JEREMÍAS 50:15 - Biblia Guarani Tumpa Iñee

¹⁵ ¡Pesapúkai sapúkai ñeraro pegua oipota rupi! ¡Babilonia jaema jëgua! ¡Iguapɨka reta oa ma, ikësea opa osururu! ¡Kuae ko jae che aiporarauka vae: Peyepɨ jese! ¡Peyapo chupe reta, jae reta oporoapo rami!

JEREMÍAS 50:15 ပူးပေါင်းရင်းမြစ်များ

1 CRÓNICAS 29:24

Jare opaete mburuvicha reta jare jëia vae reta, jare opaete mburuvicha guasu David taɨ reta vi ñogüɨnoi mburuvicha guasu Salomón ndive.

2 CRÓNICAS 30:8

Añave, agüɨye peyembopɨa täta peñemuñagüe reta rami; peñeñono yandeYa ipo pe jare peyu o mbaemboetea pe, jae oñono tee jekuae avei pegua vae pe. Peyeokuai yandeYa Tumpa pe, jökorai agüɨye vaerä ma iyarasɨ pekotɨ.

SALMOS 149:7

peyepɨ vaerä tëtaguasu reta re, peiporarauka vaerä Tumpa kotɨ oyembopɨapochɨ vae reta pe,

SALMOS 94:1

¡CheYa, Tumpa oyepɨ ikavimbae iyapoa reta re vae, Tumpa oyepɨ ikavimbae iyapoa reta re vae, eyeechauka!

ISAÍAS 59:17

Oyemonde jupi vae pe, jete regua temimonde ñeraro pegua pe rami, jare oyemonde mborogüɨroasayepe pe, äka-ɨru ñeraro pegua pe rami, yepɨse pe oyemonde, temimonde pe rami, jare oñeova arasɨ pe, ñeapevaka pe rami.

ISAÍAS 59:18

YandeYa omboepɨukata metei ñavo pe, jeko ae re, oiporaraukata jovaicho reta pe. Imotareɨa reta pe omboepɨukata jeko oï rupi; tëtaguasu reta ɨguasu jembeɨ rupigua reta pe ave.

ISAÍAS 61:2

amoërakua vaerä yandeYa ipɨakavi iara ou ma oväe vae, jare ñaneTumpa oyepɨ vaerä iara ou ma vae regua; ambopɨakatu vaerä mbɨatɨtɨ pe ñogüɨnoi vae reta;

ISAÍAS 63:4

Echa ayepɨ vaerä iara, oime areko chepɨa pe; oväe ma año aepɨ vaerä chembae vae reta.

JEREMÍAS 46:10

Jae ko kuae yandeYa Imbaepuere yae ete vae iporojäa iara, jae ko ara oiporarauka vaerä oyovaicho ikotɨ vae reta pe, kɨsepuku oporoyukata yangapɨɨ regua, tugüɨ pe oyembosavaɨpo regua. Echa yandeYa Imbaepuere yae ete vae etei ko oporoyukaukata Ɨvɨtuguasu kotɨgua tëtaguasu pe, ɨ̈aka Éufrates jembeɨ pe.

JEREMÍAS 50:14

¡Uvɨ regua reta, peñeñono kavi, peimama Babilonia! ¡Opaetei peruvɨ reta pemondo ikotɨ, echa iyoa reta chekotɨ!

JEREMÍAS 50:25

YandeYa oipea jembiporu ñeraro pegua jɨru, jare güɨnoe jembiporu iyarasɨ pegua, echa yandeYa Imbaepuere yae ete vae oimeta maratu oyapo Caldeaɨgua reta jëtaguasu.

JEREMÍAS 50:44

Mase, ayuta metei yaguapope Jordán pegua kaa tëɨ yae vae güi oë ojo kapii jokɨ katu vae pe rami, joko güi ambotekuaraita Babilonia pegua reta, jare ameeta oporookuai che aiparavo vae. Echa ¿kia pa chemboyovake? ¿Kia pa oyemboɨta cheve? ¿Kia nunga vecha iyangarekoa pa ipuereta cheré?

JEREMÍAS 51:11

¡Peyapo katu peruvɨ reta! ¡Peyokua kavi yeopiaka reta peyɨva re! YandeYa omokɨ̈reɨ mburuvicha guasu reta Media pegua; echa omboaita Babilonia, jae kuae yandeYa iara oiporarauka vaerä, itupao pe oyapo vae re.

JEREMÍAS 51:14

YandeYa Imbaepuere yae ete vae jei iyé ae: “¡Romotɨnɨeta tovaicho reta pe, tuku jeta yae rami, jae reta osapukaita nderé, nemoamɨri yave!”

JEREMÍAS 51:24

Ërei perovake amboepɨukata Babilonia pe, opaete Caldeaɨgua reta pe, ikavimbae oyapo reta Sión pe vae re. Che peYa ko jae kuae.

JEREMÍAS 51:25

Che añemopüa ndekotɨ, ɨvɨtɨ guasu oporomboai vae; reporomboai opaete ɨvɨ rupi vae. Che peYa ko jae kuae. Amopüata chepo aiporarauka ndeve vaerä, rombotokororota roitɨ ɨ̈vavira güi, jare roeyata ɨvɨtɨ okaigüe rami.

JEREMÍAS 51:30

Sundaro jëia vae reta Babilonia pegua mbaetɨ ma oñoraro, oñepɨ̈ro reta iñemika pe; mbaetɨ ma ipuere reta, kuñaecha opɨta reta. Jo reta opa oyeapɨ, jöke reta imotätaa opa oyeakɨo.

JEREMÍAS 51:36

YandeYa jei: “Che ayapota ndeve jupi vae, aiporaraukata nderovaicho reta pe. Opaeteita ambondɨpa Babilonia güi ɨ̈aka reta jare ɨesaɨ reta.

JEREMÍAS 51:44

“Tumpa-raanga Bel amboaita Babilonia pe, anoeta iyuru rupi opa omokoigüe; ngaraa ye ma tëtaguasu reta yogüeru ikotɨ. ¡Babilonia ikësea reta osururuta!

JEREMÍAS 51:58

Che, peYa Imbaepuere yae ete vae, jae: Babilonia ikësea ipɨguasu yae vae opaeteita oyemboai, jare jöke tuicha yae vae reta opata oyeapɨ. Oparavɨkɨiño ma tëtaguasu pegua reta, oparavɨkɨiño ma opa ókai vaerä.”

JEREMÍAS 51:6

¡Petekuarai Babilonia güi! ¡Peroasayepe perekove! ¡Agüɨye pemano jae iyoa jeko pegua! Echa oväe ara aiporarauka vaerä, aiporaraukata chupe jeko oï rupi.

JEREMÍAS 51:64

jare ere: ‘Köraita Babilonia ojo ɨ́vɨkotɨ, jare ngaraa ye ma opüa yandeYa ombouta omboai vae güi.’ ” Kuae pe Jeremías iñee reta iyapɨ.

LAMENTACIONES 5:6

Egiptoɨgua reta pe jare Asiriaɨgua reta pe royerure tembíu re, rokaru vaerä.

EZEQUIEL 17:18

Echa mbaetɨ ombopo iñee jare omboeteä morogüɨrökuavee päve; jae yepe oñererökuavee tëi, ërei oyapo ye kuae mbaembae reta. Jáeramo ngaraa oasayepe.

EZEQUIEL 21:22

Jare ipo iyakatu kotɨ oë chupe suerte Jerusalén regua, oporepeña vaerä jese, omboɨpɨ vaerä oporoyuka, osapúkai vaerä sapúkai ñeraro pegua, oyoka vaerä jöke reta tembiporu öke iyokaa pe jare omopüa vaerä yeupika reta tëta guasu ikësea re, opaetei vaerä oñova.

NAHUM 1:2

YandeYa jae ko Tumpa jägüɨro imbae vae reta re vae jare omboekovia vae; omboekovia, ikotɨ oyovaicho vae reta pe, jare iyarasɨ jovaicho reta kotɨ.

San Mateo 7:2

Echa pemboeko rami etei, peyemboekoukata vi. Jaeramiño vi kërai ïru vae pe peyapo rami, oyapota vi peve.

San Lucas 21:22

Echa jókuae ara reta pe ɨvɨ pegua reta oiporara yaeta, jeko ae re, opaete Tumpa Iñee pe oyekuatía oï vae oyembopo vaerä.

Romanos 12:19

Cherɨvɨ reta, agüɨye pe etei peeka peyepɨ vaerä mbae ikavimbae vae oyapo peve vae kotɨ. Pemaeño Tumpa toiporarauka chupe. Echa oyekuatía oï körai: “Oiporarauka vae ko che. Che tamboekovia chupe.”

Romanos 3:5

Jupimbae yayapo vae omboyekuaa kavi Tumpa jupi ko vae, ¿mbae pa yaeta? ¿Jáeramo Tumpa oiporarauka yave, jupimbae vae ra oyapo? (Kuimbae reta ramiño chemiari aï.)

DEUTERONOMIO 32:35

oiporarauka jare omboepɨuka vae ko che, iara pe ogüɨapi retata. Echa köi yae ma oï oiporara reta vaerä, ¡oäro güɨnoi vae köi yae ma!

DEUTERONOMIO 32:41

Aimbee yave chekɨsepuku, jare amboɨpɨ yave cheporojäa aiporaraukata cherovaicho reta pe, ¡amboepɨukata chemotareɨ vae reta pe!

DEUTERONOMIO 32:43

‘¡Tëtaguasu reta, pemboete Tumpa imbae vae reta! ¡Jae oiporaraukata jembiokuai reta imano re, oiporaraukata jovaicho reta pe, jare iñɨ̈rota kuae tëtaguasu pe jare imbae vae reta pe!’ ”

2 Tesalonicenses 1:8

Yogüeruta tata jendɨ vae re, oiporarauka vaerä mbaetɨ Tumpa oikuaa vae reta pe, ani ñäteɨ oendu ñee ikavi vae yandeYa Jesucristo regua vae reta pe.

Santiago 2:13

Echa kia mbaetɨ oiparareko japicha vae, Tumpa ojäata oipararekombae reve; ërei oporoparareko vae mbaetɨta oñejäa.

JOSUÉ 6:20

Jayave opaete vae osapúkai, jare sacerdote reta omoñee mimbɨ reta; jare opaete vae oendu yave mimbɨ ñee, osapúkai reta täta, jare tëta guasu ikësea osururu. Jayave opaete vae oyeupi tëta guasu re, metei ñavo vae oyeupi sɨmbi jenonde kotɨ, jare opïro reta.

JOSUÉ 6:5

Peendu omoñee puku reta mimbɨ vecha kuimbae-räti pegua yave, opaete vae tosapúkai täta, jare tëta guasu ikësea osururuta; jayave opaete vae metei ñavo toyeupi sɨmbi jenonde kotɨ.”

Apocalipsis 16:6

echa jae reta oyuka oporogüɨrovia vae reta jare ñeemombeúa reta, jáeramo remee vi jou reta tugüɨ. ¡Echa jupi ko jökorai vaerä!”

Apocalipsis 18:6

Pemee vi chupe jae omee rami, pemboekovia chupe mókoi ye jembiapo oï rupi. Peyapo mókoi ye chupe jae omee kopa pe ïru vae jou vaerä vae pe yeño.

Apocalipsis 19:2

Echa iporojäa reta añete jare jupi ko; echa jae ojäa jókuae kuña iyaguasa pota vae, opa güɨrokomegua opaete ɨvɨ pegua reta iyaguasa pota pe, ërei Tumpa oyepɨ ma jembiokuai reta imano re.”

1 SAMUEL 15:33

Jare Samuel jei: —Ndekɨsepuku pe reeya jeta kuña reta imembɨmbae, jökoraita opɨta ndesɨ imembɨmbae ïru reta ipɨte pe. Jayave Samuel opa oyasɨa sɨa Agag yandeYa jóvai Gilgal pe.