaad, ikavi yae chupe reta mɨmba peguarä.

NÚMEROS 32:4

jókuae ɨvɨ yandeYa opɨ̈ro Israel iñemuña reta peguarä vae, ikavi mɨmba reta peguarä, jare ore oime mɨmba rogüɨreko.

JOSUÉ 17:15

Jare Josué jei chupe reta: —Pereta yae ko yave, pekua kaa kotɨ jare peitɨ ɨvɨra reta jókuae ferezeo reta jare refaita reta iɨvɨ pe, Efraín iñemuña reta iɨvɨ michi ko peve yave.