JEREMÍAS 50:17 - Biblia Guarani Tumpa Iñee

¹⁷ Israel ko metei vecha okañɨgüe rami, yaguapope reta opa omoai moai rami. Tenonde ete mburuvicha guasu Asiria pegua opa jou; jaɨkue rupi, Nabucodonosor mburuvicha guasu Babilonia pegua, opa oikäo.

JEREMÍAS 50:17 ပူးပေါင်းရင်းမြစ်များ

2 REYES 15:19

jae oiko mburuvicha guasurä yave, ou Pul, mburuvicha guasu Asiria pegua oporepeña jókuae ɨvɨ re, jare Manahem omee treinta y tres mil kilo korepoti, omborɨ vaerä oñemomɨ̈rata mburuvicha guasurä,

2 REYES 15:29

Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

2 REYES 24:1

Joacim oiko mburuvicha guasurä yave, Nabucodonosor mburuvicha guasu Babilonia pegua oë ñeraroa pe. Jare Joacim oiko jae jeia re mboapɨ año rupi, ërei jaɨkue rupi oñemopüa ikotɨ.

2 REYES 24:10

Jayave rupi oporepeña tëta guasu Jerusalén re Nabucodonosor mburuvicha guasu Babilonia pegua isundaro reta, jare opa oñova reta tëta guasu.

2 REYES 25:1

Sedequías chau año ma oiko mburuvicha guasurä yave, payandepoa yasɨ, payandepo araa pe, Nabucodonosor mburuvicha guasu Babilonia pegua ou opaete isundaro reta ndive oporepeña Jerusalén re jare opa oñova. Oyembojeyupa reta jare omopüa reta yeupika jókuae tëta guasu iyɨ́vɨri rupi.

2 CRÓNICAS 28:20

Ou vi Acaz kotɨ Tiglat-pileser, Asiriaɨgua reta juvicha guasu, omborɨ vaerägüe, ou omoambeko.

2 CRÓNICAS 33:11

Jáeramo yandeYa güeru chupe reta mburuvicha guasu Asiria pegua sundaro ruvicha reta, jae reta oipɨɨ Manasés, oipokua reta jare omoïcha reta karena jiero iyu vae pe güɨraja Babilonia pe.

ISAÍAS 15:9

Jare tëta Dimón pegua ɨ̈aka tɨnɨeta tugüɨ pe; echa aruta tëta Dimón re mbae ikavimbae yae vae. Otekuarai tëi Moab güi vae opata jou yaguapope reta, jókuae jembɨreño tëi vae reta.

ISAÍAS 47:6

Chearasɨ yae tëta chembae vae kotɨ yave, amee ñemomarai pe, jare amaeño oa ndepo pe. Nde mbaetɨ reiparareko, ndechi reta pe ave täta reiporarauka.

JEREMÍAS 10:25

Eitɨ ndearasɨ tëtaguasu reta mbaetɨ ndekuaa vae re, tëta reta mbaetɨ ndemboete vae re, echa opa omokañɨtei reta Jacob iñemuña reta, opaetei omboai reta, tëtaguasu opa omboai oeya reta.

JEREMÍAS 2:15

¿Maera pa oporepeña jese vae reta, yaguapope reta jäse jäse oporepeña vae rami? Iɨvɨ opa omboai reta chugüi, jare jëta guasu reta opa oapɨ; jare mbaetɨ etei kia oiko pɨpe.

JEREMÍAS 21:7

Jaɨkue rupi Sedequías mburuvicha guasu Judá pegua, opaete iyɨvɨrigua jare isundaro reta ndive, jare ñeraro güi, mbaerasɨ ovakatu vae jare karuai güi omomara kuae tëta guasu pe vae reta ameeta Nabucodonosor ipo pe jare ïru jovaicho reta ipo pe. Che ameeta jae reta oyuka vaerä kɨsepuku pe oipararekombae reve. Che ndeYa jae kuaekuae.

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

JEREMÍAS 49:19

Mase, ayuta metei yaguapope Jordán pegua kaa tëɨ yae vae güi oë ojo kapii jokɨ katu vae pe rami, joko güi ambotekuaraita Edom pegua reta, jare ameeta oporookuai che aiparavo vae. Echa ¿kia pa chemboyovake? ¿Kia pa oyemboɨta cheve? ¿Kia nunga vecha iyangarekoa pa ipuereta cheré?

JEREMÍAS 5:17

Neremitɨ jare nderembíu jou retata, nemichia reta ave jou retata ndegüi. Ndevecha jare ndeguaka reta, ndeuva jare ndeɨva reta. Jembiporu ñeraro pegua pe omboaita tëta guasu oñekëse kavi vae, reyerovia jese vae.”

JEREMÍAS 5:6

Jáeramo yaguapope oëta kaa güi jare oyuka retata, aguarayaɨmba ñuu rupigua opata ombojaɨ jaɨ reta, yaguapara oporepeñata tëta guasu reta re jare kia oë yave ombojaɨ jaɨta; echa jeiete yae pɨapochɨ reta, jare mbaetɨ jupi reta.

JEREMÍAS 50:6

Tëta chembae vae vecha okañɨgüe rami ko, mbaetɨ güɨroata kavi iyangarekoa reta, omaeño okañɨ reta ɨvɨtɨ rupi. Opa yogüɨraja ɨvɨtɨ reta rupi, iñakañɨ regua jókai güi.

JEREMÍAS 51:38

Opaete jae reta oñeeta yaguapope reta rami, oñeeta yaguapope raɨ reta rami.

JEREMÍAS 52:1

Sedequías güɨnoi veintiún año yave omboɨpɨ oiko mburuvicha guasurä, once año oiko mburuvicha guasurä Jerusalén pe. Ichɨ jee Hamutal; jae ko Jeremías, Libna pegua tayɨ.

EZEQUIEL 34:12

Vecha iyangarekoa oikuaa ivecha reta oñemoai ñogüɨnoi chugüi yave vae rami, jökorai aikuaata chevecha reta, aruta oipota rupi oñemoai ñogüɨnoia rupi güi, jasɨ katu ñogüɨnoi yave opa oñemoai vae.

DANIEL 6:24

Jare mburuvicha guasu oporookuai, oyereru vaerä jókuae kuimbae reta omboeko Daniel vae, jare opa oitɨ reta yaguapope reta jɨru pe jae reta, taɨ reta jare jembireko reta; jare ndei ɨvɨkua jugua pe opa oa mbove, yaguapope reta oipɨɨ jare opa ikägüe reta omopüruru.

JOEL 3:2

amboatɨta opaete tëtaguasu reta, aruta ɨvɨtɨ päu ipe kavi vae pe, Josafat jee vae pe, Israel, tëta chembae vae jeko pegua. Jae reta opa omoai moai tëtaguasu reta rupi, jare omboyao reta iyeupe ɨvɨ chembae.

1 Pedro 2:25

Echa opaete pe reta peropa yepi vecha reta jopa rami, ërei añave peyerova ye ma Oyangareko vae jare Omae peré vecha re rami vae kotɨ.