JEREMÍAS 50:16 - Biblia Guarani Tumpa Iñee

¹⁶ Opaetei peyuka Babilonia pegua omaetɨ ani ombaepoo vae. Oecha yave ñeraro oporomokañɨtei vae, ketɨgua reta oyerova yeta iɨvɨ kotɨ, metei ñavo otekuaraita iɨvɨ ae kotɨ.

JEREMÍAS 50:16 ပူးပေါင်းရင်းမြစ်များ

ISAÍAS 13:14

Kuimbae reta, guasu oñemoñagüe ramita, ani vecha opa oñemoai moai vae mbaetɨ iyangarekoa vae ramita. Metei ñavo oyerova yeta jëtaguasu ae kotɨ, otekuaraita iɨvɨ ae kotɨ.

JEREMÍAS 25:38

Oë, yaguapope raɨ jaitɨ oeya rami, echa ɨvɨ oyemboai opɨta, tovaicho reta iyarasɨ rupi, yandeYa iyarasɨ ramo.

JEREMÍAS 46:16

Ndesundaro reta ipɨ̈sa-yeyuka jare oyepɨaka reta, jare jei reta oyoupe: ‘¡Yaja kuae güi, yaja ye yandeɨvɨ pe, jókuae ɨvɨ yaa pɨpea pe! ¡Yatekuarai ñeraro yavaetegüe güi!’

JEREMÍAS 51:23

Nde rupi amokañɨtei vecha iyangarekoa reta jare vecha reta, ko pe oparavɨkɨ vae reta jare güeye reta, tëta iyangarekoa reta jare mburuvicha guasu iyɨvɨrigua reta.

JEREMÍAS 51:9

Roipoano tëi ma Babilonia, ërei mbaetɨ okuera. ¡Peeya! Yaja mo kuae güi, metei ñavo yandeɨvɨ ae ae pe, echa ikavimbae oyapogüe ojoi oväe ara pe, oupitɨ amapɨtu.

JOEL 1:11

Pepɨatɨtɨ maetɨ regua reta; peräse uva iya reta; peyaeo trigo re jare cebada re, echa temitɨ opa okañɨtei ko rupi.

AMÓS 5:16

Jáeramo, körai jei yandeYa Tumpa Imbaepuere yae ete vae: “Tëta ñavo oka guasu pe oimeta yaeo, jare oka ñavo rupi jäseta mbae jasɨ güi. Jare ko pe oparavɨkɨ vae reta peenɨita oyaeo, jare yaeo regua reta peenɨita oyaeo vaerä.